ایرانی ٹراماڈول گولی کہ نشہ یا Methamphetamine, "Crystal Meth ءِ ارزانیں قِسمے کہ مرچاں بلوچستان ءُ ماں خلیجاں بلوچ چاگرد ءَ ردومے زُرتگ۔ گُشنت کہ خلیج ءِ بلوچ ایشی ءَ باز کارمرز کنگ ءَ اَنت۔ ھما کہ وت ءَ ٹوھیں راجدوست ءُ کواس گُشنت ھما ھم اے کار ءَ کنگ ءَ اَنت۔ نشہ پہ بنی آدم ءَ لعنتے، بلوچ بہ کنت یا کجام راج، بلے خلیج ءِ بلوچ ایشی ءَ وتی جند ءِ براتاں دیگ ءَ اَنت۔ خلیج ءِ پولیس ءَ ھمے ٹراماڈول ءِ بُھتام ءَ بازیں بلوچ گیپتگ ءُ جیلاں کُتگ اَنت کہ آھانی نام ءِ گرگ ادا جوان نہ اِنت ءُ دِل آزاری بیت۔ ٹراماڈول ءِ چہ دومی Methamphetamine یا Crystal Meth مان کُتگیں نشہ آں بیمناکتریں شکل دو اَنت۔ بزاں دو صورت ءَ اے چہ کُلیں نشہ آں بیمناک تریں۔ یکے ایش کہ اے ارزانیں نھاداں ہرجاہ دست کپیت ءُ دومی ایش اِنت کہ 

1۔ اے ھڈ ءُ بندانی درد

2۔ Fibromyalgia

3۔ لاپ ءِ درد

4۔ دم برگ

5۔ دانگ ءِ درآیگ

6۔ Syringomyelia

7۔ ٹپانی وش بیئگ ءِ ھاترا

8۔ لاپ گیپت ، لاپ ءِ بند کنگ ءِ  ھاترا

9۔ Vulvodynia

او دگہ بازیں درد ءُ دورانی ھاترا کارمرز بیت ءُ پدا انسان ءِ سرا پہ مدامی چَٹی بیت۔ من ءَ یادیں من ءَ پادانی درد ءِ ھاترا مند ءِ جاھمنندیں ڈاکٹر رزاق ءَ انچیں گولی داتگ کہ آھانی تھا Methamphetamine یا Crystal Meth ءِ وڑیں مواد مان بوتگ۔ پمیشا ٹراماڈول ھر وڑیں نشہ آنی مات ءُ بن ھِشت اِنت۔ اگاں اے یک انسان یک رندی ٹراماڈول ءِ دام ءِ تھا بہ کپیت تہ آئی ءِ درآیگ باز مُشکل اِنت۔ چیاکہ ھما نشہ کہ انسان ءِ مرگ ءِ سوب جوڑ بنت تہ آ درستانی کمیں کچے ٹراماڈول ءِ تھا است۔ چوشکہ ایرانی ٹراماڈول ءِ جوڑشت ( contains ingredients) ایش اِنت

1۔ ایمفھیتامئنز( Amphetamines)۔۔۔( Methamphetamine, "Crystal Meth")

2۔Cannabinoids (THC, Marijuana)

3۔ کوکین (Cocaine)

4۔ Opiates (کودئین، مارفین ءُ ھیروئن)۔۔۔

5۔ پی۔سی۔پی ( Phencyclidine )۔

ایرانی ایردستں بلوچستان ءَ یک درمانے کہ آئی ءَ کودئین(Codeine) گُشنت۔ ایرانی درمانجاھاں دز کپیت ، چوناھا اے دوا کُلگ ءُ پشانک ءُ گُٹ درد ءِ واستیں یا باریں چی ئے؟ بلے بلوچ ورناہ اے دوا Codeine ءَ نشہ ءِ ھاترا کارمرز کن اَنت کہ ایشی ءِ تھا ھم کمیں کچے ءَ  Methamphetamine یا Crystal Meth است۔۔۔۔

ایشی ءَ چہ زانگ بوت کہ ٹراماڈول باز بیمناک ءُ مردم کُشیں درمانے۔ اے اگاں مردم ءِ کُشگ ءَ کمے دیر داریت بلے انسان ءَ چہ کٹ ءُ رُج ءَ بارت ءُ دومی نشہ آنی سوب ھم جوڑ بیت۔ لھتے زاھریں جانی تاوان ایش اَنت کہ ٹراماڈول ءِ کارمرزگ ءِ سوب ءَ مردم ھمیشانی آماچ بیت۔

1۔ دم یا ساہ کَشگ ءُ دل ءُ ھون ءِ گردگ ءِ کمے کہ چرایشی ءَ انسان مرگ ءِ آماچ بیت۔

2۔ انسان باد ءُ دگہ دماغی نادراھیانی آماچ بیت ءُ ماژگ ءِ کینسر ءِ سوب ھم جوڑ بیت کنت۔

3۔ ھید ءُ دری پوست ءِ عملاں دزمانجی ءِ سوب ءَ انسان رگ ءُ دل ءِ ترکگ ءِ آماچ ھم بیت کنت۔
4۔ پوست ءِ نادراھی ءِ آماچ بیت کنت۔

5۔ کُلگ ءُ پشانک ءُ لاپ ءُ دگہ بازیں تاوان کہ انسان ءِ مرگ ءِ سوب جوڑ بیت کن اَنت۔

ایشی ءَ چہ ابئید ٹراماڈول ءِ کارمرزگ ءَ انسان چاگردی ھرابکاریانی آماچ بیت کنت۔ دُزی، بگائی ءُ دروگ بندی ءِ نادراھی ھم انسان ءَ گور جننت۔۔

مرچی مکران ءُ بلوچستان ءِ بازیں دمگاں ھم اے نادراھی کپتگ کہ بازیں  میڈیکل اسٹورانی واھند ھم اے بلوچ کُشیں کار ءَ ھوار اَنت ءُ خلیج ءِ بلوچ ورناہ ھم چہ ٹراماڈول ءِ کزا ءَ نہ رکّ اِتگ اَنت۔