شش جولائی دو ھزار دوازدہ ءَ کڈان ءِ آتراپ ھورشولی ءِ ھند ءَ چَہ ایران دزچیریں روکپتی بلوچستان ءَ آیوکیں مساپر لھتیں تپنگیاں مساپری ودارجاہ ءَ تیرجتگ ءُ کشتگ اَنت چَہ اے کارپد ءَ ھژدہ بے میار جاہ پہ جاہ مرتگ ۔ مرتگینانی تہ ءَ سیزدہ پنجاب ءُ پنچ اوگانستان ءِ نندوک بوتگ اَنت ۔
جنگ گیپتگیں بلوچستان ءَ سرمچاراں اے جار پرینتگ کہ دژمن ھند پنجاب ءِ جاھمنند چَہ بلوچستان ءَ در بہ کپ اَنت چَہ اے ھژدار ءَ پد ھما سرپد ، داناگ ءُ کارباری مردم اِتا اَنت ٹپر اِش بست ءُ لڈ اِت اَنت پشت کپتگیں پاکستانی سرکار ءِ داشتگ ءُ مزوار اِت اَنت آھاں ھمے گْوشگ بوتگ اَت کہ '' نوں بلوچستان ءَ شمارا جھاد کنگی اِنت ءُ چَہ سرمچاراں ترسگ ءِ بزانت اِش اِنت کہ شما گوں پاکستان ءَ ھمبستگ ءُ ھمدل نہ اِت یا وَ ھما وارتگیں زر ءُ مالاں کہ پاکستانی ایجنسیاں داتگ اَنت بہ دئے اِت یا بلوچ سرمچارانی چاریگی ءُ بلوچ چاگرد ءِ تہ ءَ پنجابی اسرمندی ءِ برجاہ دارگ ءَ چَہ بلوچستان در مہ کپ اِت '' بلوچ راجدوستانی ھژدار ءَ پد پنجابیانی چَہ بلوچستان ءَ در نہ کپگ ءَ تچکیں مراد ھمیش اَت کہ آ بلوچ گلزمین ءِ سر ءَ بلوچانی واک ءَ منگ ءَ ساڑی نہ اِت اَنت پمیشکا بلوچ سرمچارانی گْور ءَ دگہ راھے نیست اَت ابید چَہ ایشی ءَ کہ اے رنگیں پنجابی چاریگاں کہ سرٹاپی ، موچی ءُ دگہ پوریاتگرانی دْروشم ءَ بلوچستان ءَ شنگ ءُ تالان اِت اَنت بہ کُش اَنت ، اے لاچاری ءُ المی کارے اَت ۔ بلے پدا ھم سرمچاراں ایوک پنجابی نہ کرتگ نہ کشتگ بلکیں شرچارگ ءُ ٹپاسگ ءَ پد وتی تپنگ آس داتگ ھما پنجابی کہ آھاں وتی سیادی ءِ بند گوں پنجاب ءَ سستگ ءُ بلوچ چاگرد ءِ نپ ءُ سوتاں ھوار اَنت آ یلو کنگ بوتگ اَنت البت بلوچ راجدوستیں گلانی تہ ءَ لھتیں ناسرپدیں مردم ءُ دژمن ءِ ھالرسانکاں ڈھنڈور کرت کہ بلوچ پنجابی پوریاتگراں کشگ ءَ اَنت باید مئے راجدوستیں گلاں اے دروگ رَد بہ کرت اِنت ءُ سیاسی رنگ ءَ دنیا سرپد بہ کرت اِنت کہ انچوش کہ آزادیں ملک بازیں تھی جنجالانی سبب ءَ باز بر ءَ درملکیاں چَہ وتی سیمسراں کش اَنت ھمے پیم بلوچستان کہ جنگ ءَ گیپتگ اد ءَ درملکیانی نندگ پہ بلوچ زْرمبش ءُ دری پوریاتگر ھردواں تاوان اِنت پمیشکا داں جنگ برجاہ اِنت دژمن راج ءَ سیادی داروکیں پوریاتگر چَہ بلوچستان ءَ در بہ کپ اَنت ۔
بلے واھے مئے ھالرسانک ءُ سیاسی کارکنانی ناسرپدی ھرچی کہ پاکی رسانکدر ءَ گْوشت ھما اِش گیگان کرت '' بلوچ سرمچار آبادکاراں کشگ ءَ اَنت '' وھدے کہ راستی اِیش اِنت بلوچستان ءَ ھچ پنجابی آبادکار کشگ نہ بوتگ بلکیں ابید چَہ چندیں مزنیں شھراں بلوچستان ءَ ھچ جاہ ءَ آباد کار نہ بوتگ ۔ البت دَرراج ءُ دژمن راج پنجابی ءَ گوں سیادی داروکیں چندیں پوریاتگر ءُ دانگ دانگے سرکاری کارمند ھست ءُ ھما ھند ءَ کہ آبادکار بوتگ دنیگت ھست اَنت کس ءَ نہ کشتگ اَنت پرچا کہ بلوچ ءِ جنگ گوں پنجابی آبادکار ءُ پوریاتگراں نہ اِنت بلکیں بلوچ ءِ دژمن تمرد ءُ پزوریں پنجاب شاھی اِنت کہ بلوچ گلزمین ءَ دستیگ کنگ لوٹ اِیت۔
برز ءَ نویس اِتگیں ھیال ءُ لیکوانی پژدر ءَ ھچ جوازے نہ منتگ کہ یک سرپد ءُ ھوشمندیں مردمے ھورشولی ءَ کشگ بوتگیں بے میاریں مردمانی کوش ءِ پلہ مرزی بہ کنت اگاں یکے در بئے اِت ءُ بہ گْوش اِیت کہ پنجابی مئے دژمن اَنت ءُ دژمن ءِ مال کشگ اِنت گڑا ھما تاجک ءُ اوگانانی میار چی بوتگ کہ گور ھمیشاں کشگ بوتگ اَنت ؟ بلوچ راجدوست دنیا ءَ ھمے منارینگ لوٹ اَنت کہ آھانی جھد دھشت گردی نہ اِنت ، آھانی سروک بے ھوش ءُ جذباتی نہ اَنت بلکیں ھوشمند ، وانندگ ءُ جھد ءِ لوٹاں آژناک اَنت ۔ جنگ آھانی دلدوستیں کار نہ اِنت بلکیں پاکستان دھشت گردی ءَ بلوچ پہ تپنگ ءِ چست کنگ ءَ لاچار کرتگ پد ا ھم بلوچ وتی جیڑہ ءَ یک سیاسی جیڑھے زانت ءُ جھد کنگ ءَ اِنت کہ میان اُستمانی واک پہ بلوچ جیڑھے پر ایمنیں گیشوار ءَ بلوچ راج ءَ ھم کوپگ بہ بنت ۔
اے ھبر ءِ تہ ءَ شکے نیست کہ ھورشولی ءَ کُشگ بوتگیں بے میاریں پوریاتگر بلوچ سرمچاراں نہ کُشتگ اَنت بلے ھما گل ءَ کہ اے ذمہ واری وتی سر ءَ زرتگ وتا بلوچ سرمچارانی رَم ءَ ھوار داتگ ۔ جنگی جاورانی تہ ءَ اے رنگیں مانگیش اِتگیں کار بنت بلوچ چاگردی بیرگری ءُ زھرگ ءِ جوش ءَ ھم باز مردم ابید چَہ سرمچارانی گل ءَ نزیکے ءَ اے رنگیں کار کنت پدا ھم بلوچ راجدوست پھک ءَ بے میار کنگ نہ بنت پرچا کہ آھانی ذمہ واریانی تہ ءَ جھد ءَ گوں سنچ ءُ زانت دیم ءَ برگ ھم ھوار اِنت۔ سرمچار ءُ دھشت گرد ءِ تپنگ ءِ میان ءَ دگری ھمیش اِنت کہ سرمچار انسانی راہ ءُ راھبندانی ھیالداری ءَ کنت وھدے کہ پلمال ءُ دھشت گرد ءَ گوں انسانی ربیدگ ءُ روالاں کار نیست ۔ ھورشولی ءِ کُشار انچیں کارے کہ بلوچ راھشون ایشی ءَ بھ وتی گْوشت نہ کن اَنت پرچا کہ بلوچ جھان ءَ ھمے گْوشگ ءَاِنت کہ پنجابی زورگر ءُ بلوچ چیردست اِنت ، بلوچ بے میار ءُ پنجابی میار بار اِنت کہ بلوچاں کشگ ءَ اِنت ، بلوچ راجدوست چَہ میان اُستمان ءَ لوٹ کنگ ءَ اَنت کہ پنجاب ءِ سر ءَ زور بہ دئے اَنت داں بلوچانی کشت ءُ کشار بند بہ کنت ،بلوچ جھد ءَ بہ من اِیت ،دزگیر کرتگیں بلوچ سرمچار ءَ گوں جنیوا کنونشن رِد ءَ پیش بئیت ءُ جنگی راھبندانی ھیالداری ءَ بہ کنت ۔ اگاں سرمچار ھم میار ءُ بے میار ءَ مہ زانت گڑا جھان چون آئی ءُ پنجابی ءِ میان ءَ کشک رست کنت ؟ ھمے رنگیں کارپدانی سبب ءَ میان اُستمانی تک ءَ بلوچ جھد ءَ باز تاوان رستگ پرچا کہ جنگ ءِ ھم لھتیں راھبند بنت آھاں توری پنجابی بہ پْروش اِیت یا بلوچ بے میار کنگ نہ بیت ، ھما مردم کہ جنگ ءَ ھوار نہ اِنت کشگ نہ بیت ۔ ھمے راھگوزی کہ ھور شولی ءَ کشگ بوتگ اَنت ایشاں بلوچ چاگرد ءِ سر ءَ ھچ رنگیں بدیں اسرات دور نہ داتگ البت انسانی اسمگلنگ پہ دژمن ریاست ءَ یک جنجالے ، اے مردم کہ چَہ اے راہ ءَ دنیا ءِ کنڈ کنڈ ءَ شنگ بوگ ءَ اَنت میان اُستمانی تک ءَ پاکستان ءُ ایران ءِ بدنامی ءِ سبب جوڑ بوگ ءَ اَنت ءُ پاکستان پہ ایشی ءِ گر ءُ دار ءَ جھد ھم کنگ ءَ اِنت ۔ بلوچ سرمچارانی کار ایوک ترس ودی کنگ نہ اِنت کہ ھرکس چَہ بلوچانی نام ءَ بہ تر س اِیت بلوچ سرمچار سیاسی سنچدار ءُ بلوچ ءِ سیاسی پیشوک ءُ راھشون اَنت ، آ شر زانت کہ آئی ءِ کارپد انی سر ءَ نہ ایوک بلوچ راج ءِ چم سک اَنت بلکیں دنیا ھم آئی ءِ نیمگ ءَ دلگوش اِنت پمیشکا آئی ءَ سک باز ھیالداری ءَ گوں وتی تپنگ کاربندگی اِنت ، ھور شولی ءِ کشار ءِ پشت ءَ زانگ نہ بیت کہ جوزگ ءُ جوش بوتگ یا بد نیتی البت تچک اِنت چَہ اے کار ءَ بلوچ زْرمبش ءَ ھچ رنگیں سوت نہ رستگ بلکیں ماں جھان ءَ شنگ بوتگیں اے ھال ءَ بلوچ ءِ بدنام بوتگ پمیشکا بلوچ سرمچار ءُ بلوچ راجدوستانی اے ذمہ واری جوڑ بیت کہ جار بہ جن اَنت کہ '' اے بے میارانی کوش ءَ آھانی دست مان نیست۔'' اے ھبر چَہ بندر ءَ پہ بلوچ سلاہ بندیں گلاں یک جنجالے بوتگ کہ ور رودیں گلانی دیم دارگ بہ بیت ءُ پیش ءَ بلوچ سرمچاراے رنگیں وررود ءُ وتسریں گلانی گر ءُ دار ءَ سوبمند ھم بوتگ اَنت۔ اے رندی ھم اُوست ھمیش اِنت کہ بلوچ سرمچار وتی گلزمین ءَ چَہ بے میارانی کوش ءَ پولنگ نہ کن اَنت ۔ھمے پیم بلوچ دانشور ءُ زانتکاراں ھم باید اِنت کہ انچوش آ ماں وتی دیواناں اے کوشاں ایر جنگ ءَ اَنت وتی نوشتانک ءُ ھیال دْرانگازی ءِ تہ ءَ ھم بلوچ ورناھاں سرءُ سوج بہ کن اَنت ۔
قاضی من ترا پیش ءَ مدام گُشتگ کہ ادا کس وتی اصلی جامگاں نہ اِنت۔ ناں پنجابی ءُ ناں بلوچ سرمچار۔۔۔۔۔۔۔۔۔ اے پنجابی ھورشولی ءَ چیا شُتگ اَنت؟۔۔۔۔۔۔۔۔باریں کیا جتگ اَنت، بلے بلوچاں گل کُتگ۔۔۔۔ اے ھمایاں، بلے جامگ ءِ بدل اَنت۔۔۔۔۔۔۔۔۔ پمیشا من گشاں کس وتی اصلی جامگاں نہ اِنت۔۔۔ پنجابی ھم مختلفیں دروشماں اتک کن اَنت ءُ پٹھان ھم۔۔۔۔۔
ہر کارے کہ پاکستان کنت بس ایر بہ جن۔۔ ہر ردیں کارے کہ بلوچ ءِ نام ءَ قبول بیت گڑا آئی ءِ تعریف ءَ بہ کن، اگاں ناں آ سرمچاراں ابئید درملک ءَ دگہ بلاھیں سرمچار است کہ آ تئی غدار گُشگ ءَ سھتے ھم چَک ءُ پد نباں،،،، من گُشاں اے 18 پنجابی بیتگ اَنت۔ 40 بیتیناں ، شرتر اَت۔ گُڑا من نشتگ اِتنت ءُ ۔۔۔۔۔۔۔۔۔۔۔۔۔۔۔۔۔۔۔
شپچراگ بلوچ
ایشاں تو گُشئے مہ کن یے۔ اے زھرا گیشتر کن اَنت۔ تو بگش شریں ، گیشتر رھگیر بہ کُشتیں۔ گُڑا بلکیں تئی زھرا مہ کُشاں۔۔۔۔۔۔۔۔۔۔۔۔۔۔۔۔۔۔۔۔۔بِلے پنجابیاں کُشاں۔ مرگ بات ایشاں۔
شپچراگ بلوچ
بلے من بلوچستان ءِ چم ءُ چراگ، واجہ براھمدگ جان ءَ سلام پیش کناں کہ آئی ءَ دُنیا ءِ دیم ءَ وتی گپ واضع کُت کہ من بے گناھانی کوش ءِ پلہ مرزی ءَ نہ کناں۔۔۔۔۔۔۔۔۔۔۔۔۔۔۔۔۔۔
shapchirag baloch
ملک سراج ءَ گُشت کہ رھگیراں مہ کُشئے۔۔۔۔ گُڑا آسر چی بوت؟
دُنیا ءِ آ دگہ راجاںی کُلڈ (AK47) ءِ بڈا کنگ مجبوری بیتگ۔ بلے بلوچ گُشنت بلکیں نامے۔۔۔۔۔ مرچاں من گندگ ءَ آں کہ child militant آنی ھم عکس دیم ءَ آیگ ءَ اَنت۔۔۔۔۔۔
بلوچ ہر چیزے بندات کنت۔ آئی ءَ آپ ءُ سِنگانی رسینیت۔۔۔۔
.....................
شپچراگ بلوچ
bale no sharren kaar beetagaan,,, no bass bo goshe ke ae rahgheer na beetagaan,, foji beetagaan civil darees a SUNT SARA rawaga beetagaan......
ma ke 20 bee gunaahani koshaga gunahghaar na baen,, yakken droogha ham na baen
SHAPCHIRAG
تو نو چۓ گشۓ گڑا شپچراگ چۓ بکننت؟
نو چۓ شو بکنت اے آخری اربہ؟
من شُمئے دوئینانی جستاں شر سرپد نیاں۔۔۔ ناکہ شُما منی گپاں سرپد بیتگ یے۔۔۔
من ءَ پٹھان ءُ پنجابیانی غم ءَ نہ گیپتگ۔۔۔ من گُشاں اے بیست بیتگ اَنت۔ صد بیتیناں۔۔۔۔۔۔بِلّے پاکستان ءُ ایراناں انسانی اسمگلنگ ءِ گر ءُ دار کنگ ءَ آسانی بیت۔۔۔۔۔
پاکستان ءَ انو بلاھیں انسانی بحرانی اَتکگ۔۔۔۔ پنجابی ءُ پٹھان باز ڈن ءَ رؤگ اِنت۔۔۔ گوستگیں سئے ماھاں عمان ءِ ھالتاک ءَ من ونتگ اَت کہ دو ھزار سئے صد پاکستانی گرگ بیتگ۔۔۔۔
مرگ بات پنجابیاں ایشاں دُنیا گھینتگ۔۔۔
۔۔۔۔۔۔۔۔۔۔۔۔۔۔شپچراگ بلوچ