اگاں ما بلوچ سیاسی ءُ راجی شعور ءِ گپ ءَ بہ جنیں تہ مارا بلوچ راجی زند ءِ سرجمیں تک ءُ پھنات چارگ ءُ ٹپاسگ لوٹ اَنت۔ بلوچ ءِ راجی سنچ ءُ شعور گوں بلوچ ءِ راجدپتر ءَ بندوک اِنت۔ بلوچ راجی سنچ ءُ شعور ءِ آدینک راجدپتر ءِ ھما کرداں ، ھما نام اَنت کہ پہ میارانی ھاترا بالاچی گھگیری ، وتن پھازی ءَ حملی تمردی ءُ بُرتگیں آوارانی تَرّینگ ءَ کمبری نشاناں ڈس اَنت۔ ھمے نشاناں، ھمے نام اَنت کہ بلوچ راجی سنچ ءُ شعوری زند ءِ جوانیں عکس بندی ءَ کن اَنت۔ ھمے راجی زند ءِ کُلیں ربیت ءُ رھبند، ھمے کیلوانی پابندی اِنت کہ بلوچ ءَ ابدمانیں سنچ ءُ شعوری بخشائیت۔ البت نوکیں دؤر ءِ زانت ءُ تعلیم ھمے راجی شعوری زند ءَ سائنسی گوناپے دات کنت نہ کہ تئی بنکی راجی سنچ ءَ ٹھینت کنت۔ من گُشاں سیاسی شعور ءِ نام ءِ سرا یا کہ تعلیم ءِ نام ءِ سرا راجی سنچ ءُ شعور ءَ دزمانجی کنگ۔ یا کہ وتی بُنکی راجی زند ءِ رھبنداں پہ ھمے واستہ لُڈینگ کہ ما شعوری سیاست کنیں مستریں راج دُژمنی یے۔ راجی اقدار ءُ کیلو تاں کرنانی ارتقا ءَ پد وجود ءَ کاینت۔ ایشانی سرا دزمانجی کنگ سکیں ناسرپدی ءُ نادانی یے۔ دُنیا ءِ ھر راج ءِ وتی لھتے اقدار ءُ کیلو ، راجی سنچی بیت کہ چہ ھمیشاں ھما راج زانگ ءُ پجارگ بیت۔ ھمے نشاناں، ھمے ڈس اِتگیں راجی سنچ اِنت کہ ھمک راج ءِ زندگ مانگ ءِ نشانی اِنت۔ وھدیکہ راجی شعور ءُ سنچ ءِ گپ کئیت تہ من گُشاں سنچ دار(باشعور) ھما اِنت کہ آ ھمے بُنکی کیلو ءُ راجی رھبندانی پابند اِنت۔ اگاں کسے ایشاں چہ ڈن اِنت گُڑا بس اے سیاسی ءُ راجی شعور ءُ علمی سیاست ءِ گپ جنگ بس پد نبودیں ھیالے۔۔۔۔۔۔۔۔۔۔۔۔۔۔۔۔
...................................
نو من وتی بُنکی گپ ءِ نیمگ ءَ کایاں، بلوچ راج ءِ گوستگیں چِل سالانی سیاسی زند ءَاگاں ما بچاریں تہ بازیں ٹرم ءُ گالبندانی نام ءَ بلوچ ءِ ھمے بُنکی قدر ءُ کیلوانی سرا دزمانجی کنگ ءِ جُھد بیتگ۔ نام گِپتیں ”شعوری سیاست” ءِ نام ءِ سرا بلوچ ریپینگ بیتگ۔ انچیں وتگڑیں گپ ءُ گالبند بلوچ چاگرد ءَ رواج دیگ بیتگ۔ بلوچ ءَرا شعور ءُ تعلیم ءِ نام ءِ سرا وڑ وڑیں گپچلانی تھا دؤر دیگ ءِ جھد کنگ بیتگ۔ بلوچ راج ءَ بازیں ٹکانی تھا بھر کنگ ءِ جُھد کنگ بیتگ۔ چوشکہ
1 سرداری طبقہ
2 متوسطہ طبقہ
3 جھلی طبقہ
اے وتگڑیں گپ ءُ کردانی مول و مراد چی بیتگ۔ پہ کئی گُشگ ءَ اے کنگ بیتگ اَنت۔ اے سرجم ایشاں پہ ھما بُرزی واجہ ءِ گُشگ ءَ کُتگ اَنت ، تاکہ بلوچ ءَ بھر ءُ بانگ بہ کناں، بلوچ ءِ بنکی اقدار کہ ھزاراں سالاں بلوچ ءِ زند ءُ مرگ ءِ ھمراہ اَنت آھاں پروش بہ دیاں، تانکہ بلوچ وتی بنکی جیڑہ کہ راجی غلامی اِنت، در بئیت۔ گوں ھمے جیڑھاں وت ءَ بہ پیڑائیت۔۔۔جان محمد دشتی گشیت
””اے ریاستی ادارھانی شون داتگیں راھے اَت، آھاں یک دپ وشیں ءُ پیداگیریں ”پروفیشنل” مردمانی گروھے پہ سروکی ءُ لیڈری ءَ تیار کنگی اَت، تاکہ بلوچ ءِ روایتی مڑاھدرای ، بہادری ، نیک تبی ءُ وطن دوستی ءِ جاگہ ءَ بہ گیپت، منی دل ءَ حاکمانی چرے مقصداں بازینی پورا ھم بیتگ، مروچی کہ تو بہ نندئے ءُ گوستگیں بیست ءُ سی سالانی سیاسی ءُ معاشرتی حالتاں سئیل بہ کنئے ءُ آھانی آسراں بچارئے گُڑا ترا شر ءُ گندگ شر گِندگ ءَ کئیت، تو شر زانئے کہ کئے کئے اِنت، چے حق خود ارادیت ءُ چے درمیانہ طبقہ ءِ لیڈری، چے وطن دوستی ءُ چے وطن فرشی””””
۔۔۔۔۔۔۔بلوچی ماھتاک دسمبر 2002 ۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نو گپ اِش اِنت کہ بلوچ راجی شعور،سنچ ءُ زانت گوں بلوچ راجی روایتانی ھُنڈالاں بندوک اِنت۔ بلوچ چہ وتی راجی سنچ ءُ شعور ءَ ھچ دور ءُ زمانگ ءَ نہ سًستگ ءُ گِستا نہ بیتگ۔ ھمے راجی سنچ ءُ شعور اِنت کہ بلوچ ءَ بلوچیت ءِ نامے داتگ، بلوچ ءِ پجار اِنت۔ بلوچ وتی شر ءُ گندگ ءَ شر پوہ ءُ سرپد اِنت۔ بلوچ ءَ وتی راجی غلامی ءِ احساس شری سرا است اِنت۔ بلوچ وتی راجی سنچ ءُ ربیدگانی پھازگ ءُ راجی غلامی ءِ سانکلانی سندگ ءَ پہ تمردی ءُ گھگیری گوں بدیں دُژمن ءَ دیم پہ دیم اِنت۔ بلے مرچی تہ انگت ھمے پیداگیر دُشمن ءِ گُشگ ءِ پدا وڑ وڑیں توجیل کنگ ءَ اَنت۔ گوں دُژمن ءَ ھوراَنت بلوچ کم احساس کمتری یے مارشت ءَ دیگ ءِ جھد ءَ اَنت۔ برے گُشاں ما ”شعوری سیاست کنیں، چیاکہ بلوچ راج ءَ شعور نیست، برے گُشاں بلوچ ءَ تعلیم نیست، آزادی پد ماں بلوچ چاگرد ءَ خانہ جنگی بیت۔ من وا ھیراناں اے واجہ کار کجام راجی شعور ءِ گپ ءَ جن اَنت۔ پاکستان انگریز ءِ جوڑ کُتگیں وتگریں استانے، بلوچ ءِ جیڑہ راجی غلامی اِنت۔ بلے اے وا پاکستانی پارلیمنٹ ءَ نشتگ اَنت۔ اے کُجام راجی شعور اِنت کہ پاکستانی فیڈریشن ءِ تھا نندگ ءَ بلوچ ءَ سوب مندی دات کنت، اے گُشنت کہ بلوچ ءَ شعور نیست ، آزادی ءَ رند بلوچ وت ماں وت ءَ مِڑ ایت ءُ تباہ بیت۔ من ھمے واجھاں گُشگ لوٹاں کہ شُمئے پاکستان ءَ وا شست ءُ پنچ سالیں انگریز ءَ جوڑ کُتگ۔ بلوچ راج چار ھزار سالیں کہ ھمے ماتی گُلزمین ءَ جاھمنند اِنت۔ چار ھزار سال ءَ بلوچ ءَ وتی گُلزمین داشت کُت تہ انگت بلوچ ءِ تھا اے سِکت است اِنت کہ وتی وتواکی ءَ پد وتی راجی سنچ ءُ ماتیں گُلزمین ءَ بہ پلگاریت پہ تپاکی ءُ یکمُشتی وتی آیوکیں وھد ءِ فیصلہ ءَ بہ کنت۔۔۔۔۔۔
1 سرداری طبقہ
2 متوسطہ طبقہ
3 جھلی طبقہ
اے وتگڑیں گپ ءُ کردانی مول و مراد چی بیتگ۔ پہ کئی گُشگ ءَ اے کنگ بیتگ اَنت۔ اے سرجم ایشاں پہ ھما بُرزی واجہ ءِ گُشگ ءَ کُتگ اَنت ، تاکہ بلوچ ءَ بھر ءُ بانگ بہ کناں، بلوچ ءِ بنکی اقدار کہ ھزاراں سالاں بلوچ ءِ زند ءُ مرگ ءِ ھمراہ اَنت آھاں پروش بہ دیاں، تانکہ بلوچ وتی بنکی جیڑہ کہ راجی غلامی اِنت، در بئیت۔ گوں ھمے جیڑھاں وت ءَ بہ پیڑائیت۔۔۔جان محمد دشتی گشیت
””اے ریاستی ادارھانی شون داتگیں راھے اَت، آھاں یک دپ وشیں ءُ پیداگیریں ”پروفیشنل” مردمانی گروھے پہ سروکی ءُ لیڈری ءَ تیار کنگی اَت، تاکہ بلوچ ءِ روایتی مڑاھدرای ، بہادری ، نیک تبی ءُ وطن دوستی ءِ جاگہ ءَ بہ گیپت، منی دل ءَ حاکمانی چرے مقصداں بازینی پورا ھم بیتگ، مروچی کہ تو بہ نندئے ءُ گوستگیں بیست ءُ سی سالانی سیاسی ءُ معاشرتی حالتاں سئیل بہ کنئے ءُ آھانی آسراں بچارئے گُڑا ترا شر ءُ گندگ شر گِندگ ءَ کئیت، تو شر زانئے کہ کئے کئے اِنت، چے حق خود ارادیت ءُ چے درمیانہ طبقہ ءِ لیڈری، چے وطن دوستی ءُ چے وطن فرشی””””
۔۔۔۔۔۔۔بلوچی ماھتاک دسمبر 2002 ۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نو گپ اِش اِنت کہ بلوچ راجی شعور،سنچ ءُ زانت گوں بلوچ راجی روایتانی ھُنڈالاں بندوک اِنت۔ بلوچ چہ وتی راجی سنچ ءُ شعور ءَ ھچ دور ءُ زمانگ ءَ نہ سًستگ ءُ گِستا نہ بیتگ۔ ھمے راجی سنچ ءُ شعور اِنت کہ بلوچ ءَ بلوچیت ءِ نامے داتگ، بلوچ ءِ پجار اِنت۔ بلوچ وتی شر ءُ گندگ ءَ شر پوہ ءُ سرپد اِنت۔ بلوچ ءَ وتی راجی غلامی ءِ احساس شری سرا است اِنت۔ بلوچ وتی راجی سنچ ءُ ربیدگانی پھازگ ءُ راجی غلامی ءِ سانکلانی سندگ ءَ پہ تمردی ءُ گھگیری گوں بدیں دُژمن ءَ دیم پہ دیم اِنت۔ بلے مرچی تہ انگت ھمے پیداگیر دُشمن ءِ گُشگ ءِ پدا وڑ وڑیں توجیل کنگ ءَ اَنت۔ گوں دُژمن ءَ ھوراَنت بلوچ کم احساس کمتری یے مارشت ءَ دیگ ءِ جھد ءَ اَنت۔ برے گُشاں ما ”شعوری سیاست کنیں، چیاکہ بلوچ راج ءَ شعور نیست، برے گُشاں بلوچ ءَ تعلیم نیست، آزادی پد ماں بلوچ چاگرد ءَ خانہ جنگی بیت۔ من وا ھیراناں اے واجہ کار کجام راجی شعور ءِ گپ ءَ جن اَنت۔ پاکستان انگریز ءِ جوڑ کُتگیں وتگریں استانے، بلوچ ءِ جیڑہ راجی غلامی اِنت۔ بلے اے وا پاکستانی پارلیمنٹ ءَ نشتگ اَنت۔ اے کُجام راجی شعور اِنت کہ پاکستانی فیڈریشن ءِ تھا نندگ ءَ بلوچ ءَ سوب مندی دات کنت، اے گُشنت کہ بلوچ ءَ شعور نیست ، آزادی ءَ رند بلوچ وت ماں وت ءَ مِڑ ایت ءُ تباہ بیت۔ من ھمے واجھاں گُشگ لوٹاں کہ شُمئے پاکستان ءَ وا شست ءُ پنچ سالیں انگریز ءَ جوڑ کُتگ۔ بلوچ راج چار ھزار سالیں کہ ھمے ماتی گُلزمین ءَ جاھمنند اِنت۔ چار ھزار سال ءَ بلوچ ءَ وتی گُلزمین داشت کُت تہ انگت بلوچ ءِ تھا اے سِکت است اِنت کہ وتی وتواکی ءَ پد وتی راجی سنچ ءُ ماتیں گُلزمین ءَ بہ پلگاریت پہ تپاکی ءُ یکمُشتی وتی آیوکیں وھد ءِ فیصلہ ءَ بہ کنت۔۔۔۔۔۔
بلے من یک گپے زاناں کہ اے ”قومی شعور” ءِ گپ ھم پاکی ایجنسیانی شون داتگیں راھے۔۔۔۔۔۔
