اگاں انسان خُدا ءُ ملایانی تُرس ءَ چہ دربئیت ءُ دل ءَ ڈَڈّ بہ کنت، ءُ جھان ءُ انسان ءِ راجدپتر ءِ بابت ءَ عقلی ءُ سائنسی بنیاداں چار ءُ ٹپاس بہ کنت تہ مذھبی ءُ ملایانی سازتگیں دروگانی پاشک بیئگ ءَ یک سھتے ھم نہ لَگّ اِیت۔ اے چوشکہ مُلا گُشنت کہ بازیں پٰغمبر ءُ بادشاہاں ھزاراں زال گیپتگ۔ صحیح بخاری ءِ تھا نبشتہ اِنت کہ حضرت سلیمان ءَ یک شپے صد جناں گوں وپت ءُ واب کُتگ۔ آ جِنّ ءُ دگہ بازیں سھدارانی زبان ءَ سرپد بیتگ۔ ھما مور ءَ کہ سلیمان گوں آئی ءَ ھمتران بیتگ آ کَد ء میش ءَ مزن بیتگ( ابن کثیر)۔ مُلا اے زمین ءِ سرا انسان ءُ دگہ سھدارانی پیدائش ءَ دہ یا دوازدہ ھزار سال گُشنت ءُ گُشاں اے زمین ءُ آئی ءِ سرا زند گوازینوکیں سھدار شش روچ ءَ پیدا بیتگ اَنت۔ آ گُشنت دوازدہ ھزار سالانی اے دیرمانیں سفر ءَ انچیں انسان ھم بیتگ اَنت آھانی دراجی چِل ءُ شست فٹ بیتگ ءُ آھانی عمر ھزار سال ءَ داں سر بیتگ۔
بلے اگاں ما اے سرجمیں گپاں سائنسی ردا چار ءُ تپاس ءَ بہ کنیں تہ سائنس ءِ ردا زمین ءُ شمسی رھبند ءَ گوں بندوکیں آ دگہ سیارہ 4.57 ارب سال پیسر جوڑ بیتگ اَنت۔ ایشی ءَ چہ پیش آ دَنز ءُ گباریں گیسانی دروشم ءَ موجود بیتگ اَنت۔ سائنس دانانی ردا گرمیں گیسانی ردوم گِرگ ءُ آتش فشانی عمل ءَ چہ زمین ءِ سرا گوات جوڑ بیتگ پدا بازیں مُدت ءَ رند گوات ءِ وسیلت ءَ آپی بخارات سرد تَراِتگ اَنت ءُ آھاں آپ ءِ دروشم زُرتگ ءُ پدا بازیں گرمی ءِ سوب ءَ کیمیائی عوامل (Chemical factors) آنی self replicating ءَ چہ molecule چار ارب سال ءَ پیش جوڑ بیتگ ءُ زِند ساچیں مالیکیول ءَ چہ پنجاہ کروڑ سال ءَ رند ماں زمین ءِ سرا سرجمیں سھدارانی بُن پیرُک پیدا بیتگ کہ آئی ءِ بنکی ساچوک ھمے مالیکیول بیتگ۔۔۔
درستاں چہ پیسر ما ھمے گپ ءَ پدر کنیں کہ سائنس ماں اے زمین ءَ انسان ءُ ہر زندگیں سھدار ءِ تاریخ ءِ پٹ ءُ پول ءَ زمین ءِ چیر ءَ چیر تراِتگیں حڈ ءُ fossels آنی بنیاد ءَ کنت۔ وھدیکہ مذھبی مُلایانی گورا زمین ءِ سرا پیدا بیتگیں سھدارانی تاریخ دہ دوازدہ سالاں رؤت ءُ ھلاس بیت ءُ آ حضرت آدم ءَ درستیں انسانانی پِت ءُ پیرک گُشنت۔۔ وھدیکہ اکتوبر 2009 ءَ سائنسی رپورٹے ءِ ردا انسان دروشمیں سھداری ءِ حڈ ءُ فوسل دزکپتگ اَنت کہ اے 44 لکھ سال پیسری حڈ اَنت۔ اے نیندرتھال ءُ انسان ءِ ارتقائی دور ءِ میانی حڈ اَنت کہ سائنسدان اے سھدار ءَ انسان ءِ بنکی دروشم گُشنت۔ سائنسدانانی گُشگ ءِ پدا بازیں چار ءُ بچار ءَ پد ڈاروین ءِ لیکہ ءِ راست ثابت بیئگ ءِ گمان ھم است۔۔ ایشی ءَ ابئید سائنسدانانی یک ٹیمے سائبیریا ءَ لھتے انچیں حڈاں گوں دُچار کپتگ کہ آ حڈ چِل ءُ ھشت ھزار سال کوھنیں حڈاَنت۔سائبریا ءَ رستگیں حڈانی ڈی این اے ءِ چار ءُ تپاس ءَ سائنسدان ھمے آسر ءَ سر بیتگ اَنت کہ اے انچیں مھلوکے ءِ حڈاَنت آ انسان ءِ سیادی ءُ نند ءُ نیاد ءِ دروشم مرچیگیں انسان ءِ وڑا بیتگ اَنت۔ ایشی ءَ ھمے ثابت اِنت کہ ملایانی دہ هزار سال کوھنیں انسانی،حیوانی تاریخ دروگ ءُ وتساچ اِنت ءُ ایشی ءَ پیسر انسان ءُ سھداراں اے زمین ءِ سرا زندگی کُتگ۔
دومی مُلا گُشنت کہ دوازدہ ھزار سالانی سفر ءَ انچیں انسان ھم پیدا بیتگ کہ آھانی دراجی شست یا چِل فُٹ بیتگ۔ سائنسداناں ھزاراں سال پیش ءِ ھما حڈ ءُ ھوڈ کہ دزکپتگاں، آھاں چہ ھِچ چُشیں دراج قد ءُ بالادیں انسانی حڈ دز نہ کپتگ۔ مُلا گُشنت کہ حضرت سلیمان کہ چار ھزار سال پیش ھما مور ءَ کہ دوچار کپتگ آ مور میش ءِ قد ءَ مزن بیتگ (ابن کثیر)۔ سائنسداناں کروڈاں سال پیشی ڈائناسوری حڈ در کپتگ اَنت کہ آ باز مزن بیتگ اَنت۔ بلے چار ھزار سال ءَ پیشی ھِچ چوشیں مورے حڈ دز نہ کپتگ کہ آ میش ءِ قد ءَ مزن بیتگ۔ البت ماں چین ءِ دمگ تِبّت ءَ سائنسداناں صد ملین سال کوھنیں لھتے مکسکے حڈ درگیپتگ کہ آھانی گُشگ ءِ ردا اے مکسکے ھڈانی کد چہ انوگیں مکسکانی کچ ءَ دہ سری مزن اِنت۔
سائنسدانانی ردا اے ھڈ سد ملین سال کوھنیں ھڈ اَنت۔ آ اے ھڈانی شوھازگ ءَ پہ سائنسی پٹ ءُ پولی دُنیا ءَ جوانیں گامگیجی سرپد بنت۔ آھانی ردا دز کپتگیں مکسکے ھڈاں چہ ھمے نشوندھی رسیت کہ اے ٹوھیں مکسک گوں استیں وھد ءِ مکسکاں گوں ھم دروشم بیتگ اَنت ءُ ایشانی تھا پادانی سرا تر ءُ گرد کنگ ءُ بال کنگ ءِ سِکّت ھم بیتگ۔
مذھبی ملایانی دگہ دروگ چوش اَنت کہ حضرت سلیمان ءَ ھزار زال سانگ کُتگ (بائيبل )۔۔ مسلمان گُشنت کہ حضرت سلیمان ءَ یک شپے صد جنانی گُما وپت ءُ واب کُتگ(صحیح بخاری) اے سکیں غیر عقلی گپے۔ شپ دہ ساھت اِنت ءُ پدا فجر ءِ نماز ھم کنگی اِنت۔ پدا ھر یکے ءَ پد جان شودگ ھم لوٹیت، نو کجام عقل اِنت کہ ایشی ءَ قبول کنت۔ اگاں مُلا گُشنت کہ چارھزار سال پیش ءِ شپ دراج بیتگ اَنت انچوکہ انسان ءِ قد دراج بیتگ تہ سائنسی پٹ ءُ پول ءِ ردا روچ ءُ زمین ءِ گردگ ءُ وھد ءُ پاساں ھِچ چوشیں مزنیں بدلی نیاتکگ کہ ما ملایانی اے گپاں راست بہ گُشیں۔
ھمیش ءُ ملایانی دگہ بازیں سازتگیں دروگیں کِسہ اَنت کہ انسان کمو وتی عقل ءَ کار بہ بندیت تہ ایشاں دروگ ثابت کُت کنت(واللہ و اعلم)
waja tho saaf bogosh k mazabi kithab k ay musalman o ey dega mazab gosha k paake kithab anth ay dro drog anth.........
dorsth insan'e wathi lotey pada joD bithag anth o bas
hao waja ae dalil mohkm an o tajruba o observation ae ishani bunzeh ant,bly mazhabani toka mana pesh dar k fantacy a che elawa dgy che ast..hma chez a k man ginda,hma cheza maaran,hma chez a k man naginda chn bharosa kot kanan..mazhab ae mana shaitan ae aap..(asad baloch)
ما وتی گِلّہ ءُ زنگاں پَر آ رَبّ ءَ بریں
کہ حبر گوش مہ داریت،آ سردار ءَ مَرؤ
کریم دشتی،
بائیبل ءُ دگہ کتاباں نبشتہ اِنت کہ پاکیں خُدا ءَ انسان باز دوست بیت۔ انچو کہ مات ءَ وتی زھگ دوست بیت ، آئی ءَ انسان صد درصد گیشتر دوست بیت۔ پدا ھمے کتابانی تھا نبشتہ اِنت کہ پیسرا خُدا ءِ گچینی ءُ دوستیں مھلوک بنی اسرائیل بیتگ، اے دگہ راج آئی ءَ چَّلی ءَ ھم مان نیاتکگ اَنت۔ آئی ءَ بنی اسرائیل ءِ واستہ چہ آسمان ءَ ورگ دیم داتگ۔ پدا پاکیں خدا ءَ بنی اسرائیل ءِ جاہ ءَ بنی اسمائیل بزاں عرب گچین کُتگ اَنت ءُ آھانی سرا رحمت دیم داتگ۔ گُڑا اے دگہ قوم بزگ وسرا گنوک اَنت۔۔۔۔۔۔۔۔۔۔۔۔۔۔۔
ملا وت گُشنت کہ پاکیں خُدا ءَ انسان ھمینکہ دوست اِنت کہ ماتی ءُ چُکے مھر ءَ صد در صد۔۔۔ پدا لھتے قومانی گچین کنگ ءَ منی در پِر نہ بیت۔۔ البت پہ مات ءَ چُک ھمینکہ نابود بہ بیت، پَر آئی ءَ مھر ءِ کِسہ یک اِنت۔ آ درستیں زھگاں یک وڑا دوست داریت۔۔ بلوچاں گُشتگ
برات اگاں نابود ءُ پچار ماتیں
مھرے چہ کُلیں عالم ءَ زیاتیں
من گُشاں اللہ تعالیٰ عظیمیں استی ئے،، آئی ءَ ریا ءُ رو ءِ اے شان نہ براھیت کہ وتی جوڑ کُتگیں بندھاں یکے ءَ دوست بِداریت ءُ دومی ءَ چلی ءَ ھم مان میاریت۔۔۔۔
شپچراگ بلوچ
۔۔۔۔۔۔۔۔۔۔۔۔
ایشی ءَ چہ ھمے پدر اِنت کہ ہر دور ءَ مستریں مقصد نیشنلزم بیتگ۔ ہر یکے ءَ وتی قوم چہ دومیاں شر تر گُشتگ۔ پدا آھاں وتی گپ ءِ ثابت کنگ ءَ ھمے سوغات گوں خدا ءَ بندوک کُتگ کہ مارا خدا ءَ گچین کُتگ ءُ چہ دومی قوماں شرتر گُشتگ۔ تاں روچ ء مروچی ھمے سِنچ انسان ءِ نفسیات ءِ بھرے۔۔۔ بلے مرچیگیں انسان ھمے گپ ءَ گوست ءِ مڑاھداریانی تاریخ ءِ پُژدر ءَ کنت، گوں خدایاں بندوکے نہ کنت۔۔
شپچراگ بلوچ