تریاک چوناھا یک فائدہ مندیں درمانے کہ ایشی ءَ بازیں درد ءُ دورانی وھد ءَ ڈاکٹر مردم ءَ دینت۔ تاریخ ءِ تھا است اِنت کہ پیش چہ مسیح ءَ ماں یونان ءَ تریاک سرجری (surgery) ءِ ھاترا کارمرز کنگ بیتگ۔ عرب سائنٹسٹ ابن الہثیم ءَ چم ءِ آپریشن ءِ وھد ءَ ھم تریاک نادراہ ءَ وارینتگ۔ بلے بنی آدم کہ وت ءَ اشرف المخلوق گُشیت پہ راستی بچاریے سکیں نادانے ءُ خیوان ءَ چہ گنتریں۔ پمیشا بنی آدم ھر چیز ءَ منفی صورت ءَ کارمرز کنت۔ بنی آدم ءَ مدام ھمے تریاک نشہ ءِ ھاترا کارمرز کُتگ۔ یونانی دور ءَ ھم تریاک نشہ ءِ ھاترا کارمرزگ بیتگ۔ تاریخ ءِ تھا است اِنت کہ ھما چاگرد کہ اے تریاک ءِ نادراھی ءَ گور جتگ اَنت پدا ایشی ءِ دارگ باز مُشکل بیتگ۔ ھژدھمی صدی ءَ وھدی یورپی ھند ھمے تریاک ءِ نادراھی ءَ گور جتاں تہ اودا سرکار ایشی ءِ گِر ءُ دار ءِ ھاترا باز تکانسر بیتگ اَنت۔ 1817 ءَ پہ ھمے تریاک ءِ بے علاجیں نشہ ءِ ھاترا جرمن سائنٹسٹے ءَ بازیں جھد ءُ جفا ءَ رند Marphine جوڑ کُتگ ءُ پہ تریاک ءِ علاج ءِ ھاترا نادراھانی سرا کارمرز کُتگ۔ چوناھا مارفین ھم چہ تریاک ءَ کشگ ءُ جوڑ کنگ بیتگ ءُ ماں یورپ ھنداں تریاک ءِ علاج ءِ ھاترا کارمرزگ بیتگ۔ پیش ءَ سائنٹسٹاں وت ھم اے گمان نہ بیتگ کہ مارفین ءِ تاوان چہ تریاک ءِ تاوان ءَ گیشتر اَنت ءُ مارفین انسانی چاگرد ءَ یکپارگی چکپروش کنت۔
پدا 1823 ءَ ماں یورپ ءَ پہ تریاک ءِ علاج ءِ ھاترا چہ تریاک ءِ مواداں ”کوڈین” جوڑ کنگ بیتگ۔ بلے مارفین ءُ کوڈین ءِ بیمناکیں شکل ھما وھد ءَ زانگ بوت ، وھدیکہ 1858 ءَ دو انگریز سائنسداناں ھمے گپ دیم ءَ آؤرت کہ مارفین ءُ کوڈین ءِ اثرات چہ تریاک ءِ اثراتاں دو ھمینکہ گیشتر اَنت۔ بلے وھدیکہ اے گپ زانگ بوت کہ مارفین ءُ کوڈین چہ تریاک ءَ گیشتر بیمناک تریں تہ اے درماناں وتی کار پیسرا کُتگ اَت ءُ یورپی چاگردی چکپرشے کُتگ اَت۔ پمیشا 1897 ءَ یورپ ءِ یک درمان سازیں کمپنی ”Bayercom” ءَ پہ ھمے مارفین ءُ کوڈین ءِ نادراھیانی گِر ءُ دار ءِ ھاترا چہ دگہ درمانے جوڑ کُت کہ اے درمان مرچی ھیروئن ءِ نام ءَ زانگ بیت ءُ ایشی ءَ نادراھیانیانی علاج وت جاہ ءَ مرچی سرجمیں دُنیا ھمے آس ءَ سُچگ اِنت۔ 1921 ءَ ھمے گپ زانگ بوتگ کہ ھیروئن کہ پہ ھما گندگیں نادراھیانی علاج ءِ ھاترا جوڑ کنگ بیتگ ، اے چہ درستاں بیمناک تر ءُ مردم کُشیں نشہے۔۔۔۔۔۔۔۔ مرچی ھمے ھیروئن ءِ بدیں نادراھی ءَ میان استمانی راجاں بگر میان استمانی سیاست باز اثرمند کُتگ۔ ایران ءَ یک لکھ ءُ پنجاہ ھزار مردم ھرسال ھمے ھیروئن ءِ ھرجان بیت۔ دگہ ملک سیکنڈے نیون ملک اٹلی ،جرمنی ،فرانس ،سپین ،تھائی لینڈ ءُ برطانیہ ھم ھمے ھیروئن ءِ آس ءَ سُچگ ءَ اَنت ءُ اودا ھزاراں کچ ءَ مردم ھیروئن ءِ آماچ اَنت۔
اے سرجمیں مردم کُشیں نشہ آنی بُن ھِشت تریاک (opium) اِنت۔ بزاں تریاک ایشانی مات اِنت، درستانی بندات چہ تریاک ءَ بیت۔ ھامگیں تریاک ءَ چہ 10 درصد مارفین، نیم درصد کوڈین، یک ءُ نیم درصد تھیپئن ءُ دگہ باریں چُنت درصد ھیروئن ءُ بلاہ ءُ بِتر در کنگ بیت۔ ارزانیں ھساب ءَ دہ سیر تریاک ءَ یک سیرے مارفین درکنگ بیت۔۔۔۔۔۔۔۔۔۔۔۔او ھیروئن چہ مارفین ءَ در کئیت۔ مارفین ءَ ماں لیبارٹریاں باریں گیچن کنگ ءَ ھیروئن ءَ کش اَنت۔ مرچاں اے تیکنیک پٹھاناں ھم در بُرتگ، گپ کہ پٹھان ءَ رس اِت گُڑا بس اِنت۔
ایشی ءَ چہ زانگ بیت کہ ھما چاگرد ءَ اے بدیں نشہاں ردوم زُرتگ۔ عالمی سائنسداناں بازیں تیکنیکی تکانی کارمرزگ ءَ ابئید ھم ایشی ءِ گر ءُ دار کُت نہ کُتگ۔ مرچی بلوچستان ءَ آدگہ جنجالاں وتی جاہ ءَ بلوچ راج ءِ شُد ءُ بزگی وتی جاہ ءَ مرچی مارفین ءُ ھیروئن ھم ادا ریاستی ادارھاں لھتے بلوچ ڈرگ مافیا ءُ ملایانی کمک ءَ آؤرتگ ءُ سر کُتگ۔ مرچی ءَ چہ سی یا چِل سال پیش بلوچ ایشانی نام ءَ ھم واقف نہ بیتگ۔ بلے مرچی ھر گونڈو ءَ جُست بہ کنئے تہ آھاں سیمی کلاس ءِ سبق یاد نہ اِنت۔ بلے تریاک، مارفین ءُ ھیروئن ءِ نام ءَ زاناں۔ دنیگہ دیر نہ گوستگ، اگاں بلوچ ءَ وتی سر نہ گیپت ءُ ڈرگ مافیا ءِ سنگتی یل نہ دات ءُ منشیات فروش نہ جت ءُ نہ کشّ اِتاں تہ اے نشہ ءِ آس بلوچ ءَ سوچیت ءُ تباہ ءُ برباد کنت ءُ دُنیا گوں انچو جدیدیں ٹیکنالوجی ءَ اے آس ءَ داشت نہ کنت تہ دیم ءَ نزور ءُ ایردستیں بلوچ چون داشتے کنت۔۔ بلے دنیگہ دیر نہ گوستگ۔ دنیگہ آ وڑا ردومے ھم نہ زُرتگ۔ انو اگاں بلوچ ءَ عقل نہ کُت تہ دیم ءَ ایشی ءِ دارگ پدنبودیں ھیالے بیت۔۔۔۔۔
دلگوش: من پیش ءَ گُشتگ کہ ماں بلوچستان ءَ مارفین ءُ تریاک ءُ ٹراماڈول غلامی یے دادے۔ بلے خلیج ءِ بلوچاں چے اِنت۔۔ ادا من باز دیستگ۔ بلے دو ھژدہ سالئیں بلوچی ھم دیستگ،
