شاعری ھیالے، انسانی ذھن ءِ تخیلانی نام اِنت، بے معنا اِنت۔ پمیشا شاعری ءَ گوں راستی ءَ ھِچ وڑیں سیادی نیست۔ شاعر تخیل ءُ استعارھانی بنیاد ءَ وتی فکر ءِ بنیاد ءَ ایر کنت۔ وھدیکہ منطق راستیں تجربہانی بنیاد ءَ ۔۔۔۔۔ پمیشا منطق ءُ ھیال (شاعری) ءَ زمین ءُ آزمان ءِ فرق اِنت۔ منطق، ھیال ءُ شُبین (استعارہ) ءِ مستریں دُشمن اِنت ءُ شبین منطق ءِ ۔۔۔
ھمے بنیاد ءَ افلاطون شاعری ءَ سراسر رَد کنت ءُ شاعر ءَ دروگ بند ءُ گوچل گُشیت۔ منطق ءَ دوست داریت۔ آ گُشیت کہ شاعر چہ جمہوری استان ءِ سیمسراں کَشگ ءُ آھانی جاہ ءَ فلسفیاں جاہ دیگ بیت۔ افلاطون فلسفہ ءَ چہ شاعری ءَ پمیشا گیشتر بستار دَنت کہ پرآئی ءَ شاعری عقل ءُ فلسفہ ءِ ازلی دُژمن اِنت۔ فلسفہ ءُ منطق زندگی ءِ ہر چیز ءَ عقل ءُ منطق ءِ شاھیم ءَ تور کنت ءُ گیشینیت کہ اے انسانی ذھن ءِ جوانتریں صفت اِنت۔ وھدیکہ شاعری بے سوتیں جزبگانی عکس اِنت۔ افلاطون ءِ گُشگ ءِ ردا جزبگ انسان ءَ نیک ءُ پاک جوڑ کنگ ءَ ابئید ، آئی ءَ بے سریں راھاں پِرینیت ءُ گار کنت۔ پمیشا شاعری عقل ءِ مستریں دُژمن اِنت۔
افلاطون ءِ ردا شاعری جزبگاں ردوم دَنت ءُ عقل ءَ کور کنت۔ عقل مند چار ءُ تپاس کنت، جزبگانی تھا بُک وران نہ کنت۔ آ گُشیت کہ شاعر دروگ بندنت، آ کدی ”الہامی‘‘ وجدانی جاوراں گوں دُچار نہ کپَنت۔ پمیشا شاعرانی راہ ءَ رؤگ مستریں کم عقلے اِنت۔
افلاطون ءِ ردا منطق اصل ءُ راستی اِنت، شاعری نقلے، نقل کدی اصل ءُ راستی ءِ جاہ ءَ گیپت نہ کَنت۔ پمیشا مُلک ھیال ءُ تخیل ءِ سرا دیمروئی دیگ نہ بنت۔ بلکیں منطق ءُ عقلے رھبندانی سرا انسانی چاگرد ءُ مُلک دیمروئی دیگ بنت۔
بلے شاعر ھما کن اَنت کہ آھانی دِل بہ بلوٹیت، بقول شاعر ”شاعر چاگرد ءِ حساس تریں ءُ عقل مند تریں انسان اَنت“۔ شاعر ھم وتی جاہ ءَ راست اَنت۔ چیاکہ شاعر تخیلاتی ذھن ءِ واھند اِنت۔ استعاراتی زبان ءَ گَپ جَنت۔ شاعر ءِ بے سریں ھیال ءُ استعارات پہ راجی زبان ءِ دیمروئی ءَ او زبان ءِ سینگارگ ءُ پلگارگ ءَ جوانیں کمکے بیت کن اَنت۔ پمیشا انسانی چاگرد ءِ پلگارگ ءُ سینگارگ ءَ ھمینکہ عقل ءُ منطق ھژدری اِنت۔ راجی زبان ءِ گھبودی ءُ پلگارگ ءَ شاعر ھم وتی جوانیں کمال ءَ پیش داریت۔ شاعر ءِ تخیل ءُ ھیالی سسا ساچ پہ فلسفی ءَ وتگڑ ءُ بے سراں، بلے پہ شاعر ءَ راجی زند ءِ پلگارگ ءُ سینگارگ ءِ نہ دیستگیں واھگانی نام اَنت۔
پمیشا من گُشاں پہ راجی زند ءَ ھمینکہ فلسفی مزنیں کردے ءِ واھند اِنت، شاعر ھم۔۔ بائد شاعریں سنگت دل ءَ میاراں۔۔۔
سنگت فلاسفر او شاعر توکا فرک چی انت۔۔۔۔؟ او افلاتون اے وٰہدہ شاعر ء۔ قدر او قیمت گیشتر بیتگ فمیشکا آہی ء۰ اے گپ جتگ او فلاسفر ء ہچ قدر او قیمت نہ بیتگ
من بندات ءَ ھمے فرق گیشینتگ،
شاعر تخیلاتی ذھن ءِ واھُند اِنت، پمیشا استعارھانی کمک ءَ وتی گپ ءَ دیم ءَ کاریت ءُ فلاسفر وتی ھمک گپ ءَ تجربہانی بنیاد ءَ ایر کَنت ءُ گُشیت۔۔۔ دگہ اگاں اے سرھال ءَ گپ جنگ بہ بیت ءُ چد ءُ گیشتر فرق گیشینگ بہ بیت گُڑا وت بلاھیں آرٹیکلے تیار بیت۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلے واجہ من فلسفہ ءِ گپ نہ جَتگ، من منطق گپ جتگ، منطق ءِ تعریف ءَ زانتکاری چوش کنت
منطق:_ صحیح الفاظ کا منظم اور باضابطہ اظہار جوکہ ایک علم غلط یا صحیح ثابت کردے ، منطق کہلائے گا۔
منطق:_ صحیح الفاظ کا منظم اور باضابطہ اظہار جوکہ ایک علم کو غلط یا صحیح ثابت کردے ، منطق کہلائے گا۔