انچو گمان بیت کہ روچ ءَ وتی پاکیں کدم اِے ھلک ءُ جاھاں اِیر نہ کتگ اَنت ءُ نئیکہ ماہ ءَ درپش داتگ،من ھیراناں تو من ءَ اِد ءَ چیہ آورتگ اِد ءَ چم پہ چم ءَ میم نہ بیت دگہ کجام گپ ءَ بکناں،ساہ گٹ بئیگا اِنت چونیں ھلکے ھر گور ءَ چیپامور اِنت پداچوشیں تھاری!رژن ءِ یک برانزے اوں شھم نہ کنت،بیوانکی اِنت ھر نیمگا برمش ئے توارے ھچ نیست اِے ھلکے مردم کج اَنت؟
مرتگاں!
مرتگاں ؟ چوں کئے ءَ کشتگ اں؟
تھاری ءَ ۰۰۰۰ ! ءُ چو مہ بیت کہ تھاری من ءَ ءُ ترا بہ کُشیت ءُ گار بہ کنت گھتر اِنت کہ من ءُ تو چراگی ئے شوھاز ءَ در بہ کپیں۔۔۔۔
