سندھ راجدوستیں رھشون، واجہ بشیر احمد قریشی 10 اگست 1959 ءَ سندھ ءِ ھند ریٹو ڈیرو ءِ دمگ موٹان پور ءَ سندھی راجدوست واجہ غلام مرتضیٰ ءِ گِس ءَ ودی بیتگ۔ آ آزاد سندھودیش ءُ جی۔ایم سید ءِ لیکہ ءِ منوگراں گوں شمار بیت۔۔۔۔آئی ءَ وتی بنکی تعلیم وتی پِت ءُ پیرکی ھند ءَ در بُرت ءُ میٹرک ءِ چکاس ھم ”راٹوڈیرو” ءَ پاس کُت۔۔۔ 1974 ءَ آئی ءَ شکار پور ءَ انٹر میڈیٹ (سائنس) ءِ چکاس ءَ سوب مند بیئگ ءَ پد 1976 ءَ ”سندھ زرعی یونیورسٹی ٹنڈو جام” ءَ داخلہ زُرت۔۔۔بلے رند ءَ عھد ءِ زوراکانی گُشگ ءِ پدا آ چہ یونیورسٹی ءَ "rusticate” دیگ بوت ءُ کشگ بوت۔۔۔۔۔۔۔۔
درکسانی ءَ آئی ءَ سندھی راج ءِ سرا عھد ءِ زوراک ءِ زلم ءُ زوراکی چم ءِ وت دیستگ اِت اَنت۔ پمیشا آئی ءَ وت ءَ گوں جئے سندھ راجی جنز ءِ نمیرانیں سر سائیں جی۔ایم سید ءِ لشکریاں ھمگرنچ کُت۔آ جی۔ایم سید ءِ فکر ءُ لیکھاں باز متاثر اَت۔ آ 1976 ءَ جئے سندھ نودربرانی فیڈریشن ءَ ھوار بوت ءُ آ 1980 ءَ ماں ٹنڈوجام ءِ ھنکین ءَ فیڈریشن ءِ صدر نامینگ بوت ۔۔۔ آئی ءِ واھگ اَت کہ آ آجو سندھ ءِ لیکہ ءَ سندھ ءِ ھمک کش ءُ گور ءِ ھنداں سر بہ کنت۔۔۔۔۔۔۔دو سال ءَ پد 1982 ءَ آ فیڈریشن ءِ Central Vice President نامینگ بوت۔۔۔۔او 1986 ءَ آ سندھی نودرانی فیڈریشن ءِ صدری ءَ گچین کنگ بوت۔۔۔۔۔۔1995 ءَ وھدی جئے سندھ راجی محاذ اڈ دیگ بوت تہ آ Deputy Convener ءِ بستار ءَ گچین کنگ بوت۔۔1996 ءَ سندھو دیش محاذ ءِ جنرل سکرٹری ءُ 1998 ءَ صدر گچین کنگ بوت۔ اینکہ کسانیں مدتے ءَ آئی ءِ محاذ ءِ صدری ءِ بستار ءَ گچین بیئگ وت آئی ءِ پہ سندھی راج ءَ ایمانداری ءُ مخلصی ءِ نشون ءَ دینت۔۔۔۔
واجہ بشیر احمد قریشی سندھ راجدوستانی اولی سرپ ءِ رھشوناں گوں شمار بیت۔17 اگست 1974 ءَ زوراک ءِ تیر گواری ءَ چہ سندھی نودرانی فیڈریشن ءِ پنچ نودربر شھید بیتاں تہ واجہ بشیر قریشی ءِ زند یک دم بدل بوت، آ راجی غلامی ءِ درداں گیشتر تورینت، پدا ٹنڈوجام ءِ قبضہ گیریں پولیس ءِ دست ءَ دزگیر بوت ءُ بازیں ٹارچر دیگ بوت۔۔۔۔۔۔۔۔زالم ضیا ءِ دور ءَ بازیں وھدی بازیں راجدوست ءُ نودربر زندانانی تھا بند اِت اَنت تہ بشیر قریشی اے زلم ءُ ھلاپ ءَ جھدکاری ءِ میدان ءَ اولی سرپ ءَ گندگ بوتگ اَت ءُ پدا زالمیں فوج ءَ آ 5 جنوری 1985 ءَ دزگیر کُت ءُ ٹارچر سیلانی تھا بند کُت ءُ وڑ وڑیں تخلیف ءُ اذیت دات۔۔۔۔ جیل ءَ در کپگ ءَ پد آ یک رندی 1986 ءَ پدا دزگیر کنگ بوت۔۔۔11 اگست 1988 ءَ یک رندی پدا آ دزگیر کنگ بوت ءُ 18 ماہ ءَ جیل ءَ دیم دیگ بوت۔۔۔۔ جنوری 1994 نام گپتیں پی۔پی۔پی ءِ جمھوری سرکار ءِ وھد ءَ آ یک رندی پدا دزگیر کنگ بوت۔۔۔17 جنوری 1999 ءَ آ وھدی جی۔ایم یات ءَ برجم داشتگیں مراگش ءَ تران کنگ ءَ روگ ءَ بوت تہ پدا پاکی زوراکیں لشکر آئی ءَ دزگیر کنت ءُ اذیت دنت۔آ شش سال ءُ 10 ماہ ءِ دراجیں مدتاں جیل ءُ زنداناں کنگ بوتگ۔ بلے پہ آئی ءَ جیل ءِ اے روچ جوانیں لیکہ ساچی ءِ جھگیر ءَ کن اَنت، چیاکہ آئی ءَ ھمے دِلسوچیں روچاں پہ سندھی راج ءَ یک انچیں کلوہے شکساتگ کہ تاں اے زمین ءِ دامن ءَ یک سندھی زبان ءَ گپ جنوکیں زھگے مانیت تہ آئی ءِ اے کلوہ زیمر ساچیت ءُ راج زھگ ءَ پہ آیوکیں باندات ءِ امیت ءَ زندگ کنت۔۔اے آئی ءِ جیل ءِ ساھتاں نبشتہ کُتگیں کتاب Jaagya Junge Jawaan اِنت۔۔۔۔۔۔۔۔۔۔
ھمے جھدانی دورپاندیں سفر اِنت۔کہ آ سندھ ءِ راج دپتر ءَ پہ مدامی گیر آرگ بیت۔ بشیر ءِ وڑیں رھشون راجانی سیاسی زند ءَ الم پیدا بنت ، بلے کم پیدا پیدا بنت۔ پمیشا آئی مرگ استیں وھد ءَ پہ سندھی راج ءَ باز گرانیں تاوانے،،،،،،، بلے ھما سندھ ھما زرخیزیں زمین اِنت کہ ادا ھزاراں بشیر پیدا بیت کنت۔۔ بشیر قریشی 7 اپریل 2012 ءَ مرچیگیں چر اے کوڑھیں دُنیا ءَ رپت۔ سندھی راج یک دلیر ءُ بامردیں رھشونے ءَ زبھر بوتاں۔۔۔۔۔۔۔۔۔۔۔۔۔۔
