‎* آئی ء- گوں تنیگیں لنٹاں یکبرے پدا آزمان ء- چارت،داں دیراں آزمان چارگ ء- پد آ زمین ء- چونڈگ ء- ات کہ ھور،ھور کجا! آزمان چہ جمبراں ساپ انت نودی پٹہ ۓ ھم نہ گواھیت-

مروچی پریں سۓ سال انت کہ ھور وتی جاہ ء- ادا جمبراں ھم نہ بستگ،پمیشکا آ ہر سہت ء، دمان آزمان ء- سئیل کنت ء، وتی تنیگیں لنٹاں گٹ پاچیت بلے،،،بازیں جیڑگاں آ اے گپ ء- ھم بے ترانگ انت کہ انوں ھور ء_ موسم انت کہ آ ھور ء_ ودار ء- انت یا ناں؟ گشے زاناں آئی ء- گوں اے کاراں کار نیست،بس ستکی گوں آزمان ء- بستگ ء، زمین ء- چونڈگ ء- انت،برے برے من ھیال کناں کہ دریگتیں اے ستک کہ آئی ء-گوں آزمان ء- بستگ اگاں گوں زمین ء- بوتیں آ مروچی اے جاورانی آماچ نہ ات......     

  پاھار پردل میدک