مسلمانانی نامئیں حاکم ہارون رشید سکیں شرابی ءُ سِلکاریں مردے بیتگ۔ رشید ءَ یک آزاد کُتگیں غلامی بیتگ کہ نامے جعفر بن یحیٰ بن خالد بوتگ۔ اے غلام ہارون رشید ءَ باز دوست بوتگ۔ اے شراب ءُ کبابی دیواناں ابئید بلکیں رشید ءِ سرکارى کاراں ھم دزمانجن بیتگ۔ رشید ھمے کہ شراب واری دیواناں نشتگ گُڑا جعفر الم اودا موجود بوتگ، باز گُشنت کہ جعفر رشید ءَ گوں وتی گھار عباسہ ءَ نکاح داتگ اَ،بلے یکجاہ وپت ءُ وابے نئیشتگ اَنت۔ رشید ءَ اے کار پمیشا کُتگ کہ دانکہ جعفر ءِ آئی ءِ گِس ءَ ھچ وڑیں پابندی مہ بیت۔
بلے باز تاریخ دان نکاح ءِ گپ ءَ نہ من اَنت، آ گُشنت رشید ءِ گھار عباسہ وت جعفر (رشید ءِ زر زُرتگیں غلام) ءِ عشق ءَ ریٹا بوتگ۔ جعفر ءَ رشید ءِ نیکی دیم ءَ نیاتکگ اَنت ءُ آئی ءَ گوں ہارون رشید ءِ گھار عباسہ ءَ وپت ءُ واب کُتگ۔ اے چوشکہ یک شپے جعفر رشید ءِ دیوان جاہ ءَ پاد کئیت تہ باز نشہ بیت۔ گُڑا رشید ءِ گھار عباسہ کہ وت جعفر ءِ عشق ءَ گنوک بیت، آ جعفر ءَ رَد دنت ءُ آئی ءِ گُما وپت ءُ واب کنت۔ جعفر ءَ ھم رشید ءِ نیکی دیم ءَ نیاینت ءُ گوں عباسہ ءِ گما وپت ءُ واب کنت کہ چر ایشی ءَ آئی ءِ لاپ ھم پُر بیت۔
(ابن خلدون)
اے ھال ءَ وھدیکہ رشید سرپد بیت تہ گِندیت کہ منی دیم سیاہ بوت۔ آ وتی عاشق تبیں غلام جعفر ءَ نہ کُشیت، بلے چہ سرکاری اگدہ ءَ در کنت ئے۔۔۔ ایشی ءَ چہ پد جعفر عباسہ ءِ عشق ءَ گنوک ءُ سربتگ بیت ءُ جنگل پہ جنگل سراں ولی بیت۔
اے ھمے رشید اِنت کہ ملا ایشی ءَ مزنیں شرپ مندیں حاکمی گُشنت۔
