ندکار ءِ قلم، فاضل سِنچ ءَ ناآشنائیں، تَب نہ زانتیں باگپانانی نادِلگوشی ءِ دستاں بے موسمی سَر گَڑ کُتگیں شھیدیں پُلانی ھونانی وشبوآں ھمینکہ رجینتگ ءُ چو ”قاسم اشرفی” ءَ پلگارتگ کہ چہ ھمک بُت ساچی ءِ ریا ءَ پاک اِنت۔۔۔۔۔۔۔۔چیاکہ ندکار ءِ قلم ءَ ”اناالحق” ءِ سوگند چہ راج پُلانی شھیدیں ھوناں زُرتگ۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نو چِدو دیم۔۔۔۔۔۔ندکار ءِ قلم۔۔۔۔۔۔۔۔

 ناں(تہ انگت) بے سیتیں وزیری ءِ واھگ داریں اختر صاحب ءُ جھانزیبی مانگیش اِتگیں لیکہانی سردار سلامی ءَ کنت۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ناں راج پُلانی رِتکگیں ھونانی گُما غدار گَشتگ ءُ راج غلامی ءِ مُھکم کنوکیں ”این۔پی” ءِ سوداگراں معاف کنت۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
او ناں تَب نہ زانتیں عکس نام کَشّی ءِ شوق داریں سرمچاری ءِ واھگ دارانی پلہ مرزی ءَ کنت۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پمیشا ندکار پیش ءَ گنوک ءُ مرچاں ردِانقلابی ءِ بُھتام ءَ ھم پہ وت زُرت کنت
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلے راج پُلانی رِتکگیں ھونانی سوداگرانی کردانی سرا من نہ ننداں موتک نیاراں، چیاکہ ایشانی دوتل ءُ دوپوستی ھما وھد ءَ پدر بوت کہ ایشاں راج پُلانی ھونانی سودا ماں پاکی اسمبلیانی تھا جت۔۔اے (این۔پی) ءِ بُتانی رازاں ھر کس ءُ ناکس سرپد ءُ پوہ اِنت۔۔۔اے بھا بدن گونگیں سوداگر اَنت۔۔راج پُلانی رِتکگیں ھونانی سوگند ءَ ایشانی کِرد پدر کُتگ اَنت۔۔۔۔۔۔۔۔

او ناکہ من راج سوداگر ءُ بے پرک ءُ دُزیں میر محمد علی اینڈ گروپ ءَ چہ گِلگ داراں۔۔ چیاکہ ایشانی مثال بقول کواس جبران ءِ چو ھما دنتان اِنت کہ ایشانی کَشگ ءُ دؤر دیگ پہ انسانی چاگرد ءَ سیت مند اِنت۔۔۔۔۔۔۔۔۔۔۔۔۔۔

 من ءَ مانگیش اِتگیں لیکہ ءِ منوگراں گیشتر ھیران کُتگ۔۔۔۔۔ عھد ءِ زوراک ءِ لپاشتگیں راج پُلانی سُھریں تاک ءُ پن ماں دگ ءُ چاھراھاں تالان انت۔۔۔۔ھونانی سُھری ءَ زمین رجینتگ۔۔۔ بلے اے واجہ من نہ زاناں چیا تہ انگت بے سیتیں واھگانی اوست ءَ چہ در نیاھاں۔۔۔ چیاکہ شھید سلام ءُ آئی ءِ کسانکیں شھیدیں راج پُل (جنک) ءُ وحید جان ءُ کواسیں جالب ءِ ھونانی سُھری پہ ایشاں وت ڈس اِتگیں نشان اَنت۔۔۔ بلے من نہ زاناں کہ چیا اے واجھانی ھمے بے سیتیں شوق تہ انگت نہ پُرشیت۔۔۔۔۔

بلے گیشتر من ءَ ”تب نزانتیں باگپان” ءِ نادلگوشی ءِ سوب ءَ گِسر کپتگیں پُلانی درد ءُ کولنجاں رنجینتگ۔۔۔۔۔۔۔۔۔۔۔
.............................................................
او ۔۔۔۔

عطایات ءِ زیمیں مارشتانی توار۔۔۔۔۔

           آس وتی،  گِس وتی،  سِنگ وتی ءُ  سر  وتی
           زیمیں دِل ءَ کُجا براں،  تیر  وتی، جگر  وت
           دِل کہ سُچیت عطا  شیرکنیں  گال  موم  بنت
           ما تئی گِدان ءِ ساھگیں مارا مہ لیک در وتی”

ءِ سِنچ ءَ ناپوھیں ”حسن آباد جاہ نندیں” راج کواس ءِ قلم پہ براتی کینگانی سکین ءَ آس شانیت۔ او بے سمائیں راج رھشون دُژمن سازاِتگیں ”توار سوچی” ءِ پندل ءُ رِپکاں چہ ناپوہ ءُ ناسرپد۔۔۔۔ ناپتاکی ءِ کَست آسریں منزل ءِ نشون ءَ گام جنان۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مات ھاک ءِ مھرانی ابرمی سنچ ءَ نا آشنائیں ”کولمبس ڈیھ” ءِ پناہ گیریں راج کواس بے گُناھیں دُژمن مرد ءِ مرگ ءِ سرا بس موتک کاراَنت۔۔۔۔۔۔۔۔۔۔۔چیاکہ آ بلوچ مات ءِ گِس ءَ ودی بیئگ ءَ چہ پیسر ھم ھالکار بیتگ اَنت۔۔۔۔۔۔پمیشا آھانی نستگ ءُ بے راھیں قلم عکس سرمچارانی دِل ءَ مِھر ءُ زانت ءَ ابئید کینگانی توم ءَ کِشیت۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راج پُلانی ھونانی وشبوآنی گوناپ ءَ گوں سمبھینتگ ءُ والینتگیں راج مُچیانی  نوک رودیں درچک (فرنٹ) چہ شاہ ءُ لمب جنگ ءَ پیسر وت گلا ءُ وت ستائیں پُل ءُ سوغاتانی واجہ گیری یے سِنچ ءِ وڈالیگ بیت ءُ ناتپاکی ءِ سوچوکیں لواراں شِنگینت اَنت........................................................۔شنگ اِتگیں پُلانی وشبو دُژمن زدگ ءُ دمتوس اَنت۔۔۔۔او دگہ لھتے گِسر کپتگیں پُل چہ وشبوآں زبہر۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیر گِس باگ ءِ پُل ، چہ تب ساچی ءِ رِپک ءُ رھبنداں نابلدیں ”باگپان” ءِ نادلگوشی ءُ تب ناآشنائی ءِ سوب ءَ یک یک ءَ گیمران ءُ دُشمن گوات ءِ دستاں آوار بیان اَنت
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بُت تراشیں راج شاعر ءُ ادیب ءِ قلم پہ بُتانی ستاہ ءِ مِنّت ءَ زندگ اِنت۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلے ابدال ءُ فقیریں راج شاعر تہ انگت پہ باندات ءِ اُمیت ءَ جوانیں گال گوپیت۔۔۔۔

          کئیت   بالاچی   وتی  بُن پیرکی بیران گِیپت
         چہ ھمک دمکاں سلاہ بندیں کتارے در کپیت

...............................................................................