کوچی یا کوشی کہ تاریخ زانت ”یاویزئی” ءِ نام ءِ دینت، انڈو آرین راجے بیتگ۔ کوش یا کوچ دوصد پیش چہ مسیح ءَ آزربائی جان ءُ قازکستان ءَ چہ کیپسین ءِ کِشکاں چہ ایران ، بلوچستان ءُ افغانستان ءَ داخل بیتگ اَنت۔ دوصد پیش مسیح تاں یک صد عیسوی ءَ کوشاں مغربی ھندوستان، افغانستان ءُ بلوچستان ءِ بازیں ھندانی سرا حاکمی کُتگ۔ کوش حاکمانی وھد ءَ اے ھنداں حضرت گوتم ءِ لیکہ ءَ دیمروئی کُتگ ءُ بلکیں ما اے گپ ءَ ھم رد نہ بئیں کہ کوش یا کوچانی وتی سرکاری مذھب ھم بدھ مت بیتگ۔ کوشانی تاریخ ءَ بازیں راجدپتر زانت بازیں شکلاں دیم ءَ کار اَنت ءُ آھانی بادشاھت ءِ سیمسراں ھم بازیں متضادیں دروشماں دیم ءَ کار اَنت۔ بلے اگاں علمی بنیاداں بچاریے تہ کوشانی حاکمی تاں کدروشیا(مکران) ءِ تیابی ھنداں پراہ ءُ شاھگان بیتگ ءُ دمب ءُ آثاراں کہ ھما نشانی دز کپتگ اَنت، اے ھمے راستی ءَ پدر کن اَنت کہ مکران ءَ بُدھ مت ءِ آثار رس اَنت ءُ بدھ مت ءَ کوش یا کوچانی حاکمی ءِ وھد ءَ اے ھنداں دیمروئی کُتگ۔ مکران ءِ دمگ دشت تولگی ءَ ھم چہ کوھنیں دمباں بُدھ مت ءِ نشان ءُ آثار دز کپتگ اَنت۔
گُشنت کہ راجدپتر چیر نہ بیت، کجام راجے کہ تاریخ ءِ چیر دیگ ءِ جُھد ءَ بہ کنت تہ آ وت بیگواہ بیت۔ کوشانی راجدپتر بازیں شکلاں مسخ کنگ ءُ چیر دیگ بیتگ۔ بلے اگاں پہ راستی بچاریے ”کوش” یا کوچ بلوچ بیتگ اَنت۔ انچو کہ بلوچ انڈو آرین قومی، کوشانی تاریخ ھم ھمیش اِنت۔ ایرانی بد نیتیں شاعر وتی کتاب ”شاھنامہ فردوسی” ءِ تھا ”کوچ ءُ بلوچ” ءِ ذکر ءَ یکیں جاہ ءَ کنت ءُ آ ایشاں یکیں راج گُشیت۔ بلوچ دُشمن تاریخ زانت کوشانی کِسہ ءَ وڑ وڑیں رنگاں پیش کنت ءُ آھانی حاکمیت ءِ حد ءُ سیمسراں ھم متضادیں رنگاں پیش کن اَنت۔ بلے اگاں کسے پہ راستی پٹ ءُ پول بہ کنت تہ بقول فردوسی کوش (کوچ) ءُ بلوچ ءَ ھِچ وڑیں تپاوت نیست، اے یکیں راج اِنت کہ چہ کیسین ءِ راہ ءَ افغانستان، گدروشیا ءُ ایران ءِ دمگاں داخل بیتگ۔ اے گپ ءَ ھم ھچ وڑیں شک نیست کہ کوشاں چہ پیش ماں گدروشیا ءَ کوش یا کوچانی وتی نسل ءِ بلوچ نِشتگ اَنت۔
بلوچ وتی تاریخ ءَ چہ چاکر ءُ شیھک ءَ گیپت ۔ بلے چاکر ءَ چہ ھزاراں سال سارى اے دمگاں کوچ ءُ بلوچانی حاکمی بیتگ۔ چاکر وت گُشیت
وش اِتاں عھدی دور بلوچانی
سبز اِتاں تَل ءُ سنج اِتاں تازی
کُرد اِتاں مولائی دپ ءِ شاھجو
سبز اِتاں تَل ءُ سنج اِتاں تازی
کُرد اِتاں مولائی دپ ءِ شاھجو
بلوچ ءِ تاریخ دُشمناں ابئید مئے وتی دوستاں ھم پہ بے سمائی مسخ کُتگ۔ ایشاں بلوچ ءِ تاریخ چہ ڈنی حوالہاں زُرتگ۔ پدا ملائی ءِ گوات ءَ اے ھمینکہ گور جتگ اَنت کہ ایشاں بلوچ ءِ تاریخ مذھب زدگ کُتگ ءُ گوں عرباں ھمگرنچ کُتگ۔ بلوچ چاکری عھد ءِ سرا پھر بندیت۔ بلے بلوچ ءِ پھر ءُ شانیں راجدپتر کوچی یا کوشی عھد ئیگ اِنت۔ چاکر ءُ گوھرام بلوچ تاریخ ءِ بد تریں سِمبل اَنت۔ چاکری عھد بلوچ ءِ تباھی ءُ بربادی ءِ مانزمان اِنت۔
جی واجہ گڑا کوچ نبیت کوش بیت سرباز: حقیقتء کس زانت نکنت بلے گمان ھنچوش بیت.
او اے گپ راست انت کہ چاکر و گوھرام بلوچ تباہ کرت و کشت و کمزور کت انت. پمشکا دگران سوب کرت.
او پیش چہ چاکر گوھرام گہترین حکومت و انصاف پسند بوتگ انت.
او گوھرام بنیادا جاہ منند بوتگ لاشاری دمگان بوتگ. چاکری آئیگا پد خلافات شروع بوتگ.
چش کہ رندانی آٹار و باز گؤش انت حتی کمال خان یک جاہ گؤش ایت رند سعیدی بور دیما ، سعیدی مصری مزن لاش و دوز و شیطان انتاو رند ھما ڈولا گیش مزن لاش انت کہ لہتے اسلام پد سوریہ رفتگ انت گمان بیت سانگ اش کرتگ گون سعیدیان او پدا آتکگ انت : رندان چہ حلب کوچ کرتگ دیم پہ پہرہ بازارا. کمال خان: گوھرام اے ڈولء نہنت وت بنیادی حاکم انت.
او ھندی ماھان باروا زانگ نبیت.
کہ آ وھدا امساۂگ بوتگ انت.
اے گپ ءَ ھِچ وڑیں منطقی راستی نیست کہ رند ”بو سعیدی” بیتگ اَنت۔ اگاں چوش بیتیں گُڑا گوھرام ءِ پت نودبندگ ءَ پد چیا سرداری شیھک ءَ رس اِت۔ اگاں رند انچو کہ باز گُشیت کہ بو سعیدیاں گُڑا گوھرام ءَ چیا وتی پت ءُ پیرکی سرداری ”بو سعیدیاں” بخشات۔ گوھرام ءِ سرا زاناں درد کُتگ۔
بیت کنت کہ اشکانی (Parthian) شاھانی وھد ءَ لھتے بلوچ یا رند شام ءُ سوریا ءِ ھند ءُ دمگاں شُتگ اَنت ءُ آ انگت ھم است اَنت۔ ”کُرد” رند اَنت ءُ بلوچ ءِ خون اَنت۔ کُرد مئے وتی برات ءُ وارث ءُ بلوچ اَنت۔۔۔۔بلے بوسعیدی ءَ منی سر ھچ پِر نہ بیت ءُ بوسعیدی کجام اَنت، ھمے عمانی، سلطان قابوس ءِ قبائل ءَ گُشئے؟
اے گپ ءَ ھِچ وڑیں منطقی راستی نیست کہ رند ”بو سعیدی” بیتگ اَنت۔ اگاں چوش بیتیں گُڑا گوھرام ءِ پت نودبندگ ءَ پد چیا سرداری شیھک ءَ رس اِت۔ اگاں رند انچو کہ باز گُشیت کہ بو سعیدیاں گُڑا گوھرام ءَ چیا وتی پت ءُ پیرکی سرداری ”بو سعیدیاں” بخشات۔ گوھرام ءِ سرا زاناں درد کُتگ۔
بیت کنت کہ اشکانی (پارتھین) شاھانی وھد ءَ لھتے بلوچ یا رند شام ءُ سوریا ءِ ھند ءُ دمگاں شُتگ اَنت ءُ آ انگت ھم است اَنت۔ ”کُرد” رند اَنت ءُ بلوچ ءِ خون اَنت۔ کُرد مئے وتی برات ءُ وارث ءُ بلوچ اَنت۔۔۔۔بلے بوسعیدی ءَ منی سر ھچ پِر نہ بیت ءُ بوسعیدی کجام اَنت، ھمے عمانی، سلطان قابوس ءِ قبائل ءَ گُشئے؟