آ گوں من چاھراہ ءِ سرا دوچار کپت۔ یک ناشناسے کہ آئی ءِ دست ءَ لَٹے اَت، بدن ءِ سرا لانکی یے ءُ آئی ءِ دیم درد ءُ رنجانی آدینکے جوڑ بوتگ اَت۔
مئے اے دوچار کپگ باز دِلکش ءُ وش تب اَت۔ من گوں آئی ءَ درائینت ”بیا روئیں گِس ءَ او منی مھمانی یے شرپ ءَ بزور۔۔۔۔۔آ گوں من اَتک۔۔
منی زھگ ءُ زالبول در ءِ دپ ءَ گوں ما دوچار کپتاں۔ آ گوں آئی ءِ گندگ ءَ وش بوت اَنت ءُ آئی ءِ آیگ ءَ دِلگیر۔۔۔۔۔۔۔
پدا ما پہ وشی ورگ ءِ ورگ ءَ نِشت ایں، آ باز گل اَت بلے بے ترک ءُ توار، آئی بے تواری مئے پوہ بیئگ ءِ وس ءَ ڈَنّ اَت۔
ورگ ءَ پد ما آس ءِ سرا نِشت ایں، او من چر آئی ءَ آئی ءِ سیل ءُ سوادانی بابت ءَ جُست ءُ پُرس کنان کُت۔۔۔۔
آ شپ ءَ او دومی روچ ءَ ما چہ آئی ءَ بازیں کِسہ گوشداشت۔۔۔ بلے من هما ئی ءَ كه اَنو نبشتہ کنگ لوٹاں اے آئی یے تھلیں روچانی بخش اِتگیں ٹیکی آں۔۔اگاں آ وت باز مھروان ءُ نرم دلے اَت۔۔ بلے اے کِسہ آئی ءِ دِل بُرّ ءُ ودار اوتاكیں راھانی داستان اَنت۔
سئے روچ ءَ رند وھدی آئی ءَ چہ ما موکل لوٹ اِت۔ تا ما اے گشت نہ کنیں کہ یک مھمانے چہ ما ھز اِتگ ۔ بلکیں مارا اَنچو مارشت بوئگ اِنت کہ چہ ما یکے ڈَنّ ءَ باگ ءَ شُتگ ءُ آئی ءَ دوبارا آیگی اِنت۔۔۔۔۔
