1. بندات ء- منی وتی جند ھم ھمے نادراھی ء_ آماچ بوتگ بزاں 'شخصیت پرستی' ء_ ھما 'شخصیت' کہ من ء- دوست بوتگ، آ ڈاکٹرے بوتگ ادیب ء، زانتکارے،شائرے ، گشندھے ،راجی رھشون ء_، زبان دوست ۓ،راج دوست ۓ یا ازم ء_ پڑ ء- کجام ھم ازم ء-گوں سیادی داروکیں مردمے بوتگ گڈا من آئی ء_ 'شخصیت' ء_ حصار ء- انچو بندوک بیتگاں کہ گپ نہ بیت،واجہ ء_ دپ ء_ دراتکگیں ھرچ گپ پمن حرف آخر بوتگ،پدا مۓ دل ء- ھمے ستک بوتگ کہ واجہ کدی ھم رد بوت نہ کنت،بلے اصل ء- چوش بوتگ کہ ما انچو جزباتی بوتگیں کہ واجہ ء_ ردی ھم آئی ء_ شریانی شاھیم ء- تور کتگ انت-بازیں وھد ء_ گوزگ ء- پد من دل ء- وش بیتگاں کہ نوں من اے نادراھی پشت ء- دؤر داتگ،،، بلے ارمان کہ چوش نہ انت منی چاگرد تنیگہ ھمے نادراھی ء_ آماچ انت ء،من ھم گوں ھمے چاگرد ء- ھمگرنچ آں، دروگ ء- دروگ،راست ء- راست من بندات ء- ھم 'شخصیت پسندی' ء_ وڑیں نادراھی ء_ آماچ بوتگاں ء، وت ء- تاوان داتگ تنیگہ ھم آماچ آں..... 
2.  

پاھار پردل میدک