کمیونزم ءِ گالبند ءِ اِش کنگ ءَ گوں باز مردمانی دل ءَ انچیں گُمان ودی بیت کہ پَر آھاں گُشئے ھمے لبز ءِ زبان ءَ درآیگ ءَ گوں شیطان ءِ ھیال ذھن ءَ ودی بیت۔ پہ ملا ءَ اے گالبند ھما بزانت ءَ دنت کہ شیطان اِنت۔ انچو کہ شیطان پہ ملا ءَ چاگرد ءِ گُمراھی ءِ علامت اِنت۔ او ملا کمیونزم ءِ لیکہ ءَ ھم ھمے بزانت ءَ زیریت ءُ ایشی ءِ منوگر ءَ کافر، شیطان ءُ بے دین ءُ دگہ بازیں پنام بندیت۔ بلے پہ راستی اے لبز ءَ ناں گوں مذھب دُژمنی ءَ سیادی ھست ءُ ناں کافری ءُ شیطان ءَ ۔۔۔۔۔۔ اصل کمیونزم ءِ شاھگانیں بزانت اِش اِنت کہ چاگردی نابرابریانی ھلاپ ءَ جد ءُ جھد۔۔۔۔۔۔ استحصالی ءُ طبقاتی رھبند ءِ ھلاپ ءَ جدوجھد ءِ نام کمیونزم اِنت۔ کمیونزم ھما لیکہ اِنت کہ چاگرد ءِ تھا انسانی برابری ءِ لوٹ ءَ کنت ءُ مذھب ءِ نام ءِ سرا انسان ءِ استحصال ءُ واجہ گیری ءُ میر ءُ معتبرانی ھلاپ ءَ آواز چست کنگ ءُ بزگیں انسان ءِ چاگردی حقانی پانک پانی کنگ ءِ نام اِنت کمیونزم۔۔۔۔۔۔۔۔۔۔۔۔۔ مُلا ءِ زند گوں طبقاتی ءُ استحصالی نظام ءَ بندوک اِنت۔ استحصالی نظام ءِ پُرشگ ءُ انسان ءِ چاگردی آجوئی ملا ءِ مرگ اِنت۔ پمیشا ملا ہردور ءُ ہر زمانگ ءَ کمیونزم ءِ لیکہ ءِ دیم ءَ چو دیوال ءَ میلانک بوتگ ءُ گوں وتی بدیں زبان ءَ مذھب کارمرز کُتگ ءُ وتگڑیں فتویٰ داتگ۔
چوناھیگا کمیونزم ءِ بنکی لبز ”communis“ اِنت۔ communis لاطینی لبزے ءُ شاھگانیں بزانتے داریت۔ انگریزی ءِ کمیون ءُ کمیونیکیش(برابری ءِ بنیاد ءَ رابطہ کاری) ءِ پُژدر ھمے لبز اِنت۔ کمیون ھما چاگرد اِنت کہ سیاسی، معاشی ءُ کار ءُ بار ءِ تکاں سرجمیں انسان برابر اَنت۔ کس ءَ کسی چاگردی ءُ سماجی ءُ مذھبی ءُ سیاسی حقانی تھا دزمانجنی ءِ اجازت نیست۔ چاگردی برابری ءُ برابری ءِ بنیاد ءَ معاشی شراکت داری ءِ نام اِنت ”کمیونزم“۔۔۔۔۔۔۔۔۔ ملائیت ءُ پاپائیت ءُ میر ءُ معتبری ءِ نام ءِ سرا کس ءَ انسان ءِ چاگردی حقانی سرا دزمانجنی ءِ گنجائش نیست۔۔۔۔
دومی بزانت ءَ ، کمیونزم ءِ تھا چاگرد ءِ استحصال کنوکیں ملکیت ، بزاں ذاتی ملکیت کسے گورا نہ بیت۔ پیداوار ءِ سرجمیں وسیلت لس مھلوک ءِ ملکیت مَنگ بنت۔ اے رھبند ءِ تھا ہرکس ءَ آئی ءِ بدنی ءُ ذھنی قوت ءُ صلاحیت ءِ مطابق ءَ کار گِرگ بیت ءُ آئی ءِ ضرورت ءُ لوٹانی مطابق ءَ مُز دیگ بیت۔ محنت ءُ مزدوری ءِ تھا رسوکیں مُز ءِ فرق ءُ تپاوت ھلاس بنت ءُ ہرکس ءَ آئی ءِ لوٹانی مطابق ءَ ابئید ء فرق ءُ تپاوت ءَ تعلیمی، ترھجاھی ءُ زندگی ءِ کُلیں آسراتی دیگ بنت۔ اے نظام ءِ تھا بیروزگاری ءُ بے کاری ءِ لبزاں چہ لس مھلوک ناآشنا بیت۔ ہرکس ءَ آئی ءِ لوٹانی ردا آئی ءِ مُز رسیت۔ بے تعلیمی، بے روزگاری ءُ جہالت ءُ تنگ نظری ءُ چاگردی سلکاری ملائیت ءُ سرمایہ داری نظام ءِ پیداوار اَنت۔ کمیونزم رھبند ءِ تھا لس مھلوک چہ بے تعلیمی، بے روزگاری ءُ جہالت ءُ چاگردی سلکاریانی نادراھی ءَ رَکیت۔۔۔۔ ھمے مقدس ءُ راستیں انسانی رھبند ءُ انسان ءِ معاشی ءُ چاگردی حقانی نگھپانی کنوکیں نظام ءِ نام اِنت ”کمیونزم“۔۔۔۔۔۔۔۔۔۔۔۔۔۔۔۔۔
جرمن فلاسفر ”کارل مارکس“ ءَ کمیونزم ءِ سرخیل گُشنت۔ کمیونزم لبزانک ءِ تھا جوانتریں کتاب کارل مارکس ءِ ”داس کیپیٹل“ اِنت کہ 1867 ءَ شِنگ بوتگ۔ کارل مارکس ءَ معاشی رھبند ءَ سائنسی دروشمے داتگ ءُ چاگردی ءُ معاشی سائنس ءِ تھا مستریں نام کارل مارکس زانگ بیت۔ کارل مارکس ءِ ردا انسان ءِ نجات ءِ جوانتریں رھبند ”کمیونزم“ رھبند ءِ تھا اِنت۔ ملائیت ءُ سرمایہ داری رھبند یا طبقاتی رھبند انسانیت ءِ مستریں دُژمن اَنت۔ کارل مارکس یک فقیر دروشم ءُ صوفی صفتیں انسانے بیتگ۔ آ انسانیت ءِ بزگی ءُ تنگ دستی ءِ غم ءُ اندوھاں رنجینتگ۔ آئی ءَ وتی سرجمیں زِند پہ انسان ءِ معاشی ءُ چاگردی حقانی پد جنگ ءَ ندر کُتگ۔ آ وت شُدیگ بیتگ۔ تنگ دست بوتگ بلے وتی زندے پہ انسان ءِ حقانی پانک پانی ءَ وقف کُتگ۔ آ چو ملایانی وڑا پہ حلواہ ءَ نہ زر اِتگ۔ گُشنت کہ باز رندا کارل مارکس شُد ءَ جتگ ءُ سڑکانی سرا کپتگ۔ بلے خدا اینگلز ءُ آئی ءِ لوگبانک ءَ ثواب ءُ حیر بہ دنت کہ آھاں داں دوسال ءَ کارل مارکس وتی گِس ءَ جاگہ داتگ ءُ چہ مرگ ءَ رکینتگ۔۔۔
اے سرجمیں گپاں چہ ابئید کمیونزم ھچ مذھبی راہ ءُ رھبندانی تھا بندوک نہ اِنت۔ کمیونسٹ مسلمان ھم بیت کنت۔ دہریہ ھم بیت کنت۔ عیسائی ءُ یہودی ھم بیت کنت ءُ ھندو ءُ بدھ مت ھم بیت کنت۔ بزاں اے ھچ وڑیں رھبندانی بندوک نہ اِنت ءُ ایشی ءِ تھا ہرکس ءَ وتی مذھب ءِ سرا کاررھبند بیئگ ءِ حق ھست۔ چیاکہ کمیونزم ءِ بزانت باز شاھگان اِنت۔
منی اے بابت ءَ نبشتہ کنگ ءِ مول ءُ مراد ھمیش اِنت کہ مرچی من ءَ سنگتی ءَ مسیج دات ءُ گُشت
چوناھیگا کمیونزم ءِ بنکی لبز ”communis“ اِنت۔ communis لاطینی لبزے ءُ شاھگانیں بزانتے داریت۔ انگریزی ءِ کمیون ءُ کمیونیکیش(برابری ءِ بنیاد ءَ رابطہ کاری) ءِ پُژدر ھمے لبز اِنت۔ کمیون ھما چاگرد اِنت کہ سیاسی، معاشی ءُ کار ءُ بار ءِ تکاں سرجمیں انسان برابر اَنت۔ کس ءَ کسی چاگردی ءُ سماجی ءُ مذھبی ءُ سیاسی حقانی تھا دزمانجنی ءِ اجازت نیست۔ چاگردی برابری ءُ برابری ءِ بنیاد ءَ معاشی شراکت داری ءِ نام اِنت ”کمیونزم“۔۔۔۔۔۔۔۔۔ ملائیت ءُ پاپائیت ءُ میر ءُ معتبری ءِ نام ءِ سرا کس ءَ انسان ءِ چاگردی حقانی سرا دزمانجنی ءِ گنجائش نیست۔۔۔۔
دومی بزانت ءَ ، کمیونزم ءِ تھا چاگرد ءِ استحصال کنوکیں ملکیت ، بزاں ذاتی ملکیت کسے گورا نہ بیت۔ پیداوار ءِ سرجمیں وسیلت لس مھلوک ءِ ملکیت مَنگ بنت۔ اے رھبند ءِ تھا ہرکس ءَ آئی ءِ بدنی ءُ ذھنی قوت ءُ صلاحیت ءِ مطابق ءَ کار گِرگ بیت ءُ آئی ءِ ضرورت ءُ لوٹانی مطابق ءَ مُز دیگ بیت۔ محنت ءُ مزدوری ءِ تھا رسوکیں مُز ءِ فرق ءُ تپاوت ھلاس بنت ءُ ہرکس ءَ آئی ءِ لوٹانی مطابق ءَ ابئید ء فرق ءُ تپاوت ءَ تعلیمی، ترھجاھی ءُ زندگی ءِ کُلیں آسراتی دیگ بنت۔ اے نظام ءِ تھا بیروزگاری ءُ بے کاری ءِ لبزاں چہ لس مھلوک ناآشنا بیت۔ ہرکس ءَ آئی ءِ لوٹانی ردا آئی ءِ مُز رسیت۔ بے تعلیمی، بے روزگاری ءُ جہالت ءُ تنگ نظری ءُ چاگردی سلکاری ملائیت ءُ سرمایہ داری نظام ءِ پیداوار اَنت۔ کمیونزم رھبند ءِ تھا لس مھلوک چہ بے تعلیمی، بے روزگاری ءُ جہالت ءُ چاگردی سلکاریانی نادراھی ءَ رَکیت۔۔۔۔ ھمے مقدس ءُ راستیں انسانی رھبند ءُ انسان ءِ معاشی ءُ چاگردی حقانی نگھپانی کنوکیں نظام ءِ نام اِنت ”کمیونزم“۔۔۔۔۔۔۔۔۔۔۔۔۔۔۔۔۔
جرمن فلاسفر ”کارل مارکس“ ءَ کمیونزم ءِ سرخیل گُشنت۔ کمیونزم لبزانک ءِ تھا جوانتریں کتاب کارل مارکس ءِ ”داس کیپیٹل“ اِنت کہ 1867 ءَ شِنگ بوتگ۔ کارل مارکس ءَ معاشی رھبند ءَ سائنسی دروشمے داتگ ءُ چاگردی ءُ معاشی سائنس ءِ تھا مستریں نام کارل مارکس زانگ بیت۔ کارل مارکس ءِ ردا انسان ءِ نجات ءِ جوانتریں رھبند ”کمیونزم“ رھبند ءِ تھا اِنت۔ ملائیت ءُ سرمایہ داری رھبند یا طبقاتی رھبند انسانیت ءِ مستریں دُژمن اَنت۔ کارل مارکس یک فقیر دروشم ءُ صوفی صفتیں انسانے بیتگ۔ آ انسانیت ءِ بزگی ءُ تنگ دستی ءِ غم ءُ اندوھاں رنجینتگ۔ آئی ءَ وتی سرجمیں زِند پہ انسان ءِ معاشی ءُ چاگردی حقانی پد جنگ ءَ ندر کُتگ۔ آ وت شُدیگ بیتگ۔ تنگ دست بوتگ بلے وتی زندے پہ انسان ءِ حقانی پانک پانی ءَ وقف کُتگ۔ آ چو ملایانی وڑا پہ حلواہ ءَ نہ زر اِتگ۔ گُشنت کہ باز رندا کارل مارکس شُد ءَ جتگ ءُ سڑکانی سرا کپتگ۔ بلے خدا اینگلز ءُ آئی ءِ لوگبانک ءَ ثواب ءُ حیر بہ دنت کہ آھاں داں دوسال ءَ کارل مارکس وتی گِس ءَ جاگہ داتگ ءُ چہ مرگ ءَ رکینتگ۔۔۔اے سرجمیں گپاں چہ ابئید کمیونزم ھچ مذھبی راہ ءُ رھبندانی تھا بندوک نہ اِنت۔ کمیونسٹ مسلمان ھم بیت کنت۔ دہریہ ھم بیت کنت۔ عیسائی ءُ یہودی ھم بیت کنت ءُ ھندو ءُ بدھ مت ھم بیت کنت۔ بزاں اے ھچ وڑیں رھبندانی بندوک نہ اِنت ءُ ایشی ءِ تھا ہرکس ءَ وتی مذھب ءِ سرا کاررھبند بیئگ ءِ حق ھست۔ چیاکہ کمیونزم ءِ بزانت باز شاھگان اِنت۔
منی اے بابت ءَ نبشتہ کنگ ءِ مول ءُ مراد ھمیش اِنت کہ مرچی من ءَ سنگتی ءَ مسیج دات ءُ گُشت
”بچا تو کمیونسٹے ئَے‘‘
نو ھمے سنگت ءَ خدا عقل ءُ فھم بہ دنت کہ آ ملائی وتگڑیں گپانی سرا مئیت۔۔ بلکیں ہر سرھال ءِ سرا گپ کنگ ءَ پیش بائد مردم وت ھما سرھال ءِ بابت ءَ پٹ ءُ پول بہ کنت۔ لیکہانی بنکی بزانت ءُ مول ءُ مراد ءَ زانگ ءَ ابئید اگاں کسے پہ کورکائی وتی فیصلہ ءَ بِدنت، تہ کافری ءُ مسلمانی ءِ فتویٰ دیگ ءَ دیر نہ لَگیت۔۔۔ گُشنت کہ یک سرھالے ءِ بابت ءَ نہ زانگ ءُ انچو پہ دیم کُرایگ مستریں کُفر اِنت ءُ ملائی تبے۔۔۔۔۔۔۔۔۔۔۔۔۔۔ او کمیونزم ءِ گالبند ھم ملایاں رد رنگ داتگ ءُ چاگرد ءِ تب ءَ گوں ھوار کُتگ کہ مرچی اسلامی چاگرد ھمے گالبند ءِ اِش کنگ ءَ گوں کافری ءُ مسلمانی ءِ ترانگ ءَ کپیت ءُ بازیناں پہ کافر نام دنت۔ انچو کہ بزگیں شیطان ءِ نام ءِ اِش کنگ ءَ گوں انسان خدا دُژمنی ءِ ترانگ ءَ کپیت۔ کمیونزم ءِ گالبند ملایاں گوں ھمے بزانت ءَ اسلامی چاگرد ءِ تب ءَ گوں ھمگرنچ کُتگ۔ بلے راستی چوش نہ اِنت کہ مُلا گُشیت۔۔
بلے ھمے مرد ءَ کہ پہ نابزانتے چہ من پُرس اِت کہ ”بچا تو کمیونسٹے ئَے“۔۔۔ من گُشگ لوٹاں کہ من کمیونسٹے نیاں۔ کمیونزم ءِ لیکہ میان استمانی رھبند ءِ سرا ایر اِنت۔ کمیونزم سرجمیں جھان ءِ بزگ ءُ ایردستیں مھلوک ءِ گپ ءَ جنت۔ کمیونزم قومی گر ءُ بنداں چہ آزات اِنت۔ کمیونزم ءِ تھا نیشنلزم ءِ گُنجائش نیست۔ البت کمیونزم تاں حدے ءَ راجی وتواکی ءِ گپ ءَ جنت۔ بلے کمیونزم ءِ ردا نیشنلزم راجی ایردستی ، شُد ءُ بزگی ءُ ایردستی ءِ ردعمل ءَ ردوم زوریت۔ اگاں سرجمیں جھان ءَ انسانی برابری ءِ نظام ،بزاں کمیونزم آرگ بہ بیت تہ نیشنلزم ءِ سِنچ ایرموش بیت ءُ قومی حد ءُ سیمسر ھلاس بنت ءُ بس انسانیت پشت کپیت۔ پمیشا کمیونزم باز شاھگان اِنت۔ من کمیونسٹے نیاں، چیاکہ من غلاماں۔ منی مول ءُ مراد بس بلوچ راج ءِ آجوئی اِنت ءُ بس۔۔۔۔ منی واھگ بلوچ ءُ بلوچستان ءِ آجوئی اِنت ءُ بلوچی زبان ءِ گُما وفا کنگ۔ کمیونسٹ ڈاکٹر چے بیتگ کہ آئی ءَ دگرانی سور ءَ ناچ کُتگ ءُ آئی ءَ سرجمیں انسانانی آجوئی ءِ ھاترا جنگ کُتگ ءُ وت ءَ پہ انسان ءِ حقانی ھاترا قربان کُتگ۔
بلے منی دعا اِنت کہ سنگت ءِ گپ راست بات ءُ دریگتیں من ھم کمیونسٹے بباتاں۔۔۔
نو ھمے سنگت ءَ خدا عقل ءُ فھم بہ دنت کہ آ ملائی وتگڑیں گپانی سرا مئیت۔۔ بلکیں ہر سرھال ءِ سرا گپ کنگ ءَ پیش بائد مردم وت ھما سرھال ءِ بابت ءَ پٹ ءُ پول بہ کنت۔ لیکہانی بنکی بزانت ءُ مول ءُ مراد ءَ زانگ ءَ ابئید اگاں کسے پہ کورکائی وتی فیصلہ ءَ بِدنت، تہ کافری ءُ مسلمانی ءِ فتویٰ دیگ ءَ دیر نہ لَگیت۔۔۔ گُشنت کہ یک سرھالے ءِ بابت ءَ نہ زانگ ءُ انچو پہ دیم کُرایگ مستریں کُفر اِنت ءُ ملائی تبے۔۔۔۔۔۔۔۔۔۔۔۔۔۔ او کمیونزم ءِ گالبند ھم ملایاں رد رنگ داتگ ءُ چاگرد ءِ تب ءَ گوں ھوار کُتگ کہ مرچی اسلامی چاگرد ھمے گالبند ءِ اِش کنگ ءَ گوں کافری ءُ مسلمانی ءِ ترانگ ءَ کپیت ءُ بازیناں پہ کافر نام دنت۔ انچو کہ بزگیں شیطان ءِ نام ءِ اِش کنگ ءَ گوں انسان خدا دُژمنی ءِ ترانگ ءَ کپیت۔ کمیونزم ءِ گالبند ملایاں گوں ھمے بزانت ءَ اسلامی چاگرد ءِ تب ءَ گوں ھمگرنچ کُتگ۔ بلے راستی چوش نہ اِنت کہ مُلا گُشیت۔۔
بلے ھمے مرد ءَ کہ پہ نابزانتے چہ من پُرس اِت کہ ”بچا تو کمیونسٹے ئَے“۔۔۔ من گُشگ لوٹاں کہ من کمیونسٹے نیاں۔ کمیونزم ءِ لیکہ میان استمانی رھبند ءِ سرا ایر اِنت۔ کمیونزم سرجمیں جھان ءِ بزگ ءُ ایردستیں مھلوک ءِ گپ ءَ جنت۔ کمیونزم قومی گر ءُ بنداں چہ آزات اِنت۔ کمیونزم ءِ تھا نیشنلزم ءِ گُنجائش نیست۔ البت کمیونزم تاں حدے ءَ راجی وتواکی ءِ گپ ءَ جنت۔ بلے کمیونزم ءِ ردا نیشنلزم راجی ایردستی ، شُد ءُ بزگی ءُ ایردستی ءِ ردعمل ءَ ردوم زوریت۔ اگاں سرجمیں جھان ءَ انسانی برابری ءِ نظام ،بزاں کمیونزم آرگ بہ بیت تہ نیشنلزم ءِ سِنچ ایرموش بیت ءُ قومی حد ءُ سیمسر ھلاس بنت ءُ بس انسانیت پشت کپیت۔ پمیشا کمیونزم باز شاھگان اِنت۔ من کمیونسٹے نیاں، چیاکہ من غلاماں۔ منی مول ءُ مراد بس بلوچ راج ءِ آجوئی اِنت ءُ بس۔۔۔۔ منی واھگ بلوچ ءُ بلوچستان ءِ آجوئی اِنت ءُ بلوچی زبان ءِ گُما وفا کنگ۔ کمیونسٹ ڈاکٹر چے بیتگ کہ آئی ءَ دگرانی سور ءَ ناچ کُتگ ءُ آئی ءَ سرجمیں انسانانی آجوئی ءِ ھاترا جنگ کُتگ ءُ وت ءَ پہ انسان ءِ حقانی ھاترا قربان کُتگ۔
بلے منی دعا اِنت کہ سنگت ءِ گپ راست بات ءُ دریگتیں من ھم کمیونسٹے بباتاں۔۔۔
