اے مُلک (پاکستان) ءَ نامرد یا قحبہ آنی انجمن موجود اَنت۔ لنگ ءُ منڈانی ، فرقہ پرستانی ، ملاھانی، مذھبی گروھانی ، نکوکارانی ، دھشت گردانی، دُزانی ، شپک آنی گروہ است اَنت۔ سیاسی ءُ معاشرتی تکاں دگہ کساں کسانیں گروھاں پہ وتی نپ ءُ فائدگاں پارٹی ءُ گروپ اڈ داتگ اَنت۔ پاکستان ءَ 100 ءَ گیش سیاسی ، مذھبی، فرقہ فرستی، نسلی گروہ یا پارٹی موجود اَنت۔ ھندوستان ءَ اچھوت، نچلہ یا درمیانی یا ”کمینہ آنی” باقائدہ پارٹی اڈ دیگ بوتگ اَنت۔ چوکہ ”بہوجن سماج وادی پارٹی” ۔ بلے پرے ھبر ءَ چرآ پارٹی ءِ لیڈراں کس لپرزگ نہ اِنت۔ بلے گوں بلوچاں اے رنگ نہ اِنت۔ مئے گورءَ دود دگر اَنت، ادا کس وتی اصلی جامگاں نہ اِنت۔ ھر کس دگر ءِ پوشاکاں براہ دار اِنت۔ عطاشاد تاں مُرت ءَ شُت گلگ ئی ھمیش اَت کہ مک ءَ مِسک ءُ فقیر ءَ پیر گُشنت بلے شاعر ءَ پرچہ ولی نہ گُشنت۔ ادا حجام ءَ راجہ، کساب ءَ خلیفہ، مُلاھاں علماء، طالباں سیاست دان، بیروزگاریں پیداگیراں سیاسی سروک، پنڈوکاں سیاسی ورکر، فسادیاں خدا دوست، کم ذاتاں نائب، ڈونباں پہلوان، بھنگیاں جمعدار، ناوانندھاں مشائخ، وطن فروشاں قوم دوست، لٹکاں لیڈر ءُ دروغ بنداں قوم پرست گُشنت۔۔۔مئے گورا "Don Quixite" ، سیاسی کم ذات ءُ معاشرتی ”بانکے” بے ھساب انت ءُ لٹکانی گروہ ھم، بلے بلوچانی سیاسی ”بہوجن” چو ھندوستان ءِ بہوجناں ایماندار نہ اَنت۔ ایش وت ءَ را وتی اصلی دروشم ءَ پیشدارگ ءَ مدام اجکو اَنت۔۔۔۔۔۔۔۔۔
 

                     (بلوچی ماھتاک)