چوناھیگا اے قحبگانی ملک پاکستان اسلام ءُ قُرآن ءِ نام ءِ سرا سامراج ءَ وتی نپانی برجاہ دارگ ءَ جوڑ کُتگ۔ بلے اگاں پہ راستی بچاریے اسلامی قومیت ءِ نام ءِ سرا جوڑ بیتگیں اے شیطانی مُلک اسلام ءِ ھچ وڑیں چھرگ ءَ نہ جنت۔۔ اے ملک ءِ پارلیمنٹ ءُ آمیدگس ءَ ھوار درستیں ادارھانی تھا اسلام ءُ قُرآن ءِ نام ءِ سرا قحبگ ءُ شیطانانی بادشاھی اِنت۔ یک نیمگے اے وتگڑیں ملک ءَ زنا بالجبر، غریب ءِ لگتمالی ءُ رنڈی گری ءُ قحبگی ءُ کُشت ءُ کوش ملائی دودی ءُ دومی نیمگ ءَ ایشاں اسلام ءُ قرآن ءِ نام ءِ سرا دگہ بازیں راج غلام داشتگ اَنت۔۔۔ اے ملک ءِ انسانی حقانی  نام ءَ جوڑ بیتگیں گل بہ بنت کہ این۔جی۔اوز۔۔خدا ءُ قُرآن ءِ نام ءَ جوڑ بیتگیں درسگاہ ءُ اسکول بہ بنت کہ رسانکی ادارہ، درستانی تھا شیطان صفتیں ملا ءُ قحبگ نندوکاں۔۔۔۔۔۔ادا کس ایماندار ءُ انسانیت دوست نہ اِنت۔۔۔ بلے پہ نام اسلام ءُ انسانیت ءِ گپ ءَ جن اَنت۔۔۔۔۔۔۔اے ملک ءِ جوڑ بیئگ ءَ بگر تاں روچ ءِ مروچی ھچ چُشیں دروشمے گِندگ ءَ نئیت کہ آ اسلامی ءُ انسانی بہ بیت۔۔۔۔

بلے گپ کہ بلوچ ءُ بلوچستان ءِ ئیگ اِنت۔ مرچی یک بلاھیں توجیلے یک رندی پدا دیم ءَ آیگ اِنت۔ بلوچ ءِ گوستگیں دہ سالانی یک شلیں جنگ ءُ بجنگاں ءُ میان استمانی تکاں بلوچ راجی جنز ءِ پزیرائی ءَ اے قحبگ مرچی یک رندی پدا لپرزگ کُتگ اَنت ءُ مرچی ایشانی ملایاں بگر تاں قلمکار ءُ دانشوراں، آمیدگس ءَ بگر تاں وتگڑیں سیاسی گلاں، یک رندی پدا ھمے گندگ آیگ اِنت کہ اے ملک ءِ قحبگ اے نیم زندیں استان ءَ چدو گیش دارگ ءِ ھاترا پدا نوکیں توجیلے سازگ لوٹنت۔۔۔ بلے باریں کئے ایشانی سازتگیں توجیلانی دام ءَ کپیت ءُ کئے رَکّیت۔۔۔

بلے من گُشاں مرچی آ بلوچ کہ کوہ ءُ اگارانی تھا پہ وتی شرپ ءُ غیرت ءِ رکینگ ءَ گوں شیطانی دژمن ءَ جنگ ءَ اِنت ، آ ھچ ھچبر ایشانی توجیلانی دام ءَ نہ کپیت۔۔ چیاکہ ڈاکٹر اللہ نظر بہ بیت کہ خیر بیار، براھمدگ بگٹی بہ بیت کہ ھما سیاسی سروک کہ بلوچ آجوئی ءِ گپ ءَ جنگ ءَ اَنت۔۔ مرچی راج ءَ آھانی سرا مکمل باور ءُ بھیسہ اِنت کہ آ اے شیطانی استان ءِ توجیلاں سرپد ءُ پوہ اَنت۔۔ آھاں تجربہ بیتگ۔۔۔ بلے لھتے دو دلیں مردم انگت گُشئے اے شیطانی ملک ءِ سرا کمے یقین دار اَنت۔۔ خدا اے واجھاں عقل ءُ ھوش بہ دنت کہ اے ملک ھما اِنت ، اے فوج ھما اِنت کہ ایشاں پرنس کریم خدا ءِ سوگند ءِ سرا ریپینت ءُ پدا جیل ءُ زندانانی تھا بند کُت۔۔ ایشاں نواب نوروز خان قرآن ءِ نام ءِ سرا چہ کوھاں ایر گیپت ءُ گوں وتی زھگاں قرآن ءِ ھمراھی ءَ  پاھو دات۔۔۔۔

چوناھا چو گندگ ءَ اے ملک ءِ نام گیپتیں دانشورانی ءُ ملایانی میان ءَ بلاھیں تضادے۔۔ بلے وتی نپانی ھاترا ءُ سامراج ءِ دلاری ءَ اے درست ھور ءُ تپاک اَنت۔۔ پمیشا مرچی بلوچ ءِ جیڑہ ءَ اے ھمینکہ لپرزگ ءُ گنوک کُتگ اَنت کہ نہ زاناں چی بہ کنیں۔۔۔یکے  عاصمہ ءُ دومی افتحار کہ گوستگیں نیم کرن ءَ ماں بلوچستان ءَ زلم ءُ زوراکی یکشلا برجاہ اِنت۔۔ بلے ایشاں میم نیاتکگ۔۔۔ مرچی کہ ماں میان استمانی مھلوک ءِ نیمگ ءَ بلوچ راجی وتواکی گپ دیم ءَ آیگ اِنت ءُ آیوکیں الیکشن یا سلیکشن نَزّیک اِنت ، نو گُشئے ایشاں گوبز پِر ریتکگ اَنت۔۔ جاک ءُ سلوات ایں۔۔ دومی ملا ءُ مسلم لیگی ءُ عمران خان ھم یک رندی بلوچ ءِ ترانگ ءَ کپتگ اَنت۔۔۔۔۔۔ بلے ایمانداریں بلوچ بس ھمے جست ءَ چہ ایشاں کنت کہ واجھاں ، اے گپ راستیں کہ شما مئے جیڑہ ءِ گیشوار ءَ کن یے، مئے راجی حقاں منّ یے ۔ مارا صوبائی وتواکی دئے۔ مارا اسکول ءُ نادراہ جاہ دیے۔۔۔۔ بلے مئے ھما سنگت کہ پہ واھگے آھاں اے گُلزمین ءِ آجوئیں بستار ءِ ھاترا وتی تنگھیں جان قُربان کُتگ اَنت۔ اے گُلزمین ءِ گھگیریں بچاں وتی سر قُربان کُتگ اَنت۔۔۔ باریں اے افتحار ءُ چودھری ءُ انسانی حقانی جاک جنوک مئے ھما سنگتاں پدا مارا دات کن اَنت۔۔ انّا واجھاں اے زندان ءِ بندیگیں بچ ءَ اگاں وئیل کن اَنت۔ بلے اے مئے دردانی دوا نہ اِنت۔۔۔ بلے پدا ھم اے ھچ کُت نہ کناں۔۔ اے بس دُنیا ءِ دیم ءَ پیشدارگ ءَ یک سیاھیں توجیلے سازگ لوٹنت ءُ اے گپ ءَ ھم دِلجماں کہ بلوچ وتی جنگ ءَ بند نہ کنت۔۔۔۔۔۔۔ پمیشا من بس ھمینکہ گُشاں کہ

                                  ”واجہ، بچار کہ پدا رد نہ کپ یے”