بام ھال ھیال آجوئی ءِ منوک اِنت  ، مدام جھد ھمیش اِنت کہ جْوان، سرپد ءُ شرگداری سنچداروکیں نوشتہ کاراں پہ بلوچی نوشتہ کنگ ءَ سکین بہ دئے اِیں ۔ چَہ ڈاکٹر ناگمان ءِ گْواچن ھیالاں بلوچی ءَ اُردلکیں نوشتانک نویسی ءِ تھر دیم ءَ اَتکگ ۔ پُردل میدک ءَ ھم بہ گند ئے ھمے راھبند ءَ  ماں فیس بک ءَ وتی دل ءِ پاھارانی دْرشانگ بنا کرتگ ۔ فیس بک ءَ آئی جتائیں رنگے ءَ نوشتگیں ھیالانی وانگ ءَ پد کہ جیڑگ ءَ پرما اَنت ما  شَور کرتگ کہ اے ھیال باید بام ھال ءِ تہ ءَ شنگ کنگ ءُ گیشتر وانوکاں سر کنگ بہ بنت۔ ما پُردل میدک ءِ منتوار اِیں کہ آ گوں ما ھمپت بوتگ ۔ اے ھیال '' پاھار '' ءِ سرھال ءَ بام ھال ءَ شنگ کنگ بوگ ءَ اَنت ۔ شونکار

چوناھی ءَ  ھرچ مردم ءِ  وتی جتائیں تبے، تئی تب ءُ ھیل دگر اَنت  منی دگہ ۔ ھما گپ ءُ کار ترا دوست بنت آ بلکیں من ءَ دوست نہ بنت چوش بیت ۔  -
بلے من امیت کن آں کہ اے مردم کس ءَ دوست نہ بنت۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلوچستان ءِ مروچیگیں جاوراں شما کل سرپداِت ! بلوچ کن ءُ آوار بہ جن کُش ءُ جون ءَ ویرانگاں چگل بہ دئے ،بلے گیشتر ھما سنگت ءُ براس کہ آجوئی لوٹوکیں گلانی دوزواہ ءُ باسک بوتگ اَنت ، آ  وَ ھچ رنگ ءَ یل کنگی نہ اَنت ،اے سنگت اگاں وتی ملک ءَ نشتگ اَنت ، ایشانی تہ ءَ یکے آوار جنگ ءُ کشگ بہ بیت گڑا گْوش اَ نت کہ ایشی ءَ و زانتگ کہ من کشگ بئے آں گڑا چیا در ملکاں نہ شتگ،اگاں اد ءُ اود  ئِے بہ کنت وتی ملک ءَ یل بہ کنت درانڈیھ بہ بیت پدا ھمے مردم دیواناں مستر کن انت ءُ ھمے سنگتاں ڈوبار اَنت پہ آجوئی ءَ درانڈیھ بوتگیں سنگتانی ڈوبارگ من ءَ وش نہ بیت شما را نہ زان آں؟