ماں ”میان رو دراَتک“ ءَ وتگڑیں آشوب ءِ جار ءَ ھما وھد ءَ دُنیا جکسینت کہ ماں ”تیونس“ ءَ محمد بو عزیزی نامیں ورناھی ءَ وت ءَ آس دات ءُ مانداشت۔ تیونس ءِ محمد بو عزیزی کہ ظالمیں پولیس ءَ ابئید جرم ءَ آ لَٹ ءُ کُٹ کُتگ اَت۔ آئی ءَ 17 دسمبر 2010 ءَ وت ءَ آس دات ءُ لھتے روچ ءَ پد آ ماں نادراھجاہ ءَ بیران بیت۔ چر ایشی ءَ چہ سرجمیں دمگ آشوبی کوکاراں مان شانت۔ بازیں حاکم ءُ ڈکٹیٹر بدل بوتنت۔ بلے گپ اِش اِنت کہ ھما وھد ءَ ھم زانگ بوتگ اَت کہ اے وٹگڑیں آشوب ءَ ھچ وڑیں نظریاتی بنیاد نیست۔ ابئید ءِ سیاسی، معاشی ءُ چاگردی آشوب ءِ سوبمندی ءَ بلکیں مرچی ھمے پدر بئیگ اِنت کہ چر اے کوکار ءُ جگاھاں مغربی سامراج ءُ اسلامی ملائیت ءَ نپ چِست کُتگ ءُ ماں میان رودراتک ءَ آشوب وتی جاہ ءَ، ملائیت ءُ مذھبی تنگ نظری ءُ فرقہ واریت ءِ گمان دیم ءَ اَتکگ۔ مذھبی ملائیت ءُ مسلکی جیڑہ ودان ءُ دیم ءَ آیگ اِنت۔ ماں میان رودرتک ءَ سیاسی، معاشی ءُ چاگردی تکاں ھچ وڑیں بدلی ءِ گمان گندگ نہ بیت۔ یک ظالمیں ٹکے ءِ چہ واک ءُ اگدہ ءَ دزکش بیئگ ءَ مغربی سامراج ءِ کمک ءُ مدت ءَ دگہ ٹکے پدا ھما بزگیں راجانی سرا چٹی بوتگ۔
ایشی ءِ مستریں مثال ھمیش اِنت کہ ورناہ بو عزیزی ءِ پِت تیونس ءِ عدالت ءَ ”توھین عدالت‘‘ ءِ نام ءِ سرا سزا داتگ۔
ماں مصر ءَ ڈکٹیٹر ”حسنی مبارک“ ءِ روگ ءَ پد ، ملایانی گل ءَ آدگہ سیکولر گلاں چہ گیشتر ووٹ گیپتگ ءُ مصر ءَ ملایانی گل ءَ مغربی سامراج ءِ کمک گون اِنت ءُ سیکولر گل نزور بوئگ ءَ اَنت۔
پہ میان رودراَتک ءِ بزگ ءُ ایردستیں مھلوک ءَ مستریں تاوان ھمیش اِنت کہ ادا آشوب وتی جاہ ءَ، سامراج ءِ کمک ءَ ملائیت ردوم گران ءُ دیم ءَ آیان اِنت۔ لس مھلوک ءِ تھا مذھبی گنوکی ءُ فرقہ واریت ءِ سِنچ ودان اِنت۔ سُنی ءُ شیعہ ءِ منوگریں ایردستیں مھلوک کہ کرناں اے علاقہاں یکجاہ نشتگ ءُ پاد اَتکگ اَنت۔ ایران ءُ سعودی عرب ءِ وڑیں ڈکٹیٹراں ایشانی وتی نپ ءُ فائدگانی ھاترا جنگ دیگ ءُ میڈینگ ءَ آسانی بیت۔۔۔ سعودی وتی سامراجی نپانی برجاہ دارگ ءَ سامراج ءِ کمک ءَ وتی سنی نام گیپتیں ریاست ءُ یاگیاں کمک کنت ءُ ایران وتی نپانی ھاترا شیعہ ڈکٹیٹر ءُ یاگیانی کمک ءَ لانک بند اِنت۔ انچو کہ ماں بحرین ءَ شیعہ مسلک ءِ منوگرانی کُشگ ءُ جنگ ءَ سعودی عرب ءِ دست ھوار اِنت ءُ ماں سوریہ ءَ بشارالاسد لشکر ءِ زلم ءُ زوراکیاں ایران ءِ دست ھوار اِنت ءُ ایران بشار لشکر ءَ ھر وڑیں سلاہ دیگ اِنت۔ بحرین ءَ آشوبی یاگیاں ایران وتی نپانی ھاترا کارمرز کنگ ءُ کوشارینگ اِنت ءُ سوریہ ءِ یاگیاں سعودی عرب سلاہ دیگ اِنت۔ السی آشوب ءَ سر پہ مذھبی فرقہ واریت ءَ درآؤرتگ۔ سامراج کجام وھد ءَ بہ لوٹیت اے ملکاں وتی داشتگیں حاکماں ولگوج کنت ءُ آھانی جاہ ءَ دگہ کاریت۔
بلے مرچی مرگیں لس مھلوک، نپ سامراج ءَ ءُ آئی ءِ داشتگیں کُچکاں رسگ اِنت۔ خدا واب اِنت۔
بلوچ شاعر ءِ اے چاریں گُشتن من گُشاں رد اَنت ءُ بشیر بیدار ءِ چماں ھچ دیر کار نہ کُتگ ، آ نہ زانت کہ اے سرجمیں کوکارانی پابشت ءَ کئے دزمانجن اِنت۔
میان رودرتک ءِ بچار پُسگاں
سر ءُ ساہ ءُ ارواھاں سر گوستگاں
پہ وت واجھی ءُ وتی آجوئی
پہ جنگ ءَ تیار اِنت کفن بستگاں
ماں مصر ءَ ڈکٹیٹر ”حسنی مبارک“ ءِ روگ ءَ پد ، ملایانی گل ءَ آدگہ سیکولر گلاں چہ گیشتر ووٹ گیپتگ ءُ مصر ءَ ملایانی گل ءَ مغربی سامراج ءِ کمک گون اِنت ءُ سیکولر گل نزور بوئگ ءَ اَنت۔
پہ میان رودراَتک ءِ بزگ ءُ ایردستیں مھلوک ءَ مستریں تاوان ھمیش اِنت کہ ادا آشوب وتی جاہ ءَ، سامراج ءِ کمک ءَ ملائیت ردوم گران ءُ دیم ءَ آیان اِنت۔ لس مھلوک ءِ تھا مذھبی گنوکی ءُ فرقہ واریت ءِ سِنچ ودان اِنت۔ سُنی ءُ شیعہ ءِ منوگریں ایردستیں مھلوک کہ کرناں اے علاقہاں یکجاہ نشتگ ءُ پاد اَتکگ اَنت۔ ایران ءُ سعودی عرب ءِ وڑیں ڈکٹیٹراں ایشانی وتی نپ ءُ فائدگانی ھاترا جنگ دیگ ءُ میڈینگ ءَ آسانی بیت۔۔۔ سعودی وتی سامراجی نپانی برجاہ دارگ ءَ سامراج ءِ کمک ءَ وتی سنی نام گیپتیں ریاست ءُ یاگیاں کمک کنت ءُ ایران وتی نپانی ھاترا شیعہ ڈکٹیٹر ءُ یاگیانی کمک ءَ لانک بند اِنت۔ انچو کہ ماں بحرین ءَ شیعہ مسلک ءِ منوگرانی کُشگ ءُ جنگ ءَ سعودی عرب ءِ دست ھوار اِنت ءُ ماں سوریہ ءَ بشارالاسد لشکر ءِ زلم ءُ زوراکیاں ایران ءِ دست ھوار اِنت ءُ ایران بشار لشکر ءَ ھر وڑیں سلاہ دیگ اِنت۔ بحرین ءَ آشوبی یاگیاں ایران وتی نپانی ھاترا کارمرز کنگ ءُ کوشارینگ اِنت ءُ سوریہ ءِ یاگیاں سعودی عرب سلاہ دیگ اِنت۔ السی آشوب ءَ سر پہ مذھبی فرقہ واریت ءَ درآؤرتگ۔ سامراج کجام وھد ءَ بہ لوٹیت اے ملکاں وتی داشتگیں حاکماں ولگوج کنت ءُ آھانی جاہ ءَ دگہ کاریت۔
بلے مرچی مرگیں لس مھلوک، نپ سامراج ءَ ءُ آئی ءِ داشتگیں کُچکاں رسگ اِنت۔ خدا واب اِنت۔
بلوچ شاعر ءِ اے چاریں گُشتن من گُشاں رد اَنت ءُ بشیر بیدار ءِ چماں ھچ دیر کار نہ کُتگ ، آ نہ زانت کہ اے سرجمیں کوکارانی پابشت ءَ کئے دزمانجن اِنت۔
میان رودرتک ءِ بچار پُسگاں
سر ءُ ساہ ءُ ارواھاں سر گوستگاں
پہ وت واجھی ءُ وتی آجوئی
پہ جنگ ءَ تیار اِنت کفن بستگاں
