کوئٹہ پریس کلب ءِ دیم ءَ نِشتگیں ھما دو زھگ کہ پہ وشیں بانداتے ءِ ھاتر ءَ وتی ”ابّا” ءِ ودار ءَ کنگ ءَ اَنت۔۔ آھانی پِت کُج اِنت؟ کجا شُتگ؟ اے لھتے انچیں جُست اَنت کہ ایشانی جواب ءَ ھر بلوچ دات کنت۔ اے ھما زھگ اَنت کہ ایشانی واھگ گُٹگیر کنگ بیتگ اَنت ءُ ایشانی پِت عھد ءِ زوراک ءَ چہ ایشاں پُل اِتگ ءُ گار ءُ بیگواہ کُتگ کہ باریں زندگ اِنت یا شھید کنگ بیتگ۔۔ بلے اے زھگاں یک واھگے داشتگ کہ الم مئے پِت کئیت ءُ ما پدا وش ءُ شادان بئیں ءُ گوں وتی ھمگنگلاں وانگ جاہ ءَ راھی بئیں۔۔ بلے چوشیں بازیں زھگانی واھگ سرجم نہ بیتگ اَنت۔۔ بلکیں آھانی پِتانی جاہ ءَ آھانی پِتانی ٹپ ءُ ٹوریں لاش دیم دیگ بیتگ اَنت ءُ مرچی آ دِلیکیم اَنت کہ آھانی ”ابو” پدا کدی ھم نئیت ءُ گوں ما گُش ءُ کند نہ کنت۔۔۔۔۔۔۔۔۔۔ اے دِلیکیمیں زھگانی تھا یکے واجہ جلیل ریکی ءِ کسانکیں زھگ بیبگر ءُ واجہ شھید غلام محمد ءِ زھگ باول اِنت کہ اے یکیم اَنت کہ مئے ابو پدا کدی واتر نہ کن اَنت کہ آھانی پِت پہ مراہ ھمے سرزمین ءِ ڈیساں شُتگ اَنت۔۔۔۔ بلے اے زھگ یک گپے ءَ دِل جماں کہ مئے پِت اگاں چہ ما پُلگ بیتگ اَنت ۔ بلے چو ایدگہ قوم پرستی ءِ دعوا دارانی وڑا آھاں چم جھلی نہ کُتگ ءُ گوں دُشمن ءَ ھوار نہ بیتگ اَنت۔۔
بلوچاں گُشتگ ”ھر چیز ءَ یک حدے است”۔۔۔۔ ”ھند ءَ او آدیم آپ در کئیت”۔۔۔۔۔بلے مرچی ما ھمے سرپد بیئگ ءَ کہ اے پاکستانی پارلیمنٹ ءِ نِشتگیں بلوچاں چم جھلی ءُ بے غیرتے ءِ ھمک حد ءُ سیمسر گواز کُتگ اَنت۔۔۔۔ ایشاں نہ زاناں چیا اے زھگانی توار گُوشاں نہ کپ اَنت۔۔۔۔ سامراجی دلار پاکستان ءُ آئی ءِ داشتگیں ملایانی پارلیمنٹ ءُ آمیدگس ءِ سرا بھیسہ ءُ سِتک دارگ وتی جند ءِ ریپینگ اِنت۔۔۔ مرچی اے قحبگیں ملائی ملک ءِ قحبگی کرداں دُنیا سرپد ءُ پوہ اِنت۔۔۔ گوں ایشی ءَ واھگ ءُ اُمیت دارگ وتی جند ءِ قومی بستار ءَ نہ منگ ءِ برابر اِنت ءُ آ کہ وتی راجی بستار ءَ نہ منّیت تہ آ بلوچی ھم نہ اِنت۔۔۔۔۔۔ پمیشا پاکستان ءِ پارلیمنٹ ءُ آئی ءِ سرا بھیسہ داروک ھم بلوچ نہ اَنت۔۔۔۔
دانا گُشنت کہ انسان ھمینکہ بے غیرت بہ بیت۔۔۔ بلے آئی ءِ تھا کمے غیرت ءِ عنصر الم پشت کپیت۔۔۔ بلے مرچی من ھمے زھگانی عکساں گِنداں کہ پریس ءِ کلبانی دیم ءَ وتی واجہیں پِتانی ودار ءَ نِشتگ اَنت۔۔۔بلے پِتانی آیگ ءَ ابئید آھانی ٹپ ءُ ٹوریں لاش دست کپ اَنت تہ من یک گپے ءَ سرجم زاناں کہ اے پارلیمانی بلوچ کہ کجام پارٹی ءَ آھانی سیادی بہ بیت ، اے غیرت ءِ عنصر ءَ چہ زبھر اَنت۔۔۔۔ ایشاں ءُ ایشانی حمایت کنوکاں بے آپے ءِ ھمک حد ءُ سیمسر گواز کُتگ اَنت۔۔۔۔ اگاں کسے گُشیت کہ من رداں ، جزباتی تران کناں ، گُڑا آ یک رندی ھمے زھگانی دِلتراکیں داستان ءُ آھانی دل ءِ پاھاراں چہ سرپد بہ بیت کہ آھانی دلاں چی گوزیت کہ آ وھدیکہ ودارجاھاں وتی پتانی ودار ءَ ننداں۔۔۔۔۔ ادا کجام انسان اِنت کہ آئی ءِ دل ءِ تھا کمے ھم انسانیت ءِ درد بہ بیت ، آ اے وداری ئیں زھگانی گندگ ءَ پد دِلتراک ءُ سوکیگ مہ بیت۔۔۔ بلے انسان کہ بے غیرت بیت آ ھرچی کُت کنت۔۔۔ آ وتی ماتاں ھم بھا کُت کنت،،، اے زھگانی دردانی مارگ وتی جاہ ءَ ،،، مرچی پاکستان ءِ ھمراھی کنوکیں پارلیمانی بلوچانی کِسہ ھم ھمیش اِنت کہ ایشانی بے غیرتے ءِ ھند چہ آپ ءَ او آ دیم جتگ۔۔۔ پمیشا ایشاں اے زھگانی زار ءُ پِریات گُوشاں نہ کپ اَنت۔۔۔۔۔۔۔ بلے پہ غیرت مندیں بلوچ ءَ نو اے قحبگیں ملائی ملک ءِ گما رؤگ نہ بیتگیں گپے۔۔۔۔۔۔۔۔۔۔۔۔۔ بلے زلم ءَ آسر نہ بیت ءُ اے پاکستان ءُ آئی ءِ ھمراھداریں بلوچانی وھد باز کم اِنت۔ پاکستان مردہ بات گوں وتی رستری کِرداں۔۔۔۔ دُراہ بہ گُشئے آمین
