واجہ کارے کسہ کنت کہ۔۔۔۔۔۔۔۔۔۔۔۔۔

منی سنگت ءَ آھے کشّ اِتگ ءُ گوں پریشانیں تبے من ءَ چارگ ءَ لگ اِتگ۔ من آ دلبڈی داتگ ءُ گُشتگ دل ءَ ڈڈ کن ءُ مہ تُرس کہ موت انسان ءِ دائمی ھمراہ اِنت ، ساہ پہ ھُر جنگ دارگ نہ بیت۔
گُڑا آئی ءَ پہ بے چاڑیں چماں من ءَ چارتگ ءُ درائینتگ۔۔
”سنگت ، من ءَ مرگ ءِ کِرا نہ تُرسیت۔ گپ اِش اِنت کہ۔۔۔۔۔۔۔۔۔۔۔۔۔ ھمدا خاموش بیتگ
پدا من جُست کُتگ ”گپ چی اِنت” منی دل ءَ اَتکگ کہ اے مرد ءَ زاناں مزنیں واھگے دل ءَ داشتگ ، پمیشا ایشی ءَ تُرسیت کہ
منی واھگ پیلو نہ بوت من شُتاں۔ ”چوناھا بلوچ ءِ مستریں واھگ راجی آزادی اِنت کہ زالماں پچ گپتگ ءُ بلوچ پہ آزادی ءِ ھاترا مرچی وتی گھگیریں سراں ندر کنگ اِنت” منی ھیال ھمے نیمگ ءَ شُتگ۔۔۔۔
بلے آئی ءَ منی خاموشی پروشتگ ءُ درائینتگ۔۔
”اگاں جھاز کپت ، من مُرتاں ، گُڑا منی چُکّاں ھال بِدئے کہ پلانی منی دہ ھزار کلدار ءَ وامدار اِنت ءُ پلانی ءَ منی پنچ ھزار ھم
پِر”۔
گُڑا من پہ کندگ چُست ءَ درائینتگ ۔ اڈے نادان من وا تئی گُمایاں ، اگاں جھاز بہ کپیت تئی گُما مِراں ۔۔ گُڑا تئی چُکاں من چون ھال دیاں؟؟؟ اَنو زراں سوچ وتی ھیال ءَ بو۔۔۔۔
نو گپ اش انت کہ اے مرد ذاتی لالچ ءَ اَنچو کور کُتگ کہ مرگ آئی ءِ دیم ءَ نہ آتکگ۔ بس زر اَتکگ اَنت۔ اے مرد لالچ ءَ انچو گنوک کُتگ کہ اے گپ ھم دیم ءَ نہ اَتکگے کہ جھاز اگاں بہ کپیت تا مئے تھا کس پش نہ کپیت۔۔۔۔۔۔۔۔۔۔۔۔
پمیشا گُشنت کہ انسان اگاں خود غرض جوڑ بہ بیت گُڑا آئی ءَ ذاتی نپ ءُ فائدگ چہ ھر شئے ءَ دوستر بنت۔ دانکہ وتی ساہ ءِ ھم دوستر بنت۔ ھمدا چہ قومی سنچ گار بيت۔۔۔۔
اے کسہ بیت کنت کہ منی سرھال ءَ گوں دپ مہ وارت۔۔۔۔
بلے گپ اِش اِنت کہ مرچی فیس بُک ءَ من ونت۔۔ سنگتے ءَ نبشتہ کُتگ اَت کہ بلیدہ ءِ مردماں پہ واھگے ھمے امیت داشتگ کہ روڈ کدی پکا بیت، ظھور بلیدھی ءِ بازیں جُھداں بلیدہ ءِ روڈ نو سرجمی ءِ سیمسراں رستگ۔ اے مھلوک ءِ دیریگیں واھشتے بیتگ۔۔ بلے لھتے ءَ بلیدہ ءِ روڈ پکا بیئگ ءَ نہ اِشت۔۔۔۔ کاردار ءِ کُشتاں۔۔۔ما اے کرد ءَ ایر جنیں ، چیا ایشاں مئے روڈ پکا بیئگ ءَ نہ اِشتگ۔۔۔۔۔ منی ھیال ءَ ھمے سنگت ءَ کہ فیس بُک ءَ نبشتگ اَت۔ اے واجہ جان محمد بلیدھی ءِ جند انت
گپ چہ گپ ءَ در کئیت۔۔ دگہ کِسہے ھم من ءَ یاد آیگ اِنت۔
یک رندی من دشتی گاڑی ءَ سوار اِتاں۔ چوشکہ ما ”تیراندسک” ءَ شکار ءَ شُتگ اِت اِنت ، گُڑا مئے موٹر سائیکل راہ ءَ پُرشت۔۔ ما گاڑی ئے دست دات ءُ آئی ءَ سوار بیتیں ، مرد شریں مردی اَت۔ مئے سائیکل ھم گاڑی ءِ لڑ اِت۔۔۔ گُڑا راہ ءَ مرد گپ جناں بوت۔۔ گُڑا گپ شُت بلوچستان ءِ جاورانی سرا ، گپ گپ ءَ مرد ءَ درائینت کہ لھتے گنوک اَست گُشاں ما آزادی لوٹیں۔ چونیں آزادی ؟ ما وا آزادیں،
میرانی ڈیم ءَ بگر تاں کپکپار ءَ روڈ پکا بیئگ اِنت۔۔ دگہ آزادی کُجام اںت؟؟؟
گُڑا راہ ءَ ما ھوٹلے ءَ داشت ، مرد ءَ مارا چاہ وارینت،، ھوٹل ءِ کش ءَ کسانیں کُڈے اَست اَت۔ اودا لھتے مردم نشتگ اَت تریاک کشگ ءَ اِت اَنت ۔ گُڑا ھمے مرد ءَ پدا گپ دیم ءَ بُرت ءُ درائینت : ادا بِچار، مردم نشتگ اَنت سر عام تریاک کشگ ءَ اَنت۔ کسّ ءِ دپی جُستے ھم نہ کنت یے۔ انگت شُما گُشئے آزادی لوٹیں، دگہ آزادی کُجام اِنت ؟ کہ مردماں سی تیری تپنگ بڈا اَنت ءُ کُڈک ءَ نشتگ اَنت ءُ تریاک کشگ ءَ انت۔ شُما عربانی مُلک ءَ برویے ، اودا اگاں ترا چُنڈی تریاک گوں بہ بیت شش سال جیل ءَ روئے۔۔ بلے ادا کیلو مھلوک ءِ بڈا اَنت۔ کسے جُست نہ کنت۔ ؟ اے آزادی یے نہ اِنت دگہ چی یے؟؟
بلے من ءَ آ کوچگے مرد ءِ گپانی سرا ھچ بد نہ اَتک۔۔ من زانت کہ سرپد نہ اِنت۔ بیچارگ نہ زانت۔ باندا ھوشے کئیت۔
چیاکہ داناگُشنت ” آ کہ نہ زانت ءُ گُشیت آئی ءَ میار نیست، بلے ھما کہ سرپدانت ءُ پاد پِر دات ، گُڑا آئی ءِ شری دروگے۔۔۔۔۔۔۔۔۔۔۔
نو من ءَ ھمے مرد ءِ کہ گُشیت کہ بلیدہ ءِ روڈ پکا بیئگ ءَ نہ اشتگ اِت۔ ایشی ءِ سرا کندگ ھم کئیت ءُ گریوگ ھم۔۔۔کندگ اے واستہ کہ چوشیں مردم کہ وت ءَ زانتکار ءُ پُھتگیں مردم گُشنت ، بلے ایشانی سنچ سک محدود اِنت
گریوگ پمیشا کہ مرچی ۔۔۔۔۔۔۔۔۔۔۔۔۔۔۔۔۔
ادا بلوچ ورناھانی خون کہ ھمے سرزمین ءِ سرا تالان اَنت۔
بلوچ ءَ پہ وتی حقانی پانک ءَ روچی پنچ لاش دست کپیت۔
مئے مات ءُ گھار کہ چست کنگ بیتگ انت ۔ ماں ٹارچر سیلانی تھا آھانی گُما انسانیت سوز کرد کنگ بیئگ اِنت۔۔۔۔۔۔
مئے مات ءُ گھار ماں روڈانی سرا پہ وتی تاسپیں براتانی ھاترا زھرشانی کنگا اَنت
مئے برات شھید کنگ بیتگ اَنت ءُ مئے گِساں آس جنگ بیتگ۔ مئے ننگ ءُ غیرت پادمال کنگ بیتگ۔ اے سرجمیں زُلم اے مرد ءِ نظر ءَ نہ آھنت۔۔ اے ھمے گپ ءَ سرپد نہ اِنت کہ سرزمین ماتیں۔۔ مرچی مئے مات ءِ دامن دست جنگ بیتگ۔۔ اے مرد ذاتی آسراتی ءُ نپانی واھگ ءَ انچو کور کُتگ کہ بس ایشی ءِ دلرنجی ھمیش ااِنت کہ بلیدہ ءِ سڑک پکا بیئگ ءَ نئیشتگ یے پرچا؟۔۔۔۔۔۔