دریگتں من نبشتہ کارے بوتیناں نبشتہ کنگ ءِ راھبند ڈول ءُ داب منی وسے گپے بوتیں من وتی ھیالاں یک شریں وڑے درشان کُت بکتیں دل ءِ لھڑیں پاھاراں گوں انوں مانگیش اِتگ آں اندر ءَ سچگ آں جشگ ءَ آں منی کرا ھیال باز اِنت بلے شائری ھدائی دادے ءُ ھدا ءَ اِے داد من ءَ نہ بکش اِتگ کہ وتی ھیال پِربست کتگ اِتاں ،ھیال وتی درشانتگ اِتاں بگندئے بے مرادیں زرد ءَ کرارے رستگ اَت۔
کجام گپ ءَ بکناں راج سرسستگ تار تار اِنت،رھشون ءِ چے بگوشاں، نوں کئے اِنت کہ راج ءَ ھور ءُ تپاک کنگ ءَ کردے پیلو بے کنت منی دل ءَ باز ھست بلے دست گشے مُنڈاَنت ھچ جاہ بند نہ گِر اَنت بنگپ منی کراباز اِنت من بلے نبشتہ کنگ نزاناں اِے جاوراں گوں سک پدرد آں سوجے بدئے تئی دل ءَ من چے بکناں دمے تاھیر بباں۔
ھچ مکن ءُ ھدائے شگر ءَ بے گِر کہ تو نبشتہ کارے نئے ، یک ءُ دومیگ ئے ڈوبارگ ءَ مئے آ دگہ نبشتہ کار وت بس اَنت تو
