گُشنت کہ اے ”مرگ آسریں ” زند ءِ سرا کس پھر مہ بندیت۔ اے وھد ءِ تیز رواجیں سفر ءَ زند الم آسریت ءُ انسان مرگ ءَ گورامباز کنت۔ کئے اِنت کہ وھد ءِ اے ”ابرمی” تیلانکانی دیم ءَ وت ءَ داشت بہ کنت؟ کس نیست، ھرکس بہ بیت آ ھمے مرگ ءِ کُچلیں تام ءَ چَشیت۔ اے دُنیا ءَ کس پاگ نہ بندیت ءُ چوڑ ءَ نہ چنڈینیت ءُ نہ نندیت۔ ھرکس لوٹیت یا نہ لوٹیت بلے اے ابرمی راستی ءَ سرگوز کُت نہ کنت۔ پمیشا اگاں پہ راستی بِچارئے تا زند ءَ ھچ ھچ عاقبت نیست، زند ھتم بیوک اِنت۔ بلے وش بھتاں ھما کس کہ پہ راج پھازیں بانداتے ءِ ھاترا گوں ورناھی ءِ سھت ءُ سنجاں ھمے شیرکنیں مرگ ءَ گورامباز کن اَنت۔ ھمے مرگ ءِ شیرکنی اِنت کہ بلوچ ءَ ھر دور ءُ ھر زمانگ ءَ شکلیں جنگانی نمیرانیں احساس ءِ سکین ءَ دنت۔۔۔بلوچ گُشیت.....
ھیران یے تمن ویران اِنت
سوب گوں شکلیں جنگان اِنت
سوب گوں شکلیں جنگان اِنت
ھمے مرگ ءِ نمیرانیں احساس ءِ شیرکنی اِنت کہ بلوچ ءَ بلوچی یے شرپ مندیں نامے بخشاتگ۔ اگاں کسے اے آسر سنجیں مرگ ءِ شیرکنی یے لزتاں ناپوہ بہ بیت۔ گُڑا آ شکلیں جنگانی دُن آتاریں ھونانی وشبوآں چہ زبھر بیت۔ مُلا فاضل گُشیت۔۔۔
آ چے مردے کہ جِدّواں لج دار نہ کنت
ھوناں گوں وشبوئیں دُناں آتار نہ کنت
شکلیں واباں ماں دیدگاں انگار نہ کنت
۔۔۔۔۔۔۔۔۔۔۔۔۔۔۔۔۔۔
ھوناں گوں وشبوئیں دُناں آتار نہ کنت
شکلیں واباں ماں دیدگاں انگار نہ کنت
۔۔۔۔۔۔۔۔۔۔۔۔۔۔۔۔۔۔
او ھمے ورنائی ءِ مرگ اِنت کہ بلوچ ءَ ابدمانیں گیرانکے ءِ ترانگ ءَ دنت۔ ھمیش اِنت کہ بلوچ ءَ زند بخشائیت۔ پمیشا بلوچ پہ ھمے مرگ ءَ ھدوک اِنت۔بلوچ ورناھی ءِ مرگ ءَ دوست داریت۔ بلوچ گُشیت۔۔۔۔۔۔۔۔
شال ءَ مراتاں گوں گَڑاں
پدریچ تاں عھداں یات کناں
پدریچ تاں عھداں یات کناں
ھمے مرگ ءِ شیرکنی اَت کہ آئی ءَ ورناہ شھید وحید جان ءَ راج پھازیں مارشتانی ستک ءَ گوں ھمگرنچی یے سکینے بخشات۔ تا آئی ءَ پہ شان ءُ مڑاھے ھمے مرگ گورامبازاں زُرت۔ یک مارچ 1993 ءَ پیدا بیتگیں ورناہ وحید جان کہ نوکی نوزدہ سالانی زند ءِ سیمسراں سر بیتگ اَت۔ بلے آ راج ءِ غلامی ءِ درداں ھمے مرک ءِ احساس بخشات۔ پہ مدامی نمیران بوت۔۔ آ ھَشدہ سال ءُ یازدہ ماہ ءُ بیست ءُ ھشت روچ ءِ بھار ساچیں عمر ءَ پاکی رستریں لشکر ءِ داشتگیں کاسگ چٹاں چہ ما پُل اِت۔۔۔۔۔۔۔۔۔۔۔۔۔۔۔۔۔۔۔۔۔
بلے عھد ءِ زوراک ءُ رستریں لشکر ءِ کاسگ چٹ اے گپ ءَ شموشکار مہ بنت کہ آھانی آسر ھم چو ھما راجی غدارانی بیت کہ آھاں پہ ذاتی لالچ ءُ زر ءِ ھاترا راجانی غلام دارگ ءِ بے سوبیں جُھد کُتگ ،بلے آسر راجاں وتی آجوئی گپتگ۔ ھمے راجی شھیدانی شکلیں ھوناں چہ راجی آجوئی ءِ درچک سبز ءُ میزران بیت۔۔۔
عاقبت سنجیں منزل ءِ شون ءَ
ما گوں ھوناں چرا گے بالینتگ
اے ھما کسّہ ایں نمیران ا یں
کہ درگوز اِنت بانزی ءَ قلمانی
ماھکانے ، بیار یت مستاگاں ؛
کور راہ ءِ بشارتاں چون زانت؟
اے ھمے ھوناں کہ سھار ساچ اَنت
آسرا آ جوئی یے بام بلیت
شیرکنیں مرگے ءِ گور امبازگ
پہ بلوچ ، راج پھازیں بانداتے
.....
ما گوں ھوناں چرا گے بالینتگ
اے ھما کسّہ ایں نمیران ا یں
کہ درگوز اِنت بانزی ءَ قلمانی
ماھکانے ، بیار یت مستاگاں ؛
کور راہ ءِ بشارتاں چون زانت؟
اے ھمے ھوناں کہ سھار ساچ اَنت
آسرا آ جوئی یے بام بلیت
شیرکنیں مرگے ءِ گور امبازگ
پہ بلوچ ، راج پھازیں بانداتے
.....
بلوچ راجی شھیداں ھزار سلام ، بلوچستان آجو بات
