تاں ”باگ پان” پُلّانی تب ءَ پوہ مہ بیت تہ باگ ھم دِلساچیں وشبوانی ندارگاں چہ زبہر بیت۔۔۔۔۔چیاکہ آپ ءِ گیشی ھم پُلّانی وشبواں گًسر کنت ءُ کمی ھم پُلاں گیمرینیت۔۔۔۔۔۔۔۔سائنسی راستی ئے کہ گیشیں ساھگ ھم پُلانی تب ءَ نہ کپیت ءُ روچ ءِ برانزانی گیشی ھم پُلاں ھُشک ءُ کلائینچ کنت (تانکہ پُل ھمے روچ ءِ برانزانی مِنّت ءَ وتی زِندساچیں تام ءُ لِزتاں چہ آشنا اَنت۔۔۔ پل زند ءِ سیادی گوں روچ ءِ برانزاں ھمگرنچ اِنت)۔۔۔۔۔۔۔۔۔۔۔۔۔۔۔بزاں ھر عمل ءِ کچ ءُ کساسی بیت۔۔۔ھر چیز ءُ ھر کسے وتی یک جتائیں سائنسی تب ءُ رھبندے بیت۔۔۔۔۔۔۔۔۔ھما تب ءِ مطابق ءَ ھمائی ءِ تب ساچی کنگی اِنت۔۔۔۔۔۔۔۔۔۔۔ھمے سائنسی تب اِنت کہ جھان ءِ استیں ھر چیز ءُ ھر سھدار ءِ انفرادی عمل ءَ بگر تاں اجتماعی عمل ءِ تھا دزمانجن انت۔۔۔۔۔۔۔۔۔۔۔۔۔۔۔۔۔۔۔۔۔۔۔۔ایشی ءَ چہ گِسر کپگ تباھی اِنت۔۔۔۔۔۔۔۔۔۔۔۔۔۔
آئل ءُ پٹرول ءِ کمی یا گیشی بے ساھیں ”موٹر کار” ءَ ھم تاوان بار کنت۔۔۔۔۔۔۔۔۔۔۔۔۔۔۔۔۔
ھمے سائنسی تب اِنت کہ انسانی چاگرد ءُ زندمان ءَ راج پُلّانی انفرادی ءُ اجتماعی سنچ ءَ دزمانجن اِنت۔۔۔۔۔۔اگاں راجی زند ءِ ”باگ پان” ھمے تب ءِ نگھداری ءَ مہ زانت ءُ راج پُلانی فکر ساچی ءِ تب ءُ لوٹاں پوہ مہ بیت تہ راج پُلانی مثال ھم چو باگ پُلّاں بیت۔۔۔۔۔۔۔۔۔۔۔۔۔۔۔۔۔۔آ پُلّ روچ ءِ برانزانی زد ءَ کاینت ءُ گیمُر اَنت یا آپ ءِ نہ وشیں تب آھاں چہ وشبوآں زبہر کنت۔۔۔۔۔۔۔
اگاں چوش بوت گُڑا تب نہ زانتیں ”باگ پان” ءِ کِشتگیں پُل بے آسر بنت۔۔۔۔۔لھتے عھد ءِ زوراکانی پادانی چیر ءَ لپاشگ بنت(رازانی بچک ءُ بازاری کنگ، سائنسی ءُ نفسیاتی لوٹانی پدا آیوکیں خطرہ ءِ پیش بندی ءِ سِنچ ءِ نہ بیئگ ءُ دُشمن ءِ دست ءَ وت ءَ تاوان دیگ )۔۔۔او آدگہ پہ زند وتی وشبوآں ھتم کن اَنت(گِسر کپتگ ءُ بے دلیں سپاھیگانی نام ءَ زانگ بنت۔۔۔۔۔۔۔۔۔۔۔۔۔۔۔۔
گُڑا آ وھد ءَ نام ءِ مُژدہ واریں، ھِچ نہ دیست ءُ بُت ساچیں ندکارانی سیاھگ ھم ھچ کسے ھچ دردانی دوا بیت نہ کن اَنت۔(دِل گُشیت ھچ مہ گُش۔۔۔۔۔بلے ضمیر گُشیت کہ ھچ نہ گُشگ تاوان اِنت)
