راجی دیمروئی گوں ماتیں زبان ءِ دیمروئی ءَ بندوک اِنت۔ اگاں راج زھگ ءَ بنیاد ءَ راجی زبان ءُ راجی لبزانک وانینگ مہ بیت تہ آ زھگ تاں زندگیں گپچلانی آماچ بیت ءُ چاگردی، سیاسی ءُ سائنسی تکاں آئی ءِ دیمروئی نہ بیتگیں ھیالے۔۔۔۔۔۔۔۔۔۔ ما پیش ءَ کُشتگ کہ پہ شعوری ءُ سنچی دیمروئی ءِ ھاترا اینکہ ماتی زبان ءِ لبز زھگ ءِ سرا اثر مند بیت کنت۔ڈنی زبانانی بیت نہ کنت، چیاکہ ماتی زبان ءِ ھر لبز ءِ پُشت ءَ یک راجدپترے چیر اِنت ءُ آ راجدپتر گوں ھما راج ءِ نفسیات ءُ تب ءَ بندوک اِنت۔ بلے مئے گورا چو نہ اِنت۔ ما ماتی زبان ءِ ھمے ارزشت نہ پھمتگ ءُ نہ زانتگ۔ چیاکہ ما راجی غلامی ءَ ابئید نفسیاتی غلام ھم جوڑ بیتگ اِنت۔۔۔۔۔ ما ھرکس وتی نہ زانتکاری ءُ ھمے غلامیں تب ءِ چیر دیگ ءَ بس ھمے گپ ءَ جنیں کہ ما غلامیں ، آزادی ءَ ابئید مئے زبان ءِ دیمروئی پد نبودیں ھیالے۔۔۔ بلے واجہ من گُشاں تو کہ اے مرد ءِ آزادی ءَ پد ھم تو زھم نہ جن یے۔ اگاں زبان پد منتگیں ، بلے تئی لٹریچر است اِنت۔۔ کمے دِلگوش ءَ گور کن اے زمین ءِ دِلبند ءَ ٹوھیں گوھر قیمتی ءِ کل اِنت کہ ھمے چیریں گوھرانی سکین ءَ عطا ، عطا جوڑ بیتگ ءُ سید، سید۔۔۔۔۔۔۔۔
بلے ادا ھرکس پہ دیم اِنت۔ مئے نوکیں سیاسی لٹریچر دُشمن ءِ زبان ءَ ٹھینگ بیئگ اِنت۔ پمیشا اے لٹریچر مئے زھگ ءِ تب ءَ نہ کپیت ءُ اے زھگ تاں زندگ اِنت ،آ گپچلانی آماچ بیت ءُ شعوری ءُ سیاسی تکاں دیمروئی کُت نہ کنت۔ چیاکہ مئے زھگ ءِ تب شئے شولان ءُ فاضل ءُ سید ءُ عطا شاد ءَ ٹھینتگ ءُ اردو ءِ تب عبدالحق ءُ سعادت حسن آں ٹھینتگ، پمیشا واجہ تئی نوکیں لٹریچر کہ جوڑ بیئگ اِنت۔ اے تئی زھگ ءِ دیمروئی ءَ ھچ کار نہ دنت ءُ آ زھگ ءِ ھمے نفسیاتی غلامی ءَ گیش ءَ چہ گیش مھکم کنت
ماتی زبان ءِ ھر لبز ءُ ھر گالبند گوں ھما زمین جاھنند ءِ نیچر ءَ سیادی داریت۔ لبز ءِ پُژدر زھگ ءَ یک زندگیں کردی ءِ مارشت ءَ دنت۔ ماتی زبان ءِ ھر لبز ءُ ھر گالبند ھمینکہ تاگت مند ءُ پُر اثریں کہ آ ھما زمین ءُ زندمان ءِ سنگ ءُ درچکاں ھم زبان بخشائیت۔ بالاچی جگردی آپ داتگیں سنگانی سنچ گوں زمین جاھمنند ءِ ازل یا نیچر ءَ گوں بندوک اِنت۔ زھگ ءَ گوست ءِ تمردی ءِ نمیرانیں احساسے دنت ءُ راجی باندات ءِ ساچگ ءِ سکین ءَ زندگ داریت۔۔ اگاں ھمے نمیرانیں احساس ءِ بنیاد ءَ راج زھگ ءِ سِنچ ساچی مہ بیت تہ باندات پہ راج ءَ تھار بیت ءُ آ وتی جِند ءَ ھم بیھال کنت ءُ دگرانی منت ءَ وتی زندگ دارگ ءِ جُھد ءَ کنت۔ اے دمگ ءِ بازیں انگلش زدگ ءُ اردو زدگیں راجانی مثال مئے دیم ءَ اَنت ۔
انگریز ءَ بازیں وھداں اے ھندانی سرا بادشاھی کُتگ۔ بلے انگریز باز عقل مندیں راجی بیتگ۔ انگریز ءَ گوں وتی توجیل ءُ مکراں اے ھند بازیں راج تاں روچ ءِ مروچی ھم غلام داشتگ اَنت۔۔انگریز ءَ وتی ایجنٹانی وسیلت ءَ یک نیمگے بازیں راجانی زمین بھر ءُ بانگ کُتگ ءُ آ غلام داشتگ اَنت ءُ دومی نیمگ ءَ اے دمگ ءِ بازیں راجی نفسیاتی غلام جوڑ کُتگ۔۔۔ عرب بہ بنت یا ایشیا ءِ دومی راج آ روچ ءِ مروچی ھم نفسیاتی غلامی ءَ نہ چُٹ اِتگ اَنت۔۔۔ اے بزگ ھمے وڑا نادراہ اَنت کہ اے انگریزی ءَ علمی، سائنسی دیمروئی ءِ نشانی سرپد بنت۔۔۔ اے بزگ اے گپ ءَ سرپد نہ اَنت کہ انگلش ھم چو اردو ءَ بدل زُرتگیں لبزانی سرا زندگ اِنت۔۔ انگریزی ءَ گیشتریں سائنسی ءُ علمی لبز ءُ گالبند چہ لاطینی۔ یونانی ءُ عربی ءَ دُزتگ اَنت۔۔۔بلے بلوچ ءِ کِسہ انگت دگہ وڑ اِنت۔ اے کِسہ باز دردناکیں۔ آ قحبگانی زبان ءِ غلام اِنت۔۔۔ ما قحبگانی زبان ءَ دیمروئی ءِ وسیلت سرپد بئیں، اردو لکھنو ءَ قحبگانی زبان بیتگ کہ رندا انگریز ءَ وتی ایجنٹانی وسیلت ءَ مئے سرا چٹی کُتگ۔۔۔ مئے مرچیگیں سرجمیں سیاسی ادب قحبگانی زبان ءَ ٹھینگ بیئگ اِنت۔۔ ما رسانکی کُڈک بوتکگ آں ءُ قحبگانی زبان ءَ نبشتہ کنگ ءَ ئیں۔۔۔۔ یک نیمگے مئے اے جوڑینتگیں سیاھگ مئے راج زھگ ءِ تب ءَ نہ کپ اَنت ءُ دومی نیمگ ءَ ما پہ لاشعوری قحبگانی زبان ءِ دیمروئی ءِ ھاترا کار کنگ ءَ اِنت۔۔۔۔ما وتی راج زھگ ءِ نفسیاتی غلامی ءَ گیشتر مھکم کنگ ءَ اِنت۔۔۔۔۔۔۔بلے ما اے راستی ءَ ھچ وڑا منگ ءَ تیار نہ ایں۔۔۔
دومی اگاں کسے چو عرب ءُ ایشیائی راجاں انگریزی ءَ علمی ء سائنسی دیمروئی ءِ وسیلت گُشے۔ گُڑا واجہاں ، جاپان، ملیشیا ءُ کوریا ءُ چائنا ءَ انگریزی ءَ کس گپ جت نہ کنت۔۔ گُڑا آ راج چیا سائنس ءُ ٹیکنالوجی ءِ ردا دُنیا ءِ دیم ءَ شتگیں راجاں گوں ھمکوپگ اَنت۔۔ اسل گپ اِش اِنت کہ آ آزاد اَنت ءُ اے تہ انگت نفسیاتی غلام اَنت۔
