اے ھبر یک راستی یے کہ ھچ راج ءِ ربیدگ ابدمان نہ بنت آھانی تہ ءَ بدلی کیت بلے اے گوں ھما راج ءِ زندمانءَ بندوک بنت۔ مروچی کہ سرپدی ءِ نوبت اِنت باید بلوچانی نزءَ دود ءُ ربیدگ ءِ بستار دوسری ءُ راج روچانی دارگ ءِ یک سنچداریں وڑپیمے بہ بیت ۔ راج روچانی انچیں مھکمیں پژدر بہ بنت کہ راج ءِ ھمک کس چَہ آھاں آژناک ءُ آھانی اَرزش ءِ منوک بہ بیت ۔بلے بژن اِنت کہ انچوش ما دیم ءَ روان اِنت وتی سنچداریں رواج ءُ ربیدگاں یلو کنان آھانی جاہ ءَ بے سر بنیں رنگ ءَ وتی کرتگیں کارپد ءُ ھیلاں ربیدگ ءِ نام ءَ زوران اِنت ۔ ھمے کہ وتا ربیدگ پھاز سرپد بوگ ءَ اَنت آ وت نہ زان اَنت کہ ربیدگ چی اِنت ۔ سئے سال اِنت کہ بلوچانی یک مزنیں بھرے دو مارچ ءَ’’ بلوچ ربیدگ روچ ‘‘ ءِ نام ءَ سرجمیں جھان ءَ دارگ ءَ اِنت ءُاے یک جوانیں کارے اگاں پہ سنچ ءُ زانت کنگ بہ بیت ۔مئے ربیدگانی پھریز گ ءَ ھمسال آھانی سبزینگءِ کار ءَ مستریں کار دگہ چی بوت کنت ؟بلے بیا کہ ما اے روچ ءَ دگرانی گیگان ءَ دارگ ءَ اِیں ۔ ما اے یک فینسیءُ فیشن شوءُ یک فوڈ فیسٹیولے کرتگ ۔ھما مردماں کہ اے بندات کرتگ آ ھاں ھم ایشی ءِ بندات چَہ ناپھتویں ھیالے ءَ کرتگ بلے آھانی جوزگ چَہ اے رَم ءِ جوزگاں گیشتر دلپاک ءُ دلستک بوتگ اَنت۔ پمیشکا اے رَم کہ ربیدگی روچ ءَ فینسی شوءُ فوڈ فیسٹیولے سرپد بیت ھم ھماھانی ڈس اِتگیں روچ ءَ اے کارءَ کنگ ءَ اِنت ۔
بلوچ ربیدگ روچ بہ بیت یا آ دگہ روچ کہ’ راج روچانی‘ نام ءَ دارگ بوگ ءَ اَنت گیشتر گوں وتی پژدر ءَ ھم بستگ نئے اَنت ۔ کس نہ زانت پرچا ءُ چیا اے روچ دارگ بنت ۔ جھانی تک ءَ ھم ما بہ چار اِیں ھریک جھانی روچے ءِ دارگ ءِ پژدر ھست اَنت ۔ بیست ءُ یک فروری ماں جھان ءَ پمیشکا ’ ماتی زبانانی روچ ‘‘ اِنت کہ ھمے روچءَ پاکستان ءَ ’ اُردو زبان ‘ ایوکیں راجی زبان نامینگ بوت کہ بنگالیاں نہ من اِت ءُ آشوب کرت۔ھمے پیم سندھی کلاھے روچ کہ جھانی تک ءَ’ سندھی ربیدگ روچ‘ اِنت پمیشکا دارگ بیت کہ یک پاکستانی ٹی وی اینکرے ءَ پاکستان ءِ سندھی صدر آصف زرداری ءِ سندھی کلاھے سر ءَ ایراد گیپت کہ پرچا سندھی کلاہ ءَ گوں درملکی سوا د ءَ شتگ ۔سندھی راجدوستاں اے ھبر انچوش تور اِت کہ نوں ھمسال چاردسمبر ءَ سرجمیں جھان ءَ سندھی کلاہ ءِ روچ دارگ بیت۔
بلے بیاکہ ’ بلوچ ربیدگ روچ ‘ ءِ بن ءَ کس سرپد نئے اِنت کہ چی اِنت ؟(انچوش کہ ربیدگ ءَ نہ زانگ ءَ اَنت )۔ وشیں ھبرے کہ دومارچ ءَ سرجمیں جھان ءَ بلوچ ’ بلوچ ربیدگ روچ ‘ دار اَنت داں جھان سرپد بہ بیت کہ بلوچ نامیں راجے گوں وتی ربیدگ ءَ ھمے یکیں زمین ءِ سر ءَ کہ آ زندگ اَنت ھست ۔بلے اے روچ پہ کئی گْوشگ ءَ دارگ بوگ ءَ اِنت ءُ پرچا؟ اولی رند ءَ اے روچ دو مارچ دوھزار دہ ءَ دارگ بوتگ ۔ آوھدی من بی این ایم ءِ سیکریٹری اطلاعات اِت آں ۔ اے ھال من روتاکاں ونت کہ دو مارچ ءَ بلوچ ربیدگی روچ دارگ بیت چَہ ایشی ءَ پیش کہ چَہ کسے ءَ سوڈگ ءُ جست ءُ پرس بہ کرت اِنت کہ’ اے روچ کئے ءَ پہ ربیدگ روچ ءَ نامینتگ ءُ ایشی ءِ پژدرچی اِنت ؟ چد ءُ پیش اے روچ کئے ءَ بلوچ ربیدگ روچ ءِ نام ءَ داشتگ ؟‘کہ بی ایس او ءِ نودربراں ایشی ءِ پلہ مرزی بنا کرت برنامہ ءُ مراگشانی جار جنگ بوت ۔ مئے ھند ءَ بی ایس او سید ھاشمی ڈگری کالج گوادربنزہ ءَ اے درگت ءَ برنامھے ایر کرت ۔ دلپاکیں نودربراں گوں سواس ءُ پاگاں اے برنامہءَ بھر زرت۔ ھمود ءَ ھم ما گوں نودربراں تْران کنان دلگوشگور کرتگ کہ ’ ’ربیدگ ءِ بستار ءَ بہ زان اِتءُ ھریک کارے ءَ گوں سنچ ءَ بہ کن اِت داں راج ءَ آئی ءِ جوانیں مزے دات بہ کن اِت۔‘‘
سئے مارچ دوھزار دہ ءَ خضدا رءَ بلوچ دژمناں یک انچیں کارے کرت کہ بلوچاںیک راستیں پژدرءُ سببے رست کہ ’ سئے مارچ ‘ بلوچ ربیدگی روچ منگ بہ بیت ۔خضدار ءَ ھم بی ایس او ءِ نودربراں بلوچستان ءِ آ دگہ شھرانی پیم ءَ بلوچ ربیدگءِ پیش دارگ ءَ ’ ربیدگ مراگشے ‘ اڈ دات۔ اے مراگش چَہ سرجمیں بلوچستان ءَ برجم بیوکیں مراگشاں درساں مستر ءُ رنگا رنگ اَت ۔ تنگویں ورنا گوں وتی بلوچی پاگ ءُ سواساں اے دیوان ءِ براہ اِت اَنت کہ پاکستانی چیریں ایجنسیانی کاسگ چٹاں اے مراگش ءِ تہ ءَ دستی بم چگل دات چَہ ایشی ءِ سبب ءَ دو بلوچ ورنا جیھند ءُ سکندر شھید بوت اَنت ءُ بازیں ٹپی ۔ ٹپیانی تہ ءَ یک ورناھے ءِ پاد ھم برگ بوت اَنت ۔دژمن ءِ اے کار چَہ آ کار ءَ سکیں مستریں کارے کہ گوں سندھیاں کنگ بوتگ آھاں ایوک ءَ یک ایرادے ءِ سر ءَ وتی روچ بستگ ءُ مئے راج ءِ تنگویں بچ وتی ربیدگ روچ دارگ ءِ ملام ءَ شھید کنگ بوتگ اَنت پمیشکا سئے مارچ بلوچ ربیدگ روچ ءَ یک مھکم تریں جواز ءُ پژدرے دنت ۔
انچوش کہ برز ءِ ستراں نوشتگ کہ بلوچ راج روچانی پژدر شموشگ بوتگ اَنت ءُ دگہ بژ نی ھبر اِیش اِنت کہ ما اگاں نوکیں ربیدگے زور اِیں گڑا زوت آئی ءَ شموش اِیںُ یا آئی ءَ انچوش مانگیشین اِیں کہ ’ راج روچ ‘ ءِ بدل ءَ ’ ٹک روچے ‘ جوڑ بیت ۔ بھمانگی ھبرے کہ بلوچ ربیدگ روچ ءَ دو مارچ ءَ دارگ ءِ جار بی ایس او ءَ جتگ ءُ پہ ھمے روچ ءِ مراگشانی دارگ ءِ سبب ءَ آئی ءِ دو باسک شھید بوتگ بلے نوں کہ اے روچ کم کم ءَ ’ راج روچ ‘ ءِ بستار ءَ منگ بوگ ءَ اِنت بی ایس اوءُ دگہ راجدوستیں گل کہ بی ایس او ءِ ھمدست اَنت ایشی ءِ سر ءَ ناوشی دْرشانگ ءَ اَنت ۔ اے کارمدامگیں پیم ءَ بلوچ راج ءِ زانتکاراں ھم گرگ بوگ ءَاِنت ،ھما زانتکاراں کہ بے جست ءُ پرس ءَ ’ ربیدگ روچ ‘ ءِ پلہ مرزی کرتگ آ ’ ربیدگ روچ ‘ ءِ ایرجنگ ءَ ھم وتی راجی ڈبوسرپد بوگ ءَ اَنت ۔ من ءَ ھم یکے ءَ پرمائش کرتگ کہ’ اے درگت ءَ بہ نویس آں ءُ ھما ٹی وی ءَ ایربہ جن آں کہ اے روچ ءِ دارگ ءَ چَہ درساں دیم ءَ گندگ بیتءُ رسانکدر ءِ کمک ءِ سبب ءَ چَِہ راجدوستیں گلاں گیشتر مھلوک ءَ اسرمند کنان اِنت ۔‘ من بازجھد کرت کہ وتا وتی ھمے سنگتانی رَم ءَ ھوار بہ کن آں کہ اے روچ ءِ دارگ ءَ دوست نہ دارگ ءَ اَنت ۔چر آھانی دلیل ءُ ھبراں دل ھماھانی نیمگ ءَ بے تر اِیت، بلے من چوشیں سببے نہ دیست۔
ربیدگ روچ ءِ جار درساں پیش بی ایس او ءَ جتگ ءُ اے روچ اولی رند ءَ دو مارچ دو ھزار دہ ءَ دارگ بوتگ ۔ آ روچی ھم بلوچ مروچیگیں پیم ءَ غلام ءُ چیر دست اِت اَنت بلے بی ایس او ءِ چیردستی ءَ ڈھول ءُ دوچاپی بوت۔ آ روچ ءَ سنگت ثنا شھید نہ بوتگ اَت نہ کہ ذاکر مجید گار ءُ بیگواہ اَت بلے بلوچ ءِ سر ءَ جبراکیں دور آسر نہ بوتگ اِت اَنت ۔ شھید اکبر (26اگست 2006) ، شھید بالاچ(21نومبر 2007) ءُ مرگاپ ءِ وھیل(2اپریل 2009) بلوچانی دلبندءَ تاجگیں ٹپ اِت اَنت بلے پدءَ ھم بی ایس او ءِ جار ءِ پد ءَ راج ءَ گوں وژدل ءُ شادمانی ربیدگ روچ داشت ۔پہ بی ایس او ءَ اے مزنیں ھبر ے کہ ’ بلوچ ربیدگ روچ ‘ ءِ سکینکار ءُ بن ھشت ایر کنوک اِنت ۔ ھما روچ ءَ کہ بی ایس او ءَ اے روچ داشتگ ما پمیشکا وش اَتک کرتگ کہ اے سنچداریں ھیالے اَت ۔ مزنیں راجانی یک نشانی یے ھمیش اِنت کہ آمشکلانی تہ ءَ ھم پہ وتا وشی ءِ ادار درگیج اَنت ءُ من بی ایس او ءُ ھما دانشورانی کہ اے روچ ءِ دارگ ءَ سر ءَ ایرادگرگ ءَ اَنت پمیشکا ھم ھیال نئے آں کہ نوں اے روچ سرجمیں جھان ءِ بلوچاں ’ جھانی بلوچ ربیدگ روچ ‘ءِ بستار ءَ من اِتگ ۔ انچوش کہ لھتیں کم سنچیں مردمانی نیمگ ءَ ’ عید ‘ ءِ وشیاں وتا دور دارگ ءِ سوج ءُ ھبر گوات ءَ برت ھمے پیم نوں اے’ یک راج روچے ‘ جوڑ بوتگ انچوش کہ عید وشیں نوبتاں ھم کیت ءُ سکیانی نوبت ءَ ھم ۔عید نہ چار اِیت کہ ڈکال اِنت بزگی اِنت ءُ واری اِنت بلکیں بستگیں اَدار ءُ پاسانی پابند اِنت ھما پاس کہ اے پاسبندیانی ذمہ واراں بستگ اَنت انچوش کہ بی ایس او ءَ یک ذمہ واریں چاگردی گلے ءِ بستار ءَ ’راج ربیدگ روچ ‘بستگ پمیشکا اے روچ گوں راجی جوزگاں دارگ لوٹ اِیت۔ اگاں شھیدانی ریتکگیںھون ءِ سبب ءَ ما اے روچ ءَ دو ءِ بدل ءَ سئے ھم بہ من اِیں ایشی ءِ ارزش ءُ بستار گیشتر بیت ۔’ بلوچ ربیدگ روچ ‘ پہ بلوچاں یک انچیں روچے جوڑ بوتگ کہ سرجمیں جھان ءِ بلوچاںیکجا ءُ تپاک کنت آھانی گوں وتی ربیدگاں دوستی ءُ بلوچی پھرءَ گیش کنت ۔اے دوستی ءُ پھر ءِ تہ ءَ اگاں شھیدانی ریتکگیں ھونانی رنگ ھوار مہ بیت گڑا اِے ’راج روچ‘ ھورک ءُ ھوادگ اِنت ۔
بلوچ ربیدگ روچ بہ بیت یا آ دگہ روچ کہ’ راج روچانی‘ نام ءَ دارگ بوگ ءَ اَنت گیشتر گوں وتی پژدر ءَ ھم بستگ نئے اَنت ۔ کس نہ زانت پرچا ءُ چیا اے روچ دارگ بنت ۔ جھانی تک ءَ ھم ما بہ چار اِیں ھریک جھانی روچے ءِ دارگ ءِ پژدر ھست اَنت ۔ بیست ءُ یک فروری ماں جھان ءَ پمیشکا ’ ماتی زبانانی روچ ‘‘ اِنت کہ ھمے روچءَ پاکستان ءَ ’ اُردو زبان ‘ ایوکیں راجی زبان نامینگ بوت کہ بنگالیاں نہ من اِت ءُ آشوب کرت۔ھمے پیم سندھی کلاھے روچ کہ جھانی تک ءَ’ سندھی ربیدگ روچ‘ اِنت پمیشکا دارگ بیت کہ یک پاکستانی ٹی وی اینکرے ءَ پاکستان ءِ سندھی صدر آصف زرداری ءِ سندھی کلاھے سر ءَ ایراد گیپت کہ پرچا سندھی کلاہ ءَ گوں درملکی سوا د ءَ شتگ ۔سندھی راجدوستاں اے ھبر انچوش تور اِت کہ نوں ھمسال چاردسمبر ءَ سرجمیں جھان ءَ سندھی کلاہ ءِ روچ دارگ بیت۔
بلے بیاکہ ’ بلوچ ربیدگ روچ ‘ ءِ بن ءَ کس سرپد نئے اِنت کہ چی اِنت ؟(انچوش کہ ربیدگ ءَ نہ زانگ ءَ اَنت )۔ وشیں ھبرے کہ دومارچ ءَ سرجمیں جھان ءَ بلوچ ’ بلوچ ربیدگ روچ ‘ دار اَنت داں جھان سرپد بہ بیت کہ بلوچ نامیں راجے گوں وتی ربیدگ ءَ ھمے یکیں زمین ءِ سر ءَ کہ آ زندگ اَنت ھست ۔بلے اے روچ پہ کئی گْوشگ ءَ دارگ بوگ ءَ اِنت ءُ پرچا؟ اولی رند ءَ اے روچ دو مارچ دوھزار دہ ءَ دارگ بوتگ ۔ آوھدی من بی این ایم ءِ سیکریٹری اطلاعات اِت آں ۔ اے ھال من روتاکاں ونت کہ دو مارچ ءَ بلوچ ربیدگی روچ دارگ بیت چَہ ایشی ءَ پیش کہ چَہ کسے ءَ سوڈگ ءُ جست ءُ پرس بہ کرت اِنت کہ’ اے روچ کئے ءَ پہ ربیدگ روچ ءَ نامینتگ ءُ ایشی ءِ پژدرچی اِنت ؟ چد ءُ پیش اے روچ کئے ءَ بلوچ ربیدگ روچ ءِ نام ءَ داشتگ ؟‘کہ بی ایس او ءِ نودربراں ایشی ءِ پلہ مرزی بنا کرت برنامہ ءُ مراگشانی جار جنگ بوت ۔ مئے ھند ءَ بی ایس او سید ھاشمی ڈگری کالج گوادربنزہ ءَ اے درگت ءَ برنامھے ایر کرت ۔ دلپاکیں نودربراں گوں سواس ءُ پاگاں اے برنامہءَ بھر زرت۔ ھمود ءَ ھم ما گوں نودربراں تْران کنان دلگوشگور کرتگ کہ ’ ’ربیدگ ءِ بستار ءَ بہ زان اِتءُ ھریک کارے ءَ گوں سنچ ءَ بہ کن اِت داں راج ءَ آئی ءِ جوانیں مزے دات بہ کن اِت۔‘‘
سئے مارچ دوھزار دہ ءَ خضدا رءَ بلوچ دژمناں یک انچیں کارے کرت کہ بلوچاںیک راستیں پژدرءُ سببے رست کہ ’ سئے مارچ ‘ بلوچ ربیدگی روچ منگ بہ بیت ۔خضدار ءَ ھم بی ایس او ءِ نودربراں بلوچستان ءِ آ دگہ شھرانی پیم ءَ بلوچ ربیدگءِ پیش دارگ ءَ ’ ربیدگ مراگشے ‘ اڈ دات۔ اے مراگش چَہ سرجمیں بلوچستان ءَ برجم بیوکیں مراگشاں درساں مستر ءُ رنگا رنگ اَت ۔ تنگویں ورنا گوں وتی بلوچی پاگ ءُ سواساں اے دیوان ءِ براہ اِت اَنت کہ پاکستانی چیریں ایجنسیانی کاسگ چٹاں اے مراگش ءِ تہ ءَ دستی بم چگل دات چَہ ایشی ءِ سبب ءَ دو بلوچ ورنا جیھند ءُ سکندر شھید بوت اَنت ءُ بازیں ٹپی ۔ ٹپیانی تہ ءَ یک ورناھے ءِ پاد ھم برگ بوت اَنت ۔دژمن ءِ اے کار چَہ آ کار ءَ سکیں مستریں کارے کہ گوں سندھیاں کنگ بوتگ آھاں ایوک ءَ یک ایرادے ءِ سر ءَ وتی روچ بستگ ءُ مئے راج ءِ تنگویں بچ وتی ربیدگ روچ دارگ ءِ ملام ءَ شھید کنگ بوتگ اَنت پمیشکا سئے مارچ بلوچ ربیدگ روچ ءَ یک مھکم تریں جواز ءُ پژدرے دنت ۔
انچوش کہ برز ءِ ستراں نوشتگ کہ بلوچ راج روچانی پژدر شموشگ بوتگ اَنت ءُ دگہ بژ نی ھبر اِیش اِنت کہ ما اگاں نوکیں ربیدگے زور اِیں گڑا زوت آئی ءَ شموش اِیںُ یا آئی ءَ انچوش مانگیشین اِیں کہ ’ راج روچ ‘ ءِ بدل ءَ ’ ٹک روچے ‘ جوڑ بیت ۔ بھمانگی ھبرے کہ بلوچ ربیدگ روچ ءَ دو مارچ ءَ دارگ ءِ جار بی ایس او ءَ جتگ ءُ پہ ھمے روچ ءِ مراگشانی دارگ ءِ سبب ءَ آئی ءِ دو باسک شھید بوتگ بلے نوں کہ اے روچ کم کم ءَ ’ راج روچ ‘ ءِ بستار ءَ منگ بوگ ءَ اِنت بی ایس اوءُ دگہ راجدوستیں گل کہ بی ایس او ءِ ھمدست اَنت ایشی ءِ سر ءَ ناوشی دْرشانگ ءَ اَنت ۔ اے کارمدامگیں پیم ءَ بلوچ راج ءِ زانتکاراں ھم گرگ بوگ ءَاِنت ،ھما زانتکاراں کہ بے جست ءُ پرس ءَ ’ ربیدگ روچ ‘ ءِ پلہ مرزی کرتگ آ ’ ربیدگ روچ ‘ ءِ ایرجنگ ءَ ھم وتی راجی ڈبوسرپد بوگ ءَ اَنت ۔ من ءَ ھم یکے ءَ پرمائش کرتگ کہ’ اے درگت ءَ بہ نویس آں ءُ ھما ٹی وی ءَ ایربہ جن آں کہ اے روچ ءِ دارگ ءَ چَہ درساں دیم ءَ گندگ بیتءُ رسانکدر ءِ کمک ءِ سبب ءَ چَِہ راجدوستیں گلاں گیشتر مھلوک ءَ اسرمند کنان اِنت ۔‘ من بازجھد کرت کہ وتا وتی ھمے سنگتانی رَم ءَ ھوار بہ کن آں کہ اے روچ ءِ دارگ ءَ دوست نہ دارگ ءَ اَنت ۔چر آھانی دلیل ءُ ھبراں دل ھماھانی نیمگ ءَ بے تر اِیت، بلے من چوشیں سببے نہ دیست۔
ربیدگ روچ ءِ جار درساں پیش بی ایس او ءَ جتگ ءُ اے روچ اولی رند ءَ دو مارچ دو ھزار دہ ءَ دارگ بوتگ ۔ آ روچی ھم بلوچ مروچیگیں پیم ءَ غلام ءُ چیر دست اِت اَنت بلے بی ایس او ءِ چیردستی ءَ ڈھول ءُ دوچاپی بوت۔ آ روچ ءَ سنگت ثنا شھید نہ بوتگ اَت نہ کہ ذاکر مجید گار ءُ بیگواہ اَت بلے بلوچ ءِ سر ءَ جبراکیں دور آسر نہ بوتگ اِت اَنت ۔ شھید اکبر (26اگست 2006) ، شھید بالاچ(21نومبر 2007) ءُ مرگاپ ءِ وھیل(2اپریل 2009) بلوچانی دلبندءَ تاجگیں ٹپ اِت اَنت بلے پدءَ ھم بی ایس او ءِ جار ءِ پد ءَ راج ءَ گوں وژدل ءُ شادمانی ربیدگ روچ داشت ۔پہ بی ایس او ءَ اے مزنیں ھبر ے کہ ’ بلوچ ربیدگ روچ ‘ ءِ سکینکار ءُ بن ھشت ایر کنوک اِنت ۔ ھما روچ ءَ کہ بی ایس او ءَ اے روچ داشتگ ما پمیشکا وش اَتک کرتگ کہ اے سنچداریں ھیالے اَت ۔ مزنیں راجانی یک نشانی یے ھمیش اِنت کہ آمشکلانی تہ ءَ ھم پہ وتا وشی ءِ ادار درگیج اَنت ءُ من بی ایس او ءُ ھما دانشورانی کہ اے روچ ءِ دارگ ءَ سر ءَ ایرادگرگ ءَ اَنت پمیشکا ھم ھیال نئے آں کہ نوں اے روچ سرجمیں جھان ءِ بلوچاں ’ جھانی بلوچ ربیدگ روچ ‘ءِ بستار ءَ من اِتگ ۔ انچوش کہ لھتیں کم سنچیں مردمانی نیمگ ءَ ’ عید ‘ ءِ وشیاں وتا دور دارگ ءِ سوج ءُ ھبر گوات ءَ برت ھمے پیم نوں اے’ یک راج روچے ‘ جوڑ بوتگ انچوش کہ عید وشیں نوبتاں ھم کیت ءُ سکیانی نوبت ءَ ھم ۔عید نہ چار اِیت کہ ڈکال اِنت بزگی اِنت ءُ واری اِنت بلکیں بستگیں اَدار ءُ پاسانی پابند اِنت ھما پاس کہ اے پاسبندیانی ذمہ واراں بستگ اَنت انچوش کہ بی ایس او ءَ یک ذمہ واریں چاگردی گلے ءِ بستار ءَ ’راج ربیدگ روچ ‘بستگ پمیشکا اے روچ گوں راجی جوزگاں دارگ لوٹ اِیت۔ اگاں شھیدانی ریتکگیںھون ءِ سبب ءَ ما اے روچ ءَ دو ءِ بدل ءَ سئے ھم بہ من اِیں ایشی ءِ ارزش ءُ بستار گیشتر بیت ۔’ بلوچ ربیدگ روچ ‘ پہ بلوچاں یک انچیں روچے جوڑ بوتگ کہ سرجمیں جھان ءِ بلوچاںیکجا ءُ تپاک کنت آھانی گوں وتی ربیدگاں دوستی ءُ بلوچی پھرءَ گیش کنت ۔اے دوستی ءُ پھر ءِ تہ ءَ اگاں شھیدانی ریتکگیں ھونانی رنگ ھوار مہ بیت گڑا اِے ’راج روچ‘ ھورک ءُ ھوادگ اِنت ۔
قاضی۔۔۔۔۔۔۔۔۔
من تئی اے گپانی سرا تپاک کناں کہ 2 مارچ بلوچ دود ءُ ربیتانی راجی روچ ءِ نام ءَ دارگ بہ بیت، چیاکہ اے روچ مئے شھیدانی ھونانی وشبواں گوں ھمگرنچ اِنت۔ راجی پشدرے داریت،
بلے دگہ راستی یے ادا گیشینگ لوٹیت کہ سبی میلہ ھم بلاھیں سنچ ءُ پشدری داریت۔ چیاکہ اے ھما میلہ اِنت کہ میر چاکر ءَ گوں لاشاریاں ھمے روچ ءَ اسپ تاچی کُتگ، اے ھمے روچ اِنت کہ باز تاریخ زانت گُشنت کہ اے روچ ءَ بکر ھوت ءِ اسپ تچگ ءَ سوب مند بیتگ ، بلے رنداں کیل کُتگ ءُ ریحان ءَ سوغات داتگ ھمدا چہ رند ءُ لاشار ءِ سی سالئیں جنگ بندات بیتگ۔ ءُ ھزاراں بلوچ ورناہ وتی جند ءِ براتانی تیگانی رھاں چرتگ اَنت۔۔۔۔۔۔۔
بلے مرچی ھمے روچ پاکی استان ءِ چیر دستی ءَ دارگ بیت، پاکستان ءِ کمک ءَ اے روچ چیا دارگ بیت؟؟
یکے ایش اِنت کہ بلوچ راجمانی سنچ ءَ گوں پاکی کثیرالقومی ریاستی لیکہ ءَ گوں ھمگرنچ کنگ ءِ جھد اِنت ءُ دومی من ھمے سرپد باں کہ اے پاکی استان ءِ نیمگ ءَ ھما شادھی سنچ ءِ درنگازی اِنت کہ ھمے روچ ءِ کارستانی سوب ءَ ھزاراں بلوچ ورناہ وتی جند ءِ زھمانی رھاں چرتاں۔۔۔۔انچو کہ چاکر وت رندا پشومان بوت ءُ گُشتے۔۔۔
نو سد تنگھیں ورناھاں
بور اِش بے لگام ءَ تاتکاں
تازی کُرگ اش بے زین ءَ
آواں پہ نشان یکے نیست
تیگاں چرتگ اِنت ھندیاں
زھمانی زھاں زبریناں
بلے رند ءِ پشومانی چی درد وارت، کار بیت وا بیت۔۔۔۔۔۔۔۔
نو من ھمے سرپد باں، کہ 2 مارچ ءِ بلاھیں تاریخ پشدرے۔ مئے سنگت ھمے روچ ءِ ڈیساں شُت اَنت ءُ شھید بیتاں۔۔۔۔۔۔
نو منی ذھن ءَ ھمے گپ ردوم زیرگ اِنت کہ باریں مرچیگیں ماں کراچی ءَ بے سر ءُ پادیں چہ راجی سنچ ءَ گسر کپتگیں 2 مارچ ھمے لڑا نئیت کہ سبی میلہ ایں۔ دانکہ پاکی استان ھمے روچ ءَ گوں وتی تب ءُ مئیل ءَ رنگ بہ دنت ءُ ادا پاکی سنچی ردوم بہ دنت۔ اے بابت ءَ مارا ءُ شمارا ءُ ھر بلوچ ءَ چار ءُ بچار کنگ لوٹیت۔۔۔۔۔
ھمے گمان اِنت کہ منی ضمیر ءَ سوار اِنت۔۔۔۔۔۔۔۔ پمیشا من اے وش کرد ءَ جوانیں چمان گوں نہ چاران۔۔۔۔۔۔