Facebook
RSS

اسلام ءِ ھلاپ ءَ تامُر

-
شپچراگ


سلمان رشدی ءَ کتابے نبشتہ کُت، ایرانی ملایاں آئی ءِ سر ءِ قیمت ءَ ھپتاد کروڈ ڈالر ایر کُت۔ بلے اگاں ھمے زَر یک انچیں کتابے ءِ نبشتہ کنگ ءِ سرا ھَرچ بوتیناں کہ آ کتاب ءِ تھا سلمان رشدی ءِ جواب گوں دلیل ءُ گواچناں دیگ بوتیناں تہ جوانتر اَت۔ چیاکہ سلمان رشدی ءِ نویس اِتگ کتاب لبزانکی تخلیقے، اے کتاب ”شیطانی آیات“ ءِ تھا ھچ وڑیں تاریخی راستی نیست۔ جوڑینتگیں کرداراں گوں بندوک کُتگیں واقعاتانی تھا ھم انچیں نزوری ھست کہ گوں دلیل ءُ گواچناں رَد کنگ بنت۔

بلے ملا ءِ گورا اینکہ علم ءُ زانگ کُج اِنت کہ آ گوں گواچن ءُ دلیلاں راستی ءَ دُنیا ءِ دیم ءَ بیاریت۔ ملا ءِ کم علمی ءِ آسر تاں ھمدا سر بیت کہ آ کفر ءِ فتویٰ بہ دنت۔ چوناھا اے کتاب ءِ سرا اگاں ملایاں اینکہ ڈاہ ءُ شور مہ کُتیں، تہ اے کتاب اینکہ مشھور نہ بیتگ اَت ءُ اینکہ زباناں رجانک ھم نہ بوتگ اَت۔

 مرچی ماں امریکا ءَ جوڑ بیتگیں فلم ءِ سرا اینکہ ڈاہ ءُ شور ھم اے فلم ءِ پزیرائی ءَ گیش کن اَنت ءُ چد ءُ گیشتر مردم اے فلم ءِ چارگ ءِ واھگ ءَ داریت۔ وھدیکہ فلم ءَ گیش ءَ چہ گیش مردم چاریت، تہ فلم ءِ جوڑ کنوک ءَ گیش ءَ چہ گیش مالی نپ رسیت۔

منی نظر ءَ چوشیں تامراں (فلم) پیت بند کنگ ءِ مستریں مول ءُ مراد ھما فلمی ٹیم ءِ مالی نپ ءِ یکجاہ کنگ اِنت۔ ملایانی ڈاہ ءُ شور ءَ چہ ھما فلمی ٹیم ”ٹیری جونز گروپ“ ءَ گیش ءَ چہ گیش مالی نپ رسیت۔ چیاکہ چر ایشی ءَ چہ گیش ءَ چہ گیش مھلوک ھمے فلم ءِ چارگ ءِ واھگ دار بیت ءُ فلم گیش ءَ چہ گیش مشھور بیت۔ بلے ملایاں خُدا عقل ءُ ھوش بہ دنت۔۔۔۔۔۔

چمشانک بہ دئے