پاکستانی زانتکارے وتی نبشتہ کُتگیں کتابے ءَ پاکستان ءِ آیوکیں وھد ءِ جنجال ءُ پُرشت ءُ پروش ءِ پشڈاھی ءَ کنت ءُ گُشیت کہ ”آیوکیں وھد ءَ راجی ریاستانی حَد بندی قومی ءُ لسانی بنیاداں بیت، آئی ءِ کتاب ءِ بنکی ھیال اے وڑ اَنت کہ ”اگاں پاکستانی حاکماں اے ملک ءِ چد ءُ گیش دارگ ءِ جُھد ریاستی ”دو قومی لیکہ“ ءِ بنیاد ءَ کُت تہ پاکستان ھِچ وڑا پشت نہ کپیت۔ آ وھد دیر نہ اِنت پاکستانی ”دوقومی لیکہ“ ءِ بنیاد ءَ جوڑ بوتگیں ریاست ماں اے جھان ءِ نقشہ ءَ گار ءُ بیگواہ بیت“۔۔۔
آ وتی کتاب ءَ پاکستانی حاکماں ھمے شور ءُ سلاہ ءَ دَنت کہ ”اگاں مارا پاکستان رکینگی اِنت تہ ادا بَس یک ”فارمولہ“ ئے کارمرز کنگی اِنت۔ آ اردو زبان اِنت۔ آ گْشیت بَس اردو اِنت کہ پاکستانی راجاں یک راجی ئے ءِ درچ ءَ آؤرت کنت ءُ بائد پاکستان ءِ بنیاد دو قومی لیکہ ءَ ابئید ”اردو قوم“ ءِ لیکہ ءِ سرا ایر کنگ بہ بیت تہ اے پہ پاکستان ءِ رکینگ ءَ سوت مندیں گامگیجی بیت کَنت۔
پاکستانی ندکار ءِ نبشتہ کُتگیں کتاب ءِ بنکی مول ءُ مراد ھمیش اِنت کہ اے ردا کالج ءُ یونیورسٹی جوانیں گامے پیلہ کُت کَن اَنت ءُ آ پاکستان ءِ دومی ایردستیں راجاں یک قومی ءِ درچ ءَ آؤرت کن اَنت، اے چوشکہ راجی چاگردانی تھا کالج ءُ یونیورسٹیانی وسیلت ءَ سائنسی بنیاداں اردو عام کنگ بہ بیت۔ چر ایشی ءَ چہ دومی راج وت ءَ اردو ءِ قالب ءَ رجان ءُ وتی راجی بستار ءَ شموشان کن اَنت۔ آ گُشیت پہ اردو ءِ عام کنگ ءِ کار ءِ دیم ءَ اگاں دومی راج میلانک بہ بنت ءُ اے سوب مند مہ بیت تہ پاکستان ءَ ھِچ وڑا رک اِت نہ کنت۔
چوناھا اے پندل ماں بلوچستان ءَ سَک دیریں سازگ بیتگ۔ بقول سید ظھور شاہ ھاشمی سِک دیریں مئے ” بیگواھی ءِ کار سرجم بوتگ اَنت“ ۔۔۔۔۔۔۔۔۔۔۔ مرچی اے گپ ءَ بلوچ راج سرپد اِنت کہ مئے زھگ ءَ وتی ماتی شھد ءُ شکلیں زبان ءِ وانینگ ءَ ابئید دُژمن ءِ زبان ءَ تعلیم دیگ بیئگ اِنت۔ اے پاکستان ءِ رکینگ ءِ ھمے پندل اِنت کہ گوستگیں نیم کرن ءَ بلوچ ءِ بیگواہ کنگ ءِ ھاترا برجاہ اِنت۔ بلے مئے رھشون پھک ءَ بے سما اِنت۔ مئے وانندہ پاکستان ءِ وانگ جاھاں وانیت، پمیشا آئی ءِ در سما ءِ تھا ھمے اردو ءِ پندل نادینگ بیت ءُ آ ھمینکہ بلوچ ءِ گپ ءَ بہ جَنت۔ بلے بلوچ زھگ ءَ آ تعلیم ءَ دات نہ کَنت کہ آ راج زھگ ءَ شعوری حوالہ تیار بہ کَنت ءُ آئی ءَ پُھتگیں رنگے ءَ راجی درچ ءَ بیاریت۔ ناکہ مئے ندکار ءَ ماتی زبان ءِ سما ھست اِنت۔ آ ماتی زبان ءِ دیمروئی ءِ ھاترا کار کنگ ءَ ابیئد اردو ءَ نبشتہ کَنت ءُ دُژمن ءِ ھمے پندل ءَ پہ لاشعوری ھوار اِنت۔
اے ردا ما بام ھال ءِ وسیلت ءَ ھمے گُشگ لوٹیں کہ اگاں بلوچ ءَ وت ءَ رکینگی اِنت تہ آ وتی ماتی زبان ءَ بہ رکینیت۔ چیاکہ تاریخ ءَ ھَست اِنت راج ھِچ وڑا گار ءُ بیگواہ نہ بنت۔ بلے دُژمن وھدی راجی زبان ءِ گار ءُ بیگواہ کنگ ءَ سوب مند بوت تہ بزاں آ راج ءِ بیگواہ کنگ ءَ سوبمند بیت۔
جہ بِجَن بے ساری ءِ بے زانتی ءَ شھمات کَن
کہ تئی، بیگواھی ءِ سامان سَرجم بوتگ اَنت
آ وتی کتاب ءَ پاکستانی حاکماں ھمے شور ءُ سلاہ ءَ دَنت کہ ”اگاں مارا پاکستان رکینگی اِنت تہ ادا بَس یک ”فارمولہ“ ئے کارمرز کنگی اِنت۔ آ اردو زبان اِنت۔ آ گْشیت بَس اردو اِنت کہ پاکستانی راجاں یک راجی ئے ءِ درچ ءَ آؤرت کنت ءُ بائد پاکستان ءِ بنیاد دو قومی لیکہ ءَ ابئید ”اردو قوم“ ءِ لیکہ ءِ سرا ایر کنگ بہ بیت تہ اے پہ پاکستان ءِ رکینگ ءَ سوت مندیں گامگیجی بیت کَنت۔
پاکستانی ندکار ءِ نبشتہ کُتگیں کتاب ءِ بنکی مول ءُ مراد ھمیش اِنت کہ اے ردا کالج ءُ یونیورسٹی جوانیں گامے پیلہ کُت کَن اَنت ءُ آ پاکستان ءِ دومی ایردستیں راجاں یک قومی ءِ درچ ءَ آؤرت کن اَنت، اے چوشکہ راجی چاگردانی تھا کالج ءُ یونیورسٹیانی وسیلت ءَ سائنسی بنیاداں اردو عام کنگ بہ بیت۔ چر ایشی ءَ چہ دومی راج وت ءَ اردو ءِ قالب ءَ رجان ءُ وتی راجی بستار ءَ شموشان کن اَنت۔ آ گُشیت پہ اردو ءِ عام کنگ ءِ کار ءِ دیم ءَ اگاں دومی راج میلانک بہ بنت ءُ اے سوب مند مہ بیت تہ پاکستان ءَ ھِچ وڑا رک اِت نہ کنت۔
چوناھا اے پندل ماں بلوچستان ءَ سَک دیریں سازگ بیتگ۔ بقول سید ظھور شاہ ھاشمی سِک دیریں مئے ” بیگواھی ءِ کار سرجم بوتگ اَنت“ ۔۔۔۔۔۔۔۔۔۔۔ مرچی اے گپ ءَ بلوچ راج سرپد اِنت کہ مئے زھگ ءَ وتی ماتی شھد ءُ شکلیں زبان ءِ وانینگ ءَ ابئید دُژمن ءِ زبان ءَ تعلیم دیگ بیئگ اِنت۔ اے پاکستان ءِ رکینگ ءِ ھمے پندل اِنت کہ گوستگیں نیم کرن ءَ بلوچ ءِ بیگواہ کنگ ءِ ھاترا برجاہ اِنت۔ بلے مئے رھشون پھک ءَ بے سما اِنت۔ مئے وانندہ پاکستان ءِ وانگ جاھاں وانیت، پمیشا آئی ءِ در سما ءِ تھا ھمے اردو ءِ پندل نادینگ بیت ءُ آ ھمینکہ بلوچ ءِ گپ ءَ بہ جَنت۔ بلے بلوچ زھگ ءَ آ تعلیم ءَ دات نہ کَنت کہ آ راج زھگ ءَ شعوری حوالہ تیار بہ کَنت ءُ آئی ءَ پُھتگیں رنگے ءَ راجی درچ ءَ بیاریت۔ ناکہ مئے ندکار ءَ ماتی زبان ءِ سما ھست اِنت۔ آ ماتی زبان ءِ دیمروئی ءِ ھاترا کار کنگ ءَ ابیئد اردو ءَ نبشتہ کَنت ءُ دُژمن ءِ ھمے پندل ءَ پہ لاشعوری ھوار اِنت۔
اے ردا ما بام ھال ءِ وسیلت ءَ ھمے گُشگ لوٹیں کہ اگاں بلوچ ءَ وت ءَ رکینگی اِنت تہ آ وتی ماتی زبان ءَ بہ رکینیت۔ چیاکہ تاریخ ءَ ھَست اِنت راج ھِچ وڑا گار ءُ بیگواہ نہ بنت۔ بلے دُژمن وھدی راجی زبان ءِ گار ءُ بیگواہ کنگ ءَ سوب مند بوت تہ بزاں آ راج ءِ بیگواہ کنگ ءَ سوبمند بیت۔
جہ بِجَن بے ساری ءِ بے زانتی ءَ شھمات کَن
کہ تئی، بیگواھی ءِ سامان سَرجم بوتگ اَنت
