نو انسان ءَ جیڑگ لوٹیت کہ گاڈ پارٹیکل ءِ ماں اے نظام ءِ تھا دزمانجنی ءِ پُژدر چے اِنت۔ کئے اِنت کہ گاڈ پارٹیکل ءِ ھمے سکین ءَ دنت؟

دومی Cell اِنت۔

سائنس گُشیت کہ Cell زند ءِ بنکی ھِشت اِنت۔ کروڑاں سال پیش cell  ءِ تھا چون زندگی اَتکگ۔ زند ءِ ودی کنوک کئے اِنت؟ سائنس ءِ تھا ”الیکٹرک کوانٹمی جست“ ئے ءَ چہ بنکی cell  ءِ تھا زند ودی بیتگ۔ بلے ماں بنکی Cell  ءِ تھا ھمے الیکٹرک کوانٹمی جست ءِ ودی کنوک کئے اِنت کہ چر ایشی ءَ زند ءِ بنکی ھشت CELL ءِ تھا زند ودی بیت ءُ یک cell سھدار جوڑ بیت۔

اے ھما جُست اَنت کہ ادا انسان ءِ عقل کارا وئیل کنت ءُ دل گُشیت کہ ”اللہ“ اِنت۔

سبحان اللہ۔ اے منی خدا تو سک مزن ءُ مزن شان یے۔۔۔

تو ملا ءِ چار رکعت نماز ءِ وانگ ءِ ھم محتاج نہ یے۔۔۔

پمیشا من کافر نیاں، بس مُلا ءُ زر ءِ خدا ءِ منوک نیاں۔

من ھمے سائنسی ءُ کائناتی خدا ءِ منوک اَنت۔۔

من ھما خدا ءِ منوکاں کہ گاڈ پارٹیکل ءَ حکم کنت کہ ایٹم ءِ تھا دزمانجی بہ کن۔

من ھما خدا ءِ منوکاں کہ cell ءِ تھا الیکٹرک کوانٹمی جست ءِ حکم ءَ دنت۔۔

ھمیش اِنت کہ اے جھان ءِ شاھگانیں نظام ءِ سرا بادشاھی کنگ اِنت۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا ءَ وتی خلائی ”سیٹلائٹ“ کیورسٹی Marse ءِ سرا ایر گیپتگ ءُ شاتکامی کُتگ کہ من کائنات تسخیر کُتگ۔ Marse زمین ءِ نزیک تریں سیارہ اِنت ءُ روچ ءِ میان ءَ گردش کنت۔ روچ ءِ مئے استارانی کلکشان ءِ کسانیں استارے۔ بلے ھما کلکشانانی تسخیر ءَ کئے کنت کہ کھربانی ھساب ءَ اے جھان ءِ شاھگانیانی تھا چھر ورگ ءَ اَنت؟ اگاں ما جاھلی بہ کنیں خاموش بییں، اگاں عقل ءَ کار بہ گریں گُشیں ”اللہ“ اِنت۔۔ بے شک منی پاکیں اللہ تئی گپ راست اَنت۔