۔۔۔۔۔۔۔۔۔۔۔۔۔۔۔۔ اوشو (گرورجنیش)۔۔
شُما ”لارڈ ایکٹن” ءِ مشھوریں گُشتنے اِش کُتگ کہ ”پاور انسان ءَ سِلکار کنت”۔۔۔ اے گپ راست نہ اِنت۔ یک حسابے اے تپاس جوانیں بلے اے راستی نہ اِنت۔ پاور کدی انسان ءَ ھراب نہ کنت بلے لارڈ ایکٹن ءِ گپ راست اِنت۔ چیاکہ ما مدام ھمے گندگ ءَ اِنت کہ واک یا اُگدہ مردم ءَ کرپٹ کنت۔ پاور مردماں چون کرپٹ کنت؟
پہ راست گپ اِش اِنت کہ سِلکاریں(کرپٹ) مردم اُگدہ ءِ رندا تَچ اَنت۔ زاھر اِنت کہ تناوھدی آھانی گورا اُگدہ مہ بیت تہ آ وتی ھرابی ءَ زاھر کُت نہ کن اَنت ، وھدیکہ آھاں واھشتانی پدا اُگدہ رسیت تہ آ آجو بنت۔ پدا آھانی راستیں دروشم ءُ کِرد دیم ءَ کاینت۔
اگدہ مردم ءَ سلکار(کرپٹ) نہ کنت، بلکیں سِلیں (کرپٹیں) مردم اگدہ ءِ رندا تَچ اَنت۔ اگدہ ءِ رسگ ءَ پد آ اے (اگدہ) ءَ وتی تب ءِ لوٹانی پیلہ کنگ ءِ ھاترا کارمرز کن اَنت۔
اے وڑ بیت کہ کسے وت ءَ بندات ءَ باز بے وس زاھر بہ کنت۔ وھدیکہ آ سیاسی اگدہ ءِ دزگرگ ءِ شوپچ ءَ بیت تہ باز عاجزی ءَ گوں دیم ءَ کئیت۔ بیت کنت آئی ءَ سرجمیں زِند پہ بے وسی گوازینتگ۔ شُما آئی ءَ وتی ووٹ ءَ دئے۔۔۔۔ بلے وھدیکہ اُگدہ آئی ءِ دست ءَ کئیت تہ یکدم بدل بیت۔ نو آ پیشی مردم نہ بیت۔ مردم ابکہ بنت۔۔
اُگدہ چون ”کرپٹ” کنت؟ پہ راست آ سرجمیں عاجزی دروگ بیتگ اَنت۔ آ پمیشا عاجز بوتگ کہ کمزور بیتگ۔ آ ھمے تُرس ءَ گور جتگ کہ توان داریں مردم آئی ءَ ھتم کن اَنت۔ عاجزی آئی ءِ سیاست بیتگ۔ نو آ وتی اصلیں دروشم ءَ زاھر بیت۔ پمیشا نو آ ”کرپٹ” گندگ ءَ کئیت۔
پہ اُگدہ دار ءَ اے نہ بیتگیں ھیالے کہ آ وتی واک ءَ رد کارمرز مہ کنت۔ پرچا کہ گپ اِش اِنت کہ بس ھما مردم واکدار بیئگ لوٹ اَنت کہ آ ایشی ءَ رد کارمرزگ لوٹ اَنت۔ تانکہ کسانیں کسانیں اُگدہ ھم مردم ءَ ”کرپٹ” کن اَنت۔ سڑک ءِ سرا اوشتاتگیں ”کانسٹیبل”ھم وتی اُگدہ ءَ چہ ناجائزیں نپ چِست کنگ لوٹیت۔ دگ ءِ سرا کانسٹیبل مُلا نصیرالدین اوشتاتگ اَت۔ آئی ءَ یک زالبولے داشت کہ آ گاڑی ھلائینگ اَت۔ ملا ءَ چرآئی ءَ چالان گیپت۔ تہ زالبول ءَ گُشت کمے مَھتل بو: ”منی گوں وزیر اعلیٰ ءَ پجاروکے اَست اِنت”۔۔۔ بلے مُلا ءَ ھِچ دلگوش نہ دات۔ زالبول ءَ پدا درائینت ” تو سرپدیے کہ منی گوں گورنر ءَ نَزّیکی است اِنت۔ بلے ملا ءَ وتی کار برجاہ داشت۔۔
پدا مُلا ءَ جُست کُت ”تئی گوں ملا نصیرالدین ءَ پجاروکے نیست؟ زالبول ءَ گُشت ”من ملا نصیرالدین ءِ نام نئیش کُتگ۔
ملا ءَ گُشت ” تماوھد ءَ تو ملا نصیرالدین ءَ مہ زانئے تہ باز مشکلانی آماچ بئے۔
اُگدہ ءِ کارمرزگ چِنکہ ارزان اِنت۔ ”ریلوے اسٹیشن” ءَ ”بکنگ کلرک” ءِ دیم ءَ مردمانی لَڑے اَست، بلے آ ھِچ دِلگوش نہ دنت۔ گندگ ءَ آ باز دزگَٹ اِنت۔ اصل ءَ آ مردماں پیشدارگ لوٹیت کہ آ واکدار اِنت۔۔
کمے وت ءَ بچاریے۔۔۔۔ تئی زھگ ترا چہ موکل لوٹیت کہ من لیئب ءِ ھاترا ڈنّ ءَ شُت کناں؟۔۔۔ شما گُشئے اِنّاں۔۔۔۔۔ زھگ ءُ شما اے گپ ءَ المی ءَ زانئے کہ شما آخر آئی ءَ ڈَنّ ءَ رؤگ ءِ موہ ءَ دئے۔۔۔۔پدا زھگ ضد کنت ءُ گریوگ ءَ بندات کنت۔ شما گُشئے ”شَرّیں برؤ”۔۔۔شما پیش ءَ چیا مَکن کُت؟
اگاں شُمئے گورا اُگدہ اَست تہ شما(اگدہ) ءَ درنگازگ لوٹ یے۔۔۔چاگرد ءَ ھمے وڑ بیئگ اِنت۔ وھدیکہ یک کسے سرا ظلم بیت تہ آ چہ وت ءُ کسترینے سرا ظلم کنت۔ بیر گِرگ ءِ ھاترا شمارا کُجا نہ کُجا یکے رسیت۔۔
دُنیا ءَ چُشیں مردم کم اِنت کہ آئی ءِ گورا کُجام وڑیں اُگدھے مہ بیت۔ تانکہ دُنیا ءِ نزورتریں انسان ءِ گورا کُچکے بیت کہ آ آئی ءَ لگتے جنت۔ ھمے وڑا ہر کس سیاست کنگ اِنت۔ المی نہ اِنت کہ آ سیاسی گلے ءِ باسکے بہ بیت۔ اگاں شما اُگدہ ءَ رد کارمرز کنگ ءَ یے تہ شُما سیاسی (مردم یے)۔۔۔
اے گپ ءَ دِل ءَ بِداریے کہ شُما اُگدہ ءَ چہ ناجایزیں نپ چِست مہ کن یے۔ ایشی ءَ چہ شُمارا رُژن،تاھیر ءُ آگہی رسیت۔۔۔
شُما مدام واکداریے۔۔۔ شُما چرایشی ءَ باز کُت کن یے۔۔۔۔ اگاں شُما ”کرپٹیں” انسان یے تہ شُما ہر ھما کار ءَ کُت کن یے کہ شُمئے واھگ بیتگ بلے واک ءَ نہ بیتگ۔ اگاں شمارا کرپشن کنگی نہ اِنت تہ اُگدہ ءَ ابیئد ھم شما کرپشن نہ کن یے۔۔۔ پدا شُما کرپٹ ناں بلکیں اِزم کار بئے۔۔۔۔۔۔۔اے اُگدہ مردمانی ھاترا گنجے بیت۔۔۔۔
بلے زندگی دروشم دگہ وڑ اَنت۔ اُگدہ ءِ شوپچ ءَ ھما مردم کپ اَنت کہ آھانی تھا کرپشن کنگ ء بود اَست اِنت۔ یک پلگاریں انسانے اُگدہ ءِ گرگ ءِ واھگ ءَ نہ داریت۔ کرپٹيں مردم زانت کہ ابئید ء اُگدہ ءَ آ ھِچ کُت نہ کنت۔۔۔
اُگدہ شُمئے اصلیں دروشم ءَ دیم ءَ کاریت۔۔۔جوانیں انسان ءَ توان مند بیئگ ءِ ضرورت نہ اِنت چیاکہ شَرّی(نیکی) ءِ درنگازی ابئید ء پاور ءَ ھم بیت کنت۔۔ نیکی یے وتی ”پاورے” بیت۔ بدی ءَ ڈنی پاور ءِ ضرورت اِنت۔۔۔
ادا چہ ما یک آسرے ءَ سر بئیں۔۔۔ ہر ھما چیز کہ آئی ءَ ڈنی پاورے ءِ ضرورت اِنت آ ”کرپٹ” اِنت۔ آ اندری صورت ءَ نزور اِنت ءُ زندگی وام زوریت۔۔۔۔
ھمے وڑا زندگی گوں عجبیں جاوراں دوچار اِنت ءُ سِلیں مردم مزنیں واکدار بنت ءُ شرپ مند جوڑ بنت۔
سرجمیں انسانی راجدپتر چوشیں ناماں پُرّ اِنت۔۔ تاریخ ءَ گوتم بُدھ، مہاویر، کاند ءُ لاؤزے حاصیں بستار ءِ واھُند نیاں۔۔ تاریخ ءِ مزنیں بھرے سکندر اعظم، چنگیز خان، تیمورلنگ، نادرشاہ، نیپولین ءُ ھٹلر ءَ جوڑ کُتگ۔ پہ راست مارا وتی تاریخ دوبر نبشتہ کنگ لوٹیت ءُ اے دُرستیں مردم چہ (انسانی) راجدپتر ءَ کَشّگ ءُ یک کِرّ کنگی اَنت۔۔۔تانکہ اے وتی یاتانی تھا ھم در کنگ ءُ چگل دیگی اَنت۔ اے مردم تُرسناکیں واب بیتگ اَنت۔ ايشانى بیھال کنگ جوانتر اِنت۔۔۔
مارا ھما مردم درگیجگ لوٹ اَنت کہ آ اے زمین ءِ سرا نِشتگ اَنت ءُ آھاں اے (زمین) دِلساچ جوڑ کُتگ۔ بلے اے مردم بیگواہ اَنت۔ مارا ایشانی زیمل، ایشانی ”وجد” ءُ ایشانی شادھانی تھا ھوار بیئگی اِنت۔۔۔
