درانڈیھی یے ھمک سھت ءُ دمان ءَ من بس یکیں راز پھمتگ کہ مات ءَ وتی زھگ سک دوست بیت۔در مُلکی انگر گواریں دردانی زبان ءَ ھما کس پوہ بیت کہ آئی ءَ ماتی مِھرانی ھمے مارشت وتی ارواہ ءِ دامن ءَ جاہ داتگ اَنت۔ یک جھان گولیں زھگے اے جھان ءِ کُنڈ ءُ گوراں ھمینکہ سفر بہ جنت، ھمینکہ زِر گواز بہ کنت۔ ھر مُلک ءَ بہ نندیت ءُ آسودگ بہ بیت۔ وت ءَ گوں ھما ھند ءُ ملک ءِ ربیتاں بہ رجیت۔ بلے ھمے مھر ءَ آئی ءَ دومی ملک دات نہ کنت۔ ھمے مھر اِنت کہ انسان ءَ ابرمی احساسے دنت۔ آئی ءَ گوں گلزمین مات ءِ یاتاں بندوک کنت۔ اگاں یک زھگے چرے ماتی مھرانی شیرکنی ءَ زبھر بہ بیت تہ آ زھگ انچو کہ داغستانی شاعر ”رسول حمزہ توف” گُشیت مُرتگ زندگ نہ اِنت۔
..........................................................................................
حمزہ توف کِسہ کنت کہ” من بازیں مُلکانی تر ءُ تاب کُت ،تہ درملک ءَ وتی مُلکے مردمے ءَ دوچار کپتاں، من آ پجاہ آؤرت، سلام ءُ دوا بوتیں، پدا من داغستان (چیچنیا) ءَ واتر اَتکاں ، من آئی ءِ مات ھال دات کہ تئی پُل ءُ سوغاتیں زھگ من دیستگ۔ گوں ھال ءَ دیگ ءَ من ھمے گمان کُت کہ بیست سالاں رند مات وتی چک ءِ ھال سرپد بیت تہ باز گل بیت”
بلے مات ءَ چہ من پُرس اِتگ کہ ”باریں منی زھگ زندگ بیتگ یا مُرتگ”
من درائینتگ ”زندگ بیتگ”
تہ مات ءَ درائینتگ ” آئی ءَ داغستانی زبان ءَ گوں تو گپ جتگ”
من گُشتگ” ناں آ درملکی زبان ءَ گوں من ھمتران بیتگ”
گُڑا مات ءَ درائینتگ کہ ” گُڑا زندگ نہ بیتگ، منی زھگ ھما وھد ءَ مُرتگ کہ آئی ءَ منی زبان ءَ گپ جنگ بند کُتگ۔
گوں ھمے گپ ءَ داغستانی مات ءِ چمانی ارس جھلاد بیتگ اَنت ءُ گُشتگے، حمزہ تو من ءَ منی زھگ ءِ بدیں مرگے ھال مہ داتیں۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلے مات ءَ چہ من پُرس اِتگ کہ ”باریں منی زھگ زندگ بیتگ یا مُرتگ”
من درائینتگ ”زندگ بیتگ”
تہ مات ءَ درائینتگ ” آئی ءَ داغستانی زبان ءَ گوں تو گپ جتگ”
من گُشتگ” ناں آ درملکی زبان ءَ گوں من ھمتران بیتگ”
گُڑا مات ءَ درائینتگ کہ ” گُڑا زندگ نہ بیتگ، منی زھگ ھما وھد ءَ مُرتگ کہ آئی ءَ منی زبان ءَ گپ جنگ بند کُتگ۔
گوں ھمے گپ ءَ داغستانی مات ءِ چمانی ارس جھلاد بیتگ اَنت ءُ گُشتگے، حمزہ تو من ءَ منی زھگ ءِ بدیں مرگے ھال مہ داتیں۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ھمے ماتی مھرانی مارشت اِنت کہ پیغمبرِ اسلام ماں مدینہ ءِ درانڈیھی ءَ واتری ءَ پد مکّہ ءِ ھاکاں چُک ایت ءُ چماں داریت ، گوں گیمرانکیں دلے گریوگ ءَ لگّ ایت۔ گُلزمین مات ءِ وفاداری یے راز ءَ اسلام ءِ عادلیں حکمران حضرت عمر ءَ پُرس ، عرب تاریخ ءِ تھا ھمے داستان است اِنت کہ زمین چنڈگ ءَ لگ اِیت تہ عمر گُشیت اے گُلزمین مات زاناں چے من گوں تو مھر نہ کُتگ ، تئی سرا گوں زھمانی رھاں جاھلی یے دؤر ھلاس نہ کُتگ ءُ انصاف نیاؤرتگ، تا گُلزمین مات عمری مھرانی منت ءَ تاں روچ ءِ مروچی خاموش اِنت ( اگاں نہ سعودی ءِ انوگیں حاکم ءُ مُلا چوشیں نیکیں مرد نہ اَنت)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زمین گوں زھگ ءَ مھر کنت ، زمین ءَ زبان پِر نیست بلے ماریت، گِندیت، وتی زھگ ءَ پجاہ کاریت۔ وتی زھگ ءِ بے مھری ءِ سرا گریت، موتک کاریت۔ زمین زانت کہ درامد کئے اِنت ءُ منی زھگ کُجام اِنت۔ پمیشازمین درامد ءَ آ مھر ءَ نہ دنت کہ وتی زھگ ءَ دنت، درملکی تر ءُ تاب ءَ من ءَ گمان بیتگ کہ دگرے زمین گُشئے چو من ءَ درامدانی وڑا چاریت، گلاگ بندیت، درچک درامد اَنت ، سنگ درامد اَنت۔ درمُلکی پٹ ءُ میداناں من نشتگ اآں۔ ھمے سنگ اَنت کہ کارچ ءَ توریننت، چو کارچ ءَ زبر اَنت۔بلے نھنگ ءُ کیچ ءِ گاڈوکانی سرا من تاں کرنے ءَ وشواب بیت کناں ، آ من ءَ مھر دیاں ، وتی زھگ گُشاں او در ملک من ءَدرامدی یے بستار ءَ چاریت ، ماریت ، من ءَ وتی جند ءِ زھگانی وڑا نہ چار اَنت۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زمین گوں زھگ ءَ مھر کنت ، زمین ءَ زبان پِر نیست بلے ماریت، گِندیت، وتی زھگ ءَ پجاہ کاریت۔ وتی زھگ ءِ بے مھری ءِ سرا گریت، موتک کاریت۔ زمین زانت کہ درامد کئے اِنت ءُ منی زھگ کُجام اِنت۔ پمیشازمین درامد ءَ آ مھر ءَ نہ دنت کہ وتی زھگ ءَ دنت، درملکی تر ءُ تاب ءَ من ءَ گمان بیتگ کہ دگرے زمین گُشئے چو من ءَ درامدانی وڑا چاریت، گلاگ بندیت، درچک درامد اَنت ، سنگ درامد اَنت۔ درمُلکی پٹ ءُ میداناں من نشتگ اآں۔ ھمے سنگ اَنت کہ کارچ ءَ توریننت، چو کارچ ءَ زبر اَنت۔بلے نھنگ ءُ کیچ ءِ گاڈوکانی سرا من تاں کرنے ءَ وشواب بیت کناں ، آ من ءَ مھر دیاں ، وتی زھگ گُشاں او در ملک من ءَدرامدی یے بستار ءَ چاریت ، ماریت ، من ءَ وتی جند ءِ زھگانی وڑا نہ چار اَنت۔
پمیشا بیدار گُشیت۔۔۔
ماں مشکت ءَ بَر ءُ عمان
من فاضل ءِ دیستاں نشاں
خابورہ ءُ باگیں سویق
سبزیں صحار ءُ زاپران
وش اَنت بلے مئے ملک نہ اَنت
مئے جاہ نہ اَنت مئے ھلک نہ اَنت
پہ درور ءَ انگت گُشئے
چو دشت ءِ ھاک ءُ پُلک نہ اَنت۔
من فاضل ءِ دیستاں نشاں
خابورہ ءُ باگیں سویق
سبزیں صحار ءُ زاپران
وش اَنت بلے مئے ملک نہ اَنت
مئے جاہ نہ اَنت مئے ھلک نہ اَنت
پہ درور ءَ انگت گُشئے
چو دشت ءِ ھاک ءُ پُلک نہ اَنت۔
ھمے مارشتاں، ھمے ھیالاں ، ھمے ماتی مھر ءِ شیرکنی اِنت من ءَ درملکی نیم شپے پاساں ٹوھینیت، واب ءَ نئیل اِیت۔ پمیشکہ من ءَ مردم گُشنت کہ تو گنوک ئے۔ بے سروپادیں تران کن یے۔ بلے من ھمے سرپد باں کہ اے درملکی ربیتانی رنگاں گوں رج اِتگیں ناداناں میار پِر نیست۔ در ملکی وشیانی لذت ءَ اے ھمے ماتی مھر ءِ شیرکنی یے تام ءَ چہ زبھر کُتگ اَنت۔ اے ھما وھد ءَ مُرتگ اَنت کہ ایشاں وتی ماتی زبان ءِ گپ جنگ یل داتگ۔ نو ایشاں گوں گلگ کنگ میران جان گنوکی یے۔۔۔۔۔۔۔۔۔۔۔۔۔۔۔
