اگاں اسکول زمانگ ۓ گپ ء- بجناں گڈا چوشیں روچ ء_ نہ بیت ء- کہ من وت بے ھکل ء، گر ء- یک سھب ء_ پہ اسکول ء_ ھاترا واب ء- پاد اتکگ آں،من ء- یاد نہ کنت چو من زانتگ کہ اسکول ء- ھرچ رنگ ء- رؤگی انت پدا ھم من مدام وت ء- چہ اسکول ء- بے ترانگ کنگ ۓ جھد کتگ بلے آسر ھما ھکل ء، گر پدا اسکول! من انگت ھمے گپ ء- ھیراناں کہ وانگجاہ ء- گوں انچو بے زاری پرچہ اشی سبب ...؟
ھیر بل اشی ء- من چاراتگ کہ مردم برے برے پہ زانت وت ء- لھتے چیز ء، کاراں چہ بے ترانگ کنگ ۓ جھد ء- کنت،بلے بے سوب بیت،انچو کہ منی جند انت- من چنچو جھد کتگ کہ پہ زور ء، زانت وت ء- چہ اے ائید ء- بے ترانگ بکناں،بلے لوگ ء_ مردماں کۓ سرپد کنت پدا سھب ء_ سرا ھما ناولگ کہ پادء- ابا نماز ء- برؤ کہ ائید سالے یکرندے کئیت بلے چو نزاناں کہ وتی ھمرائی ء- پمن چنچو درد ء، رنج کاریت دل ء- چوناھا ھم ترانگانی آس ء_ روک انت بلے برے برے گشے اے آس گیشتر جمبور بیت-
بلے یار وھدے تئ درداں کس سرپد نہ بیت گڈا یلدۓ اے گپ ء، کسھواں پائیدہ نیست
تو راست گشے بلے ھمے کہ مزنیں ائید کئیت ناں ھیرونک ء- ھما دوئیں کپتگیں لاشانی ترانگ من ء- زندگیں لاشے جوڑ کن انت.....
پاھار پردل میدک
