
پمیشا آ گُشیت۔۔۔۔
دانکہ جل ماں تئی دریائیں دل ءَ آچ نہ بیت
پہ تئی بانور ءَ گُلیں تنگھیں پرداچ نہ بیت
دانکہ پہ سمی آں پیداک نہ بیت” دودائی”
پہ تئی دودایاں کدی بیر گریں بالاچ نہ بیت
پہ تئی بانور ءَ گُلیں تنگھیں پرداچ نہ بیت
دانکہ پہ سمی آں پیداک نہ بیت” دودائی”
پہ تئی دودایاں کدی بیر گریں بالاچ نہ بیت
نوکیں دور ءِ ”للی پوتیں” اے گپ ءَ الم سرپد بہ بنت کہ بلوچ یک انچیں زبان ، دود ءُ ربیدگ ءُ راجی سنچی یے ھدابند اَنت ،، اے ھما درچک اِنت کہ ھمے تاریخی سرزمین ءِ سینگ ءَ مِک اِنت ءُ آئی ءِ ھُنڈال کرمان ءَ بگر داں دریا ءِ سندھ ءَ تالان اَنت۔ پمیشا ھچ عھد ءِ زوراک ءَ اے تاریخی پجار گار ءُ بیگواہ کُت نہ کُتگ۔۔۔۔۔۔۔
بلوچ راجی سنچ ءُ دود ءُ ربیدگ ءُ زبان ءَ پاکی استان ءِ دومی ھندی زبان ءُ کلچرانی لڑ ءَ آرگ ءِ جُھد ، پاکی ”کثیرالقومی” وتگڑیں لیکہ ءَ گوں ھمگرنچ کنگ اے ھمے راجی سنچ ءُ زانت ءُ ھمے بلوچ ربیدگ کہ آئی ءِ شاھ ءُ ھُنڈال کرمان ءَ بگر تاں سندھو دیش کور ءَ تالان اَنت، ولگوج کنگ ءِ توجیلے، کہ پہ سید ھاشمی ءَ یک دپے ءَ دو زبان ءِ جاگہ دیگ اِنت۔۔
پمیشا آ گُشیت۔۔۔
منی زبان ءِ بُرگ ءَ لانک ءِ بستگ
اگاں نہ دو زبان یک دپے ءَ چون پئیم بیت
ھمے سید کہ آئی ءَ بلوچی لبزانک ءَ نوکیں پجاری بخشاتگ، ھمے سید اِنت کہ آئی ءَ پہ بلوچی ءَ لبزانی گنجی یک جاہ کُتگ، ھمیش اِنت کہ آئی ءَ رنج ءُ غم سگ اِتگ، گوں دِل ءِ ھوناں فکرانی چراگے والینتگے، نپس گیریں چیھالاں زانت ءِ ”سرچمگے” بخشاتگے، بلوچی ءَ رھبندی داتگے، مرچی آئی ءِ سال روچ وھد ءِ جوڑینتگیں توجیلانی تھا اندیم بوت ءُ پہ بے برمشے گوست، نہ پچیں دیوانے ٹہینگ بوت ءُ نہ آئی ءِ یات ءَ جوانیں مراگشے برجم دارگ بوت کہ آئی ءِ دل ءَ تاھیر بہ رستیں کہ منی اوبادگاں من ءَ بے ھال نہ کُتگ۔۔۔۔۔۔۔۔۔۔۔۔۔۔۔۔۔۔۔۔۔۔
اگاں نہ دو زبان یک دپے ءَ چون پئیم بیت
ھمے سید کہ آئی ءَ بلوچی لبزانک ءَ نوکیں پجاری بخشاتگ، ھمے سید اِنت کہ آئی ءَ پہ بلوچی ءَ لبزانی گنجی یک جاہ کُتگ، ھمیش اِنت کہ آئی ءَ رنج ءُ غم سگ اِتگ، گوں دِل ءِ ھوناں فکرانی چراگے والینتگے، نپس گیریں چیھالاں زانت ءِ ”سرچمگے” بخشاتگے، بلوچی ءَ رھبندی داتگے، مرچی آئی ءِ سال روچ وھد ءِ جوڑینتگیں توجیلانی تھا اندیم بوت ءُ پہ بے برمشے گوست، نہ پچیں دیوانے ٹہینگ بوت ءُ نہ آئی ءِ یات ءَ جوانیں مراگشے برجم دارگ بوت کہ آئی ءِ دل ءَ تاھیر بہ رستیں کہ منی اوبادگاں من ءَ بے ھال نہ کُتگ۔۔۔۔۔۔۔۔۔۔۔۔۔۔۔۔۔۔۔۔۔۔
واھگ ءِ انگراں چو سوتکگ ءُ پُر کُرتگ
کہ سید مُرتگ ، بلے شودگ ءُ ارداچ نہ بیت
کہ سید مُرتگ ، بلے شودگ ءُ ارداچ نہ بیت
بیست ءُ یک اپریل 1926 ءَ ماں بلوچستان ءِ راجدپتری شھر گوادر ءَ پیدا بیتگیں ”سید ھاشمی” بلوچستان ءُ بلوچی زبان ءِ ایردستی ءُ بلوچ راج ءِ غلامی ءِ درداں ھمینکہ رنجینت کہ رندا آ وت یک راجدپری جوڑ بوت۔ آئی ءِ پُرسوزیں دل ءِ آہ پہ بلوچ راج ءَ آیات جوڑ بوت اَنت، آ زندگ اَت بلوچ ءِ بزگی ءُ بدھالی ءِ سرا موتکے آؤرت، بے دلیں میر ءُ سردار آئی ءَ بلوچ ءِ وار ءُ بزگ کنگ ءِ مستریں ذمہ وار گُشتاں۔۔۔۔۔۔۔
یارک ءَ شال پہ بد زردی یے جوراں لب اِت
شھریں پنجگور ءُ کیا تُربت ءِ بازار جتگ
شھریں پنجگور ءُ کیا تُربت ءِ بازار جتگ
گوادری دلساچ ءُ میزرانیں زیدانی ویرانی ءِ سرا آئی ءَ موتک آؤرت۔ درامدیں پاد برمش وھدی آئی ءِ گوشاں کپت آں، تا چیھال کُت ءُ گُشت ئے۔۔۔۔۔۔۔۔۔
شال وا پیسر سگار ءِ ھرجان اَت
دئیناں بے سیتیں گنجیں گوادر شُت
دئیناں بے سیتیں گنجیں گوادر شُت
داں زند ءِ گُڈی ساھتاں آئی ءَ بلوچ راج ءَ پُر اُمیتیں بانداتے ءِ سکین دات، آئی ءَ اے راج گوانک جت کہ وتی بُرتگیں آواراں دوبر ترین اِت، جُنزان کن اِت کہ آیوکیں وھد شُمئے ودار اِنت۔ وتی میری منگہ ءُ مڑاہ ءَ دوبر برجاہ کن اِت۔۔۔۔
چاکری دوری بیا کاریں ءُ ما جان ءَ پھِل
مکھیں ماتانی مھر ءُ دوستی ءِ شیراں کنیں
مکھیں ماتانی مھر ءُ دوستی ءِ شیراں کنیں
چار مارچ 1978 ءَ بلوچی لبزانک ءِ اے گھگیریں سر پہ مدامی اے دُنیا ءَ رپت ، بلے آئی ءِ گنجانی بخشاتگیں ٹیکی ھر وھد ءَ پہ بلوچ راج ءَ نوکیں منزلے ءِ شون داتگیں سوغاتے، آ بلوچ راج ءِ دلانی تھا زندگ مانیت، داں اے جھان ءَ یک بلوچی است ءُ بلوچی ءَ گپ جنت ، سید است ءُ نمیران اِنت۔
بلے من ءَ بژن بیت کہ مرچی آئی ءِ جُھدانی ھند (کراچی) ءَ ”للی پوتیں” آں جاگہ کتگ۔۔۔۔۔۔
http://hambazy.bloglor.com/post5619.html#.
http://www.balochrise.com/vb/showthread.php?p=86517
چـُـکانی دیوان: مَمّــلـُک « تیدی بریوم »