پُلنگ ءِ بازیں تھر اَنت، برفی، جنگلی ءُ کوھی پُلنگ۔ اِش کنگ ءَ مکران ءَ کوہ پُلنگ سَک باز بوتگ۔ شیراز، مزن بند ، سائیجی ءُ تلاراں اے پُلنگانی جاہ ءُ ھنکین بیتگ۔ کماش گُشنت کہ پُلنگ سکیں بزرگیں سھدارے، دگہ سھدارانی بادشاہ اِنت۔ تچگ ءِ تھا پُلنگ ءَ شگان بہ جن یے گُڑا اوشتیت، پمیشا بلوچ پُلنگ ءَ کوہ ءِ بادشاہ گُشنت۔۔

بلے پُلنگ دو وھد ءَ انسان ءِ سرا اُرش کنت۔ یکے گَٹے بہ کن یے ءُ دومی ٹپی بہ بیت۔ بلے پُلنگ پہ بلوچ ءَ ھِچ وڑا بیمناکیں سھدارے نہ اِنت۔ پُلنگ کوھاں تریت، سرزھاں گردیت، بازار ءَ کدی نئیت۔ ماں کوھاں سید ءُ آسک ءُ دگہ کوھی سھداراں شکار کنت ءُ وارت، بلوچ گُشنت پُلنگ سَک پیر بہ بیت، آ کوہ ءَ شکار گیپت مہ کَنت، تہ بازار ءَ کئیت ءُ کُچک وارت۔ بلے اے گپ ءِ تھا راستی نیست۔

پُلنگ ءِ بادشاھی ءِ دومی صفت ایش اِنت کہ اے سکیں حساسیں رَسترے، سائنٹیفک بنیاد ءَ شکار ءَ گیپت۔ بزاں ھاک دَنز دَنت۔ ھاک ءَ دنز دیگ ءَ چہ گوات ءِ تب ءَ چاریت، شکار ءِ گوات ءَ رَد دنت ءُ شکار ءَ گیپت۔ پُلنگ شکار ءِ بو ءَ گیپت ءُ شکار ءَ در گیجیت۔

بلے مرچاں پُلنگ ماں سرزھاں گندگ نہ بنت۔ چیاکہ پُلنگ چُکچین کنگ بوتگ اَنت۔ بے گُناہ ءُ میار ءَ جنگ ءُ کُشگ بیتگ اَنت۔ بلوچ شکاریانی نزانتکارے ءِ دیناں رپتگ اَنت۔ گپ ایش اِنت کہ اے زمین غلام اِنت۔ غلامیں زمین ءِ ھچ سھدار نگھدارگ نہ بیت۔ ادا بلوچ ءِ پجار ءِ گار کنگ ءِ پندل سازگ بوتگ اَنت۔ سھدارانی ھیال ءَ کئے داریت۔ بلوچ وتی جند ءِ برات ءِ دلاری ءَ کَنت ءُ وتی برات ءَ دری دُژمن ءِ دست ءَ کوشارینیت۔ مئے سروکانی جند میر محمد علی، مالک ءُ اسد ءُ زھری ءِ وڑیں دُز ءُ قحبگ اَنت۔ ایشاں ناں وتی راج ءِ ھیال گور اِنت ناں مات ءُ گُھارانی۔۔۔۔۔ اے راج ، سرزمین، او اے سرزمین ءِ سھداراں خدا وت اِنت