یات ءُ گیر
.............
انسان مدام گوست ءِ یات ءُ گیراں تورینتگ ءُ سوکیگ کُتگ۔ ھمے ھیال ءُ ترانگاں کہ بنی آدم ءِ زِند ءِ کِسّہ ءُ سرگوست ءَ ٹھین اَنت۔ گوست ھمینکہ دِل زدگ ءُ درد ءُ کولنجانی امبارے بہ بیت۔ بلے پہ انسان ءَ ابدمانیں مارشتانی یات ءُ گیری ءَ کنت۔ بنی آدم ءَ وتی زند ءِ ھیال ءُ گمانانی گِرنچ گوست ءِ یات ءُ گیرانی سرا بَستگ۔ اگاں انسان ءِ سیادی ءَ چہ وتی گوست ءَ بہ سِندیے، تہ انسان ھم پَشت نہ کپیت۔ چیاکہ انسان ءِ وجود بس ھمے ھیالانی سرا اِنت ءُ ھیال ءُ یاتانی گرنچ گوست ءَ گوں بندوک۔۔۔۔۔۔۔۔
اگاں پہ راستی بچاریے، انسان ءِ دود ءُ ربیدگ بہ بنت کہ مذھبی ھیال ءُ لیکہ یا چاگردی زند ءِ کجام وڑیں ربیت ءُ سِمبلے، آئی ءِ سیادی گوں بنی آدم ءِ گوست ءَ اِنت ءُ انسان ھچ وڑا آئی ءِ وئیل کنگ ءَ ھم تیار نہ اِنت۔ پمیشا اینکہ سائنسی ءُ علمی تکانی دیمروئی ءَ ابئید ھم انسان ءِ اندری دروشم ھما اِنت کہ مرچی ءَ چہ ھزار سال پیش ءَ بیتگ۔ انسان ءِ اندری دروشم ناں کہ بدل بیتگ ءُ ناں کہ دیم ءَ بدل بیت کنت۔ چیاکہ انسان ءَ وتی زند ءِ احساسانی ماڑی ءِ بنیاد گوست ءِ یاتانی سرا ایر کُتگ ءُ دیم ءَ ھم انسان ءِ شَرّ بیئگ، سِنچ دار بیئگ ءُ انسان ءِ اندری دروشم ءِ ساپ ءُ پلگار بیئگ دروگیں گپے۔۔۔۔۔۔ پرچہ کہ گوست ءِ ھیالانی رند گیری انسان ءَ اندری صورت ءَ پروش دنت ءُ کینگ دار ءُ وت گلا ءُ وت ستاہ جوڑ کنت۔
بلوچ ءِ کِسّہ ھم ھمیش اِنت۔ تاریخ ءِ دیرمانیں سفر ءَ بلوچ ءَ ماں اے گُلزمین ءَ چی نہ دیستگ؟ بلوچ ءِ یاتانی آدینک وت ماں وتی ھون ریچی، کُشت ءُ کوش ءُ براتی کینگانی عکساں چہ چکار اِنت۔ بلوچ ءِ گوست ءِ یاتانی آدینک، بلوچ ءَ چی پیشداریت؟ بلوچ گوست ءِ یاتانی آدینک ءِ تھا چاکر عہد ءَ وتی جِند ءِ زھمانی زِھاں سرگڑ کُتگیں وتی جند ءِ براھندگیں براتانی کپتگیں لاش ءُ رِتکگیں ھونانی عکساں ھم گِندیت کہ چاکری وت براتی کینگانی ڈیساں شُتگ اَنت۔ بلوچ ”چِل ءُ شش نامئیں بامردانی چوٹو گاڑینتگیں” گوھرامی کینگ داری یے سِنچ ءَ ھم شَر سرپد ءُ پوہ اِنت۔ بلے بلوچ زریت پہ گوست ءَ۔۔۔۔۔۔ چاکر ءِ اولادی ءِ او گوھرام ءِ دل ءِ بندی یے سرا مدام پھر بندیت۔ بلے بلوچ ءَ میار نیست۔ بلوچ ایشی ءَ مہ کنت گُڑا چی بہ کنت؟ پہ بلوچ ءَ ابئید ءِ ھمے وش منی ءَ دگہ چی پشت کپتگ؟ چہ گوست ءَ سِدگ بلوچ ءِ مرگ اِنت ءُ جِند ءِ بیھال کنگ اِنت۔ بس ھمے گوست ءِ یات ءُ گیراَنت کہ بلوچ ءِ مڈی اَنت۔ بلوچ ءِ راجدپتر ءَ ٹھین اَنت۔ آئی ءَ زندگ ءُ ابدمانیں مارشتانی سکین ءَ دینت۔ ھمے یاتانی آدینک ءِ تھا بلوچ ءَ وت ءَ زندگ داشتگ۔۔
بلوچ ءِ کِسّہ ھم ھمیش اِنت۔ تاریخ ءِ دیرمانیں سفر ءَ بلوچ ءَ ماں اے گُلزمین ءَ چی نہ دیستگ؟ بلوچ ءِ یاتانی آدینک وت ماں وتی ھون ریچی، کُشت ءُ کوش ءُ براتی کینگانی عکساں چہ چکار اِنت۔ بلوچ ءِ گوست ءِ یاتانی آدینک، بلوچ ءَ چی پیشداریت؟ بلوچ گوست ءِ یاتانی آدینک ءِ تھا چاکر عہد ءَ وتی جِند ءِ زھمانی زِھاں سرگڑ کُتگیں وتی جند ءِ براھندگیں براتانی کپتگیں لاش ءُ رِتکگیں ھونانی عکساں ھم گِندیت کہ چاکری وت براتی کینگانی ڈیساں شُتگ اَنت۔ بلوچ ”چِل ءُ شش نامئیں بامردانی چوٹو گاڑینتگیں” گوھرامی کینگ داری یے سِنچ ءَ ھم شَر سرپد ءُ پوہ اِنت۔ بلے بلوچ زریت پہ گوست ءَ۔۔۔۔۔۔ چاکر ءِ اولادی ءِ او گوھرام ءِ دل ءِ بندی یے سرا مدام پھر بندیت۔ بلے بلوچ ءَ میار نیست۔ بلوچ ایشی ءَ مہ کنت گُڑا چی بہ کنت؟ پہ بلوچ ءَ ابئید ءِ ھمے وش منی ءَ دگہ چی پشت کپتگ؟ چہ گوست ءَ سِدگ بلوچ ءِ مرگ اِنت ءُ جِند ءِ بیھال کنگ اِنت۔ بس ھمے گوست ءِ یات ءُ گیراَنت کہ بلوچ ءِ مڈی اَنت۔ بلوچ ءِ راجدپتر ءَ ٹھین اَنت۔ آئی ءَ زندگ ءُ ابدمانیں مارشتانی سکین ءَ دینت۔ ھمے یاتانی آدینک ءِ تھا بلوچ ءَ وت ءَ زندگ داشتگ۔۔
”کِسّہ ءِ آسر” ءَ نبشتہ بیتگیں سیاھگ منی گوست ءِ سی سالانی سفر ءِ یات ءُ گیرانی کِسہ اَنت کہ اے پَمّن گرانبھائیں مَڈی اَنت۔ دانکہ من وتی گوست ءِ بازیں تجربہاں سبق زُرت بہ کناں ءُ وت ءَ پجہ بیاراں کہ من کئے آں ءُ منی کِرد چی بیتگ اَنت ءُ سنگت ءُ بیلی کئے بیتگ اَنت ءُ کجام کِردانی واھُند بیتگ اَنت؟۔۔۔۔۔۔یاکہ منی گنوکی یے عکس۔۔۔۔۔۔۔
