بلوچی زبان ءَھال نویسی ءِارزش:
٭بلوچ جھان ءِ کنڈ کنڈ ءَ شنگ اَنت ۔ ھرکس پہ ھال ءَ جتائیں رسانکدری زبانانی (میڈیا ) واستومند اِنت ۔ رودرتکی بلوچستان ءَ اُردو، روایرشتی بلوچستان ءَ فارسی ، مزن ھور ءَ عربی ءُ یورپی ملکاں انگریزی ءُ دگہ یورپی زبان ۔ کہ آھانی تہ ءَ بلوچستان ءِھال شنگ نہ بنت ۔ پمیشکا گیشتر بلوچ چَہ بلوچستان ءِ بازیں ھالاں سرپد نہ اِنت ۔
٭انگریزی ءُ اُردو زبان ءَ بلوچستان ءِ ھال شنگ بوگ ءَ اَنت ۔ بلے آھانی مول دنیا ءَ سرپد کنگ اِنت پمیشکا اے رنگیں رسانکدرانی تہ ءَ بلوچ چاگرد ءِ زندمانی ءِ بازیں تک ءُ پھنات شنگ نہ بنت ۔
انگریزی ، اُردو ءُ فارسی انچیں زبان اَنت کہ درسیں بلوچ ایشانی وانگ نہ زان اَنت ۔ کسے انگریزی نہ زانت ، کسے فارسی ءُ کسے اُرود ونت نہ کنت ۔
بلوچی بلوچانی راجی زبان اِنت ابید چَہ بلوچی ءَ دگہ چوشیں زبانے نیست کہ آ بلوچاں ھمگرنچ کرت بہ کنت ۔
